Éxodo 7:19 - Bible in Tzotzil de Chamula

¹⁹ Ja' jech xtoc ti Diose xi laj yalbe ti Moisese: —Albo ya'i ti Aarone ti ac'o stsac ti svaxtone. Ac'o stoy batel sc'ob ta sba ti uc'umetique, ti bic'tal uc'ume, ti nabetique, ti ta joq'uetic yu'unic ti egipcioetique. Yu'un ta xjoybij ta ch'ich' scotol ti c'usiuc no'ox oy ya'lele. Ti buyuc no'ox ts'anajtic ti vo'e, mi ta ton, mi ta te', ta xjoybij ta ch'ich'.

Bible in Tzotzil de Chenalhó with Deuterocanon

¹⁹ Li Muc'ul Diose jech laj yalbe noxtoc li Moisese: —Albo Aarón ti ac'o stsac li snamte'e. Ac'o stoy sc'ob ta sba uc'umetic, ta bevo'etic, xchi'uc bu ts'anajtic bic'tal nabetic, xchi'uc ta buyuc no'ox ts'anajtic vo' te ta Egipto banamil, xchi'uc ta scotol li yav ya'alique, yu'un jech ac'o c'atajuc ta ch'ich' scotol. Jech puru ch'ich' xa te ts'anajtic tstaic ta yavil ya'alic ti pasbil ta te', o me ta tone —x'utat li Moisese.

Éxodo 7:19 Iomraidhean Croise

Génesis 1:10

Ti bu taquin come, ti Diose laj yac'be sbiin “banomil”. Yan ti bu laj stsob batel ti vo'e, laj yac'be sbiin “muc' ta nab”. C'alal laj yil Dios ti lec bat scotole,

2 Reyes 4:29

Ti Eliseoe xi laj yalbe ya'i ti Giezie: —Chapano aba, ich'o batel ti jvaxtone, batan ti bu taje. Mi oy buch'u ta xanup ta bee, mu xapajes aba ta xchi'inel ta lo'il. Mi oy buch'u ta xasc'opone, mu xatac'be. C'otuc no'ox ametsanbe ti jvaxton ta sat ti quereme.

Éxodo 10:12

Ja' no'ox un, ti Diose xi laj yalbe ya'i ti Moisese: —Toyo ac'ob ta stojol ti Egiptoe. Ac'o taluc ti c'ulubetic ta slajesel ti c'usitic x'ayan ta jteclume, ta stsutsesel ti spulemal xquechel ti bote.

Éxodo 10:21

Ja' yu'un un, ti Diose xi laj yalbe ya'i ti Moisese: —Toyo ac'ob ta vinajel. Ac'o ic'ubuc ta osil sjunlej ti Egiptoe, ti ic' ta jmec ti xvinaj xa ta piquel yilele.

Éxodo 14:16

Jech ti vo'ote, tuneso ti avaxtone. lich'o batel ac'ob ta xtuchel ta toyol yo' jech ta xch'ac sba ta jujujot ti nabe, yo' jech taquin lec ta x'ech' xtuch'ic ti israeletique.

Éxodo 14:21

Jech ti Moisese laj xlich' batel sc'ob ta sba ti nabe. Jech ti Diose laj yac' taluc tsots ic' ti xjumet sjunul ac'ubal ti lic talel ta sloq'ueb c'ac'ale. Jech ti nabe laj spas sba ta cha'ch'ac. Ja' yu'un un, ti Diose joybij yu'un ta taquin banomil ti nabe.

Éxodo 14:26

Jech ti Diose xi laj yalbe ya'i ti Moisese: —Lich'o batel ac'ob ta toyol ta sba ti nabe yo' ta spuli sba sutel ti vo'e. Ac'o smut'i ya'i ti egipcioetic xchi'uc ti scarretaique, ti jcajlejetic ta ca' yu'une.

Éxodo 4:9

Yan ti mi mu xayich'ic ta muc' yu'un ti xchibal senyail ta xavac'be yilique, ti mi mu tsotsuc sc'oplal ta xa'iique, batan, ba lupo talel vo' ta uc'um, malo ta banomil. C'alal ta xamal ta banomil ti vo' ti laj alup talel ta uc'ume, ta xjoybij ta ch'ich'.

Éxodo 8:16

Ti Diose xi laj yalbe ya'i ti Moisese: —Albo ya'i ti Aarone ti ac'o smaj ta svaxton spucuquil ti banomile yo' jech ta xjoybij ta us ti pucuque. Ac'o tanijuc batel ta sjunlej Egipto.

Éxodo 9:33

Ti Moisese loc' batel ta jteclum ti c'alal laj xa ox sc'opon sba xchi'uc ti faraone. Laj stoy sc'ob ta sc'oponel ti Diose. Ta ora no'ox paj ti chauque, ti vo'e, xchi'uc ti bote.

Isaías 19:10

Ti jal-poq'uetique mu'yuc xa c'usi stac' spasic ta xa'iic. Mu xa stac' a'yeluc ta xa'iic c'usi stac' ta spasic scotolic ti buch'utic sna'ic yabtelanel ti c'usitic ep ta tos sna'ic spasele.

Isaías 5:25

Jech o xal ti Dios une soc sjol ta stojolal ti slumale, yal yoc sc'ob ta tsitsvanej. xnic no'ox liquel ti vitstique, co'ol to s'elan c'a'ep busul no'ox com ti animaetic ta bebetique. Manchuc mi jech un, mu'yuc to ech'em sc'ac'al yo'nton ma' ti Dios une, staoj to yav ta sibtasvan.

Habacuc 3:8

¿Mi yu'un ilinemot xa yu'un ti uc'umetic, Cajval? ¿Mi yu'un til xa sc'ac'al avo'nton yu'un ti muc' ta nabetique? ¿Mi yu'un xavilet no'ox ta aca'tac yu'un ti va'i s'elane? ¿Mi ja' to jech xa'och ta acarreta sventa ti tsalvaneje?