Éxodo 7:18 - Bible in Tzotzil de Chamula

¹⁸ Jech ti choyetique ta xcham. Ta xtuib ti uc'ume. Ja' yu'un un, ti egipcioetique ta x'ib yo'ntonic ta yuch'el ti vo'e.’ ”

Bible in Tzotzil de Chenalhó with Deuterocanon

¹⁸ Li choyetique ta xcham scotol, jech ta xtuib li uc'ume. Li egiptoetique ta x'ibaj yo'ntonic yu'un li vo'e, jech mu sc'an xuch'ic o’, uto —x'utat yu'un Dios li Moisese.

Éxodo 7:18 Iomraidhean Croise

Éxodo 7:21

Ti choyetique laj chamicuc. Ti uc'ume tuib ta j'ech'el. Jech ti egipcioetique mu xa stac' xuch'ic ti vo'e, yu'un ta sjunlej Egipto joybij ta ch'ich' ti vo'e.

Éxodo 7:24

Scotolic ti egipcioetique lic spasic sjoq'uic ta ti'ti' uc'um yo' jech ta slupic lequil vo' yuch'ic, yu'un ti vo' ta uc'ume, mu xa stac' uch'el.

Isaías 19:6

Ta xtuib ta j'ech'el ti be vo' pasbile. Ti xpumet no'ox yoc ti uc'um ta Egiptoe, yu'un ta c'un c'un ta xbic'taj ech'el, ja' to ti c'uxi xtaquij ta j'ech'ele. Ti pujetique xchi'uc ti jchop o ta puje, ta xlic nucultajuc.

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!