Éxodo 7:11 - Bible in Tzotzil de Chamula

¹¹ Jech ti faraón eque laj stac ta iq'uel ti bijil viniquetic ti oy c'usi sna'ic yesomtaele, xchi'uc ti buch'u xilic ti toyol cajale. Esomtaj yu'unic ec ta sc'op spucujic.

Bible in Tzotzil de Chenalhó with Deuterocanon

¹¹ Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Éxodo 7:11 Iomraidhean Croise

Génesis 41:8

Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Éxodo 7:12

Ta jujun tal laj stelanic ta lumtic ti svaxtonique. Ti jujun vaxtone joybij ta muc' ta chon. Ja' no'ox un, svaxton ti Aarone laj sbic'be ta ti'el svaxtontac ti oy c'usi sna'ic yesomtaele, xchi'uc ti buch'utic xilic cajal toyole.

Éxodo 7:22

Pas yu'unic ec ta sc'op spucujic ti egipcio viniquetic ti xilic ti toyol cajale. Ja' yu'un un, c'ot ta pasel ti pucujib yo'nton ti faraone. Mu'yuc laj yich' ta muc' ti c'u s'elan albatic yu'un ti Moisese xchi'uc ti Aarone. C'ot ta pasel jech c'u cha'al yaloj ono'ox ti Diose.

Éxodo 8:18

Ti viniquetic ti xilic toyol cajale, sc'an ox ta spasic jech ta sc'op spucujic ti ta xesomtaic ti usetic eque. Ja' no'ox un, mu'yuc xa xu' yu'unic. Jech ti usetique lic yilbajin ti jnaclejetique xchi'uc ti chon bolometique.

Éxodo 8:3

Ti ta uc'ume, ta xvoc' talel epal ranaetic. Ta xloq'uic batel, chba stic'anan sbaic ta ana, ta avayeb. Ta xmuyan batel ta sba atem, ta snaic xtoc ti avaj'abteltaque, xchi'uc scotol ti avinquileltaque, ti ta sta'ajesobil apane, xchi'uc ti bu ta xich' vots'ele.

Éxodo 8:7

Manchuc mi jech un, laj spasic jech ta sc'op spucujic ec ti viniquetic ti xilic toyol cajale. Sjunul yosilal Egipto nojem com ta rana.

Daniel 2:2

Ja' yu'un un, ti ajvalile laj sta talel ta iq'uel ti viniquetic ti xilic cajal toyole, ti jt'unvanejetique, ti buch'utic oy c'usi xu' yu'unic ta yesomtaele, xchi'uc ti bijil viniquetique. Taje, ja' ta sbainic ta yalbel smelol ti jaytos vaichiletique. Jech ti stuquique batic, c'otic ta stojol ti ajvalile.

Daniel 2:27

Ti Daniele xi laj staq'ue: “Ti jech oy ta avo'nton ta xac'an ta xaq'uic ta na'el ti c'usi toj mucul ta j'ech'ele, Jcuch abtel, mi ja'uc junuc ti xu' ta x'al yu'unic ti bijil vinique, ti jt'unvaneje, ti xilic cajal toyole, ti sna' sq'uelel senyailtaque.

Daniel 4:6

Ja' yu'un un, laj cal mantal ti talicuc ta jtojol scotol ti bijil viniquetic ti oyic ta Babiloniae yo' jech ta xiyalbeicun c'usi smelol ta xac' ta na'el ti jvaiche.

Daniel 5:11

Yu'un ti bu c'alal aventainoj ta spasel mantale, oy jun vinic ti ventainbil yu'un xcuxlejal ti Ch'ul Diose. Yu'un ti c'alal yorail tiq'uil ta ajvalilal ti atote, Jcuch abtel, ti vinic taje laj yac' ta ilel ti jamal lec ti snopobil yu'une, ti jelavem ti sbijil ta j'ech'ele, ti ja' jech c'u cha'al sbijil ti diosetique. Jech ti ajvalil Nabucodonosor ti ja' atote, Jcuch abtel, ti vinic taje, laj yac'be tsots yabtel. Ja' c'ot ta banquilal jpas-mantal yu'un scotol ti buch'utic xilic ti toyol cajale, ti sna' xt'unvanique, ti bijil viniquetique, xchi'uc ti buch'utic xojtiquinic senyailtac ti oyic ta muc' ta lume.

Daniel 5:7

Ta anil no'ox, tsots lic c'opojuc ti c'alal laj stac ta iq'uel ti jt'unvanejetique, ti bijil viniquetique, ti buch'utic sna'ic sq'uelel senyailtac ti oyic ta jteclum Babiloniae, ti xi laj yale: “Ti buch'u sna' yojtiquinel ti c'usi le' ts'ibabile, ti sna' yalbel smelol ti c'usi ta xac' ta na'ele, ta x'ac'bat slap yax'elan xela c'u'il. Ta x'ac'bat xtoc yuin jlicuc carina ti meltsanbil ta oroe. Jech xtoc ta xc'ot ta yoxibal ajvalil ti ja' ta x'och ta sbainel ti bu ta jpas-mantale.”

San Mateo 24:24

Yepal no'ox ta xvul loq'uel jlo'lavanejetic li' ta banomile, ta sbis sbaic ta Cristo, ta sbis sbaic ta j'alc'opetic. Yepal no'ox ta xaq'uic iluc senyailetic, xchi'uc oy c'usi ch'ayal ta xc'ot o'ntonal yu'un, yo' ta slo'laic ya'i ti buch'utic t'ujbilic yu'un ti Diose.

Gálatas 3:1

Toj alticoxuc ta j'ech'el, galataetic, ¿buch'u laj stic'boxuc xchamel avo'ntonic ti jech mu xa xach'unic ti lequil ach' c'op ti ja' melele? Yu'un ti c'alal laj calboxuc ava'iic ti sc'op Diose, co'ol to s'elan laj ataic ta ilel ta asatic ti jipil ta curus cham ti Cristoe.

Efesios 4:14

Ja' yu'un un, mu xa co'oluc j'elantic jech c'u cha'al ololetic ti xtal xbat ti snopobil yu'une, ti jochbil no'ox ta xch'unel ti oy c'usi ach' ta xchanubtasat yu'un ti jlo'lavanejetic ti ja' no'ox ta sc'an ta x'ic'van batel ta sbelal ch'ayele.

2 Tesalonicenses 2:9

C'alal xvul ta loq'uel ti me'mulil vinic taje, ja' coltabil yu'un ti pucuje, ti yepal no'ox ti smuc'ul stsatsal ta xac' iluque, xchi'uc ti c'usi ch'ayal ta xc'ot o'ntonal yu'une, ti naca ta xlo'lavan xchi'uque.

2 Timoteo 3:8

Jech c'u cha'al laj spasic ti j'iloletic Janese xchi'uc ti Jambrese ti laj scontrainic ti Moisese, ja' jech ti viniquetic taje ta scontrainic ti bu ja' melele, soquem ti sjolique. Mi ja'uc juteb xc'ot ta yo'ntonic ta xch'unel ti Cajvaltique.

2 Timoteo 3:9

Ja'uc le'e, mu jechuc ta xcom o ta jlo'lavanej, yu'un ta xlic yil scotolic ti bolinebic ta j'ech'el jech c'u cha'al ti cha'vo' viniquetic ti laj scontrainic ti Moisese.

Apocalipsis 19:20

Ti jti'oval chone och ta c'abal jmoj xchi'uc ti jlo'lavanej j'alc'op ti laj yac' iluc ti oy c'usi ch'ayal ta xc'ot o'ntonal yu'un ta stojol ti jti'oval chone. Ta sventa ti laj yac' iluc oy c'usi ch'ayal ta xc'ot o'ntonal yu'un ti jlo'lavanej j'alc'ope, laj slo'laan ti buch'utic sq'ueloj xa no'ox sba laj yich'ic smarcail ti jti'oval chone, xchi'uc ti laj yich'beic ta muc' ti sloc'obbaile. Va'i un, ti jti'oval chone, xchi'uc ti jlo'lavanej j'alc'ope, cuxul jipatic yalel ta c'oc' ti bu ta xtil ta azufree.

1 Samuel 6:2

Ja'uc ti filisteoetique laj stsobic talel ti paleetique xchi'uc ti jt'unvanejetique yo' xi ta sjac'beique: —¿C'usi ta jpastic xchi'uc ti xcaxa Diose? Albun ca'icutic c'uxi xu' xbat jsutescutic ti bu lic talele.