Éxodo 7:4 - Bible in Tzotzil de Chamula

⁴ Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Bible in Tzotzil de Chenalhó with Deuterocanon

⁴ Li faraone mu xayich'oxuc ta muc', pero li vu'une ta xcac' tal jc'ob te ta Egipto. Ta muc'tic sq'uelubil jtsatsal ta jloq'ues tal li soldadoetic cu'une, li jteclum cu'une, ja' li israeletique.

Éxodo 7:4 Iomraidhean Croise

Éxodo 10:1

Ti Diose xi laj yalbe ya'i ti Moisese: —Batan, ba q'uelo ti faraone. Yu'un laj xa cac' pucujibuc yo'nton xchi'uc ti yaj'abteltaque yo' jech ta xcac'be yilic ti jmuc'ul jtsatsal ti xu' cu'un ta jpas ti ch'ayal ta xc'ot o'ntonal yu'une.

Éxodo 11:9

Ts'acal to un, ti Diose xi laj yalbe ya'i ti Moisese: —Ti faraone mu xayac'oxuc ta venta. Ja' yu'un un, ta x'epaj ti c'usitic ch'ayal ta xc'ot o'ntonal ta xcac' iluc ti li' ta Egiptoe.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 3:19

Ac'o mi jech ta xavalbeic ya'i ti ajvalil yu'un ti Egiptoe, ja' no'ox un, jna' lec ti mu xac' loc'anic batel ti mi mu'yuc c'usi tsots ta xc'ot ta stojole.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 6:26

Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Éxodo 8:15

Ac'o mi jech laj yich' pasel taj une, c'alal laj yil ti faraón ti mu'yuc ti svocole, pucujib xtoc. Mu'yuc laj yich' ta muc' ti Moisese xchi'uc ti Aarone. C'ot ta pasel jech c'u cha'al albilic ono'ox yu'un ti Diose.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 9:12

Ja' no'ox un, ti Diose laj yac' pucujibuc yo'nton yan velta ti faraone. Jech o xal un, mu'yuc laj yich' ta muc' ti Moisese, ti Aarone. C'ot ta pasel jech c'u cha'al albil ono'ox yu'un Dios ti Moisese.

Éxodo 9:3

ti smuc'ul stsatsal ti Diose, ta slaman talel ta sba ti chon bolometic avu'un ti oy ta osile, jtsutsesvanej xa ta j'ech'el ti xchamelic ta xvul ta loq'uele. Ta xcham ti ca'etique, ti burroetique, ti camelloetique, ti vacaxetique, xchi'uc ti chijetique.

Proverbios 19:29

Chapal xa stsitsobil ma' ti buch'u mu xa'i sbaique; sjisjun lec nucul ta spat ti buch'u pimunebe.

Isaías 26:9

Jic' xa ma' ti co'nton ta ac'ubaltique, yut to co'nton ta x'ayan talel ta sa'elot. C'alal ta xlic achapan ti banomile, ta xlic xchanic ti jnaclejetique c'u s'elan ti stuq'uil jol o'ntonale.

Lamentaciones 3:3

Yu'un jujuliquel xlic xcaj no'ox laj syales ti yoc sc'ob ta jtojole.

Ezequiel 14:21

“Ti vu'un Diosune xichi ta xcale: Ja' x'ech' to ti xi s'elan ta xc'ot ta pasel ti ta jtac talel ti chantos tsots tsitsel ta stojol ti jteclum Jerusalene: ti letovajele, ti tsots vi'nale, ti ta xvul ta loq'uel ti jti'oval chon bolometique, ti ta xvul ta loq'uel ti ep ta tos chameletic ta smilel ti jnaclejetique xchi'uc ti chon bolometique.

Ezequiel 25:11

Ta xquich'be ye sti' ya'i ta xchapanel ti Moabe. Ta xlic sna' unbi ti vu'un Ajvalilune.

Ezequiel 30:14

Ti oy ta yolon ti yac'ol xocon sloq'ueb c'ac'al yu'un ti Egiptoe, lilijem ta xcom cu'un. Ta jtiles c'oc' ta Zoán. Ta xquich'be ye sti' ta xchapanel ti Tebase.

Ezequiel 30:19

Ta xquich'be ye sti' ta xchapanel ti jteclum Egiptoe. Ta sna'ic unbi vu'un ti Ajvalilune.’ ”

Apocalipsis 15:4

¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Apocalipsis 16:7

Laj ca'i xtoc ti oy buch'u ta xc'opoj ta altar ti xi ta xale: “Jech, Cajval, Jch'ul Tot, scotol xu' avu'un, Dios, ti melel tuc' ta xachapan scotole.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Jueces 2:15

C'alal jujun velta xbat tsacvanicuc ta letoe, ta xlic contrainaticuc yu'un ti Diose. Mi ja'uc oy c'usi lec ta xc'ot ta loq'uel yu'unic ti c'alal jech ono'ox albilic yu'une. Ac'o mi staojic lec svocolic yu'un Dios ti israeletique,