Éxodo 7:3 - Bible in Tzotzil de Chamula

³ Ja' no'ox un, vu'un ta xcac' pucujibuc ti faraone. Yu'un ti li' ta jteclum Egiptoe, ep ti c'usi ta xcac' iluc ti ch'ayal o'ntonal ta xc'ot yu'une.

Bible in Tzotzil de Chenalhó with Deuterocanon

³ Pero vu'un ta jtsatsubtasbe yo'nton li faraone, jech ta xlic jpas ep senyailtac sq'uelubiltac te ta Egipto ti toj ch'ayel chc'ot yo'ntonic yu'une.

Éxodo 7:3 Iomraidhean Croise

Nehemías 9:10

Muc'tic no'ox ti c'usi laj avac' ta ilel ti ch'ayal o'ntonal xc'ot yu'un ti c'usitic laj apas ta scontrainel ti faraone, ta stojol ti yajtuneltaque, ta stojol ti jnaclejetic yu'un ti steclumale. Laj avil ti jelavem xa'i sbaique, ti loq'uel ta xutilanic ti israeletique. Ja' jech puc ac'oplal avi tana ti jelavem xu' avu'une.

Salmos 135:9

Ta o'lol yu'un ti jteclum Egiptoe, ja' stuc laj stac talel ti ch'ayal o'ntonal ta xc'ot yu'une, ti c'usitic ta xac' ta ilel ta scontrainel ti faraone xchi'uc ti yaj'opisialtaque.

Salmos 78:12

Xi s'elan ac'bat yilic ti stot sme'ic ti ch'ayal ta xc'ot o'ntonal yu'un Dios c'alal oyic ta stuq'uil Zoán ti oy ta Egiptoe:

Éxodo 11:10

Jech ti Moisese xchi'uc ti Aarone lic yaq'uic iluc ti c'usi ch'ayal ta xc'ot o'ntonal yu'un ta sba ta sat ti faraone. Ti jech pucujibtasbat xa yo'nton faraón yu'un ti Diose, mu'yuc laj yac' loc'uc batel ti israeletic ta Egiptoe.

Éxodo 11:9

Ts'acal to un, ti Diose xi laj yalbe ya'i ti Moisese: —Ti faraone mu xayac'oxuc ta venta. Ja' yu'un un, ta x'epaj ti c'usitic ch'ayal ta xc'ot o'ntonal ta xcac' iluc ti li' ta Egiptoe.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 4:21

Ts'acal to un, xi albat Moisés yu'un ti Diose: —C'alal ta xac'ot ta Egiptoe, xavac' me avo'nton ta spasel ta stojol faraón ti ep ta tos laj cac'bot amuc'ul atsatsal ta spasel ti c'usi ch'ayal ta xc'ot o'ntonal yu'une. Ja' no'ox un, mu xac' loc'uc batel ti israeletique. Yu'un vu'un ta jpucujibtasbe yo'nton ti faraone.

Éxodo 4:29

Ts'acal to un, ti xchibalique bat stsobic ti banquilal moletic yu'un ti Israele.

Éxodo 4:7

Laj taj une, xi albat yu'un ti Diose: —Tic'o ochel yan velta ac'ob ta yut ac'u'. Jech laj spas ti Moisese. C'alal laj sloq'ues ti sc'ob yan veltae, lec xa oy. Ch'abal xa xchamel jech c'u cha'al ti sjunul sbec'tale.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Proverbios 21:1

Mi oy ta yoc sc'ob Dios snopbenal yu'un ti ajvalile, co'ol s'elan yoc uc'um x'uc'ubinaj no'ox stamoj batel c'usi ta sc'an ti Diose.

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Miqueas 7:15

Ac'bo yilic ti c'usi ch'ayal ta xc'ot o'ntonal yu'une, jech c'u cha'al laj apas ta sc'ac'alil ti laj aloq'ues talel ta lum Egiptoe.

San Juan 4:48

Xi laj stac' ti Jesuse: —Mi mu xcac' avilic ti c'usitic ch'ayal ta xc'ot o'ntonal yu'une, mu xavich'icun ta muc' ta xch'unel.

Hechos 2:22

“A'yio ava'iic lec, jchi'iltac, ti xi s'elan ta xcale: Ti Jesús liquem talel ta Nazarete, ana'ojic lec ti ja' jun vinic ac'bil yabtel yu'un Dios tal ta atojolic ti laj yac' iluc ep ta tos smuc'ul stsatsale xchi'uc ti c'usi ch'ayal xc'ot o'ntonal yu'un ta sventa ti Diose.

Hechos 7:36

Ja' ti Moisés ti laj sloq'ues talel ti jmolmuc'totic ti oyic to ox ta mosovil ta Egiptoe, ti laj yac' iluc ti c'usitic ch'ayal ta xc'ot o'ntonal yu'une, ti c'usitic muc'tic no'ox laj yac' iluc ta Tsajal Nabe xchi'uc ti cha'vinic (40) jabil oyic ta xocol banomile.

Romanos 15:19

ta sventa ti c'usitic muc'tic c'ot ta pasel ti ch'ayal c'ot o'ntonal yu'une, xchi'uc ta sventa smuc'ul stsatsal ti Ch'ul Espíritu yu'un ti Diose. Taj une, lic cal ti lequil ach' c'op yu'un ti Cristo ta Jerusalene. Ja' jech laj cal batel ta buyuc no'ox ti c'ot c'alal to yosilal Iliria banomile.

Romanos 9:18

Va'i un cha'e, ti Diose ta xc'uxubin ti buch'u ta sc'an ta xc'uxubine. Ta spucujibtasbe yo'nton ti buch'u ta sc'an ta spucujibtasbee.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Deuteronomio 7:19

Ja'uc me taluc ta ajolic ta snopel ti c'u s'elan laj avilic ta aba ta asatic ti muc'tic no'ox ti c'usitic laj vinajuque, ti ch'ayal ta xc'ot o'ntonal yu'une, ti laj slaman talel ti smuc'ul stsatsal ti Dios ti c'alal laj sloq'uesoxuc talel ta Egiptoe. Yu'un ja' ono'ox ta spas ti Dios ta stojol scotol ti lumetic ta xaxi'ic yu'une.