Éxodo 7:22 - Bible in Tzotzil de Chamula

²² Pas yu'unic ec ta sc'op spucujic ti egipcio viniquetic ti xilic ti toyol cajale. Ja' yu'un un, c'ot ta pasel ti pucujib yo'nton ti faraone. Mu'yuc laj yich' ta muc' ti c'u s'elan albatic yu'un ti Moisese xchi'uc ti Aarone. C'ot ta pasel jech c'u cha'al yaloj ono'ox ti Diose.

Bible in Tzotzil de Chenalhó with Deuterocanon

²² Pero li boch'otic xu' yu'un chac' ta ilel svu'elic te ta Egiptoe ja' jech la spasic ec. Jech yo'to itsatsub lec yo'nton li faraone; muc xich'be o ta muc' sc'opic li Moisés xchi'uc Aarone, ja' li c'usi albilic yu'un Muc'ul Diose.

Éxodo 7:22 Iomraidhean Croise

Génesis 41:8

Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Éxodo 7:11

Jech ti faraón eque laj stac ta iq'uel ti bijil viniquetic ti oy c'usi sna'ic yesomtaele, xchi'uc ti buch'u xilic ti toyol cajale. Esomtaj yu'unic ec ta sc'op spucujic.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 7:21

Ti choyetique laj chamicuc. Ti uc'ume tuib ta j'ech'el. Jech ti egipcioetique mu xa stac' xuch'ic ti vo'e, yu'un ta sjunlej Egipto joybij ta ch'ich' ti vo'e.

Éxodo 7:23

Jech ti faraone sut batel ta sna. Mi ja'uc tsots sc'oplal laj ya'i ti c'usi laj yile.

Jeremías 27:18

Ti bats'iuc j'alc'opeticuc ta melele, ti melel vu'unuc laj jc'oponique, ac'o xisc'anbeicun ta jtojol ti vu'un Diosun ti scotol xu' cu'une, ti mu xcac' que jti' ti x'ich'e batel ta Babilonia ti c'usitic toj jtunel oy ta ch'ulnae, xchi'uc ti oy ta sna ti ajvalil yu'un ti Judae, xchi'uc ti ta Jerusalene.

2 Timoteo 3:8

Jech c'u cha'al laj spasic ti j'iloletic Janese xchi'uc ti Jambrese ti laj scontrainic ti Moisese, ja' jech ti viniquetic taje ta scontrainic ti bu ja' melele, soquem ti sjolique. Mi ja'uc juteb xc'ot ta yo'ntonic ta xch'unel ti Cajvaltique.