Éxodo 7:5 - Bible in Tzotzil de Chamula

⁵ C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Bible in Tzotzil de Chenalhó with Deuterocanon

⁵ C'alal me laj xa cac' ta ilel jvu'el te ta Egiptoe, xchi'uc me loq'uemic xa batel cu'un li israeletique, li egiptoetique jech chlic sna'ic ti vu'un Muc'ul Diosun ta melele —x'utat li Moisese.

Éxodo 7:5 Iomraidhean Croise

Salmos 138:7

C'alal oyun ti bu xi'bal sbae, ava'anoj aba cu'un ti laj apojune; ti amuc'ul atsatsale quiil c'ot ta sba jcontratac ti soquem sjolic ta j'ech'ele.

Salmos 9:16

Ti Diose xi s'elan laj yac' sba ta ojtiquinele: c'ot xa ta jchapanvanej. Ti buch'u mu'yuc xch'ulel xa'i sbae, chucul com ta spets' stuc ti smeltsanoje.

Éxodo 10:2

Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.

Éxodo 10:7

Ja' yu'un un, ti yaj'abteltac ti faraone xi laj yalique: —¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Éxodo 8:10

—Oc'om no'ox —xi laj yal ti faraone. Ti Moisese xi laj staq'ue: —Jech ta xich' pasel yo' jech ta xana' ti mu'yuc xa yan Dios jech c'u cha'al ti Dios cu'uncutique.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Ezequiel 25:17

Spajebal xa no'ox ti c'u s'elan ta jpacbeic sutel ya'iique. Ta sc'ac'al co'nton ta jtsitsic ya'iic. Ti jech ta xc'ot ta pasel taj une, ta xlic sna'ic unbi ti vu'un Ajvalilune.”

Ezequiel 28:22

ti xi xavalbe une: ‘Xi s'elan ta xal ti Diose: Contra xaquil, jteclum Sidón. Cajal ta xc'ot jc'oplal ta aventa. C'alal ta xquich'bot ave ta xchapanelote, xchi'uc ta svinajesel ti jlequilal cutsilale, ta sna'ic unbi vu'un ti Ajvalilune.

Ezequiel 32:15

C'alal ta joybin ta sbajtical banomil ti muc' ta lum Egiptoe, ti sts'ijlajan xae, ti mu xa junuc ti jnacleje, ta sna'ic unbi vu'un ti Ajvalilune.

Ezequiel 36:23

Ta xcac' iluc ta sba ta sat ti muc'tiquil lumetic ti jlequilal cutsilal ta acojic ti bisbilun ta cotol chaval yu'unique. C'alal ta xc'ot ta pasel cu'une, ta xlic sna'ic vu'un ti Ajvalilune. Mu stselbuj jc'op ti vu'un Ajvalilune.

Ezequiel 39:22

Ta xlic yilic Israel ti vu'un Ajvalilune, Diosun yu'unic ta yorail taje.

Ezequiel 39:7

Ich'biluc c'otcun ta muc' yu'un ti jteclumal Israele. Mu xcac' que jti' q'uelbil no'ox ta soquel. Ta sna'ic ti muc'tiquil lum jyanlumetique, vu'un ti Ajvalilune, ti ta xcac' ta ilel jlequil cutsilal ta stojol ti Israele.