Éxodo 8:18 - Bible in Tzotzil de Chamula

¹⁸ Ti viniquetic ti xilic toyol cajale, sc'an ox ta spasic jech ta sc'op spucujic ti ta xesomtaic ti usetic eque. Ja' no'ox un, mu'yuc xa xu' yu'unic. Jech ti usetique lic yilbajin ti jnaclejetique xchi'uc ti chon bolometique.

Bible in Tzotzil de Chenalhó with Deuterocanon

¹⁸ Li boch'otic xchanojic magiae la spasic ti ac'o taluc ep usetic yu'unic ec ta sventa li c'usi tspasique, pero muc xu' yu'unic. Te ilajic ta ti'el ta ch'iquil usetic li cristianoetique xchi'uc li chonbolometique.

Éxodo 8:18 Iomraidhean Croise

Génesis 41:8

Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Éxodo 10:23

Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Éxodo 7:11

Jech ti faraón eque laj stac ta iq'uel ti bijil viniquetic ti oy c'usi sna'ic yesomtaele, xchi'uc ti buch'u xilic ti toyol cajale. Esomtaj yu'unic ec ta sc'op spucujic.

Éxodo 7:12

Ta jujun tal laj stelanic ta lumtic ti svaxtonique. Ti jujun vaxtone joybij ta muc' ta chon. Ja' no'ox un, svaxton ti Aarone laj sbic'be ta ti'el svaxtontac ti oy c'usi sna'ic yesomtaele, xchi'uc ti buch'utic xilic cajal toyole.

Éxodo 8:7

Manchuc mi jech un, laj spasic jech ta sc'op spucujic ec ti viniquetic ti xilic toyol cajale. Sjunul yosilal Egipto nojem com ta rana.

Éxodo 9:11

Ti viniquetic ti xilic toyol cajale, mu'yuc xa xcuch yu'unic ta stsalel ti Moisese. Yu'un bololic xa ta chin ec jech c'u cha'al scotolic ti egipcioetique.

Isaías 19:12

¿Bu oy ti bijil viniquetic avu'un une, faraón, ta yac'belot ana' avil ti c'usi ta snop ti Dios ti scotol xu' yu'un ta scontrainel ti Egiptoe?

Daniel 4:7

Va'i un, talic scotolic ti buch'utic xilic ti cajal toyole, ja' ti jt'unvanejetique, ti bijil viniquetique, ti buch'utic sna'ic sq'uelel senyailtaque, ti oyic ta jteclum Babiloniae. Lic jchapbe ya'iic ti c'usi laj quil ta jvaiche. C'u stu un, mi jutebuc cuch yu'unic ta yalbelun ti c'usi smelol ta xac' ta na'ele.

Daniel 5:8

Scotol ti bijil viniquetic ti oyic ta yajtunel ti ajvalile, ochic batel ta yut na. C'u stu un, mi junuc ti oy buch'u cuch yu'unic ta yojtiquinel ta yalbel ti ajvalil c'usi smelol ta xac' ta na'el ti c'usi ts'ibabile.

San Lucas 10:18

Xi laj yal ti Jesuse: —Jech un, yu'un laj quil co'ol s'elan sleb chauc c'alal jipat yalel talel ta vinajel ti banquilal pucuje.