Éxodo 6:8 - Bible in Tzotzil de Chamula

⁸ Ta xaquic'oxuc batel ta banomil ti calojbe ono'ox ti ta xcac'be ti Abrahame, ti Isaaque, ti Jacobe. Vu'un ti Ajvalilune ta xcac'boxuc abanomilinic.

Bible in Tzotzil de Chenalhó with Deuterocanon

⁸ Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Éxodo 6:8 Iomraidhean Croise

Génesis 14:22

Va'i un, ti Abrame xi laj staq'ue: —Caloj xa ta jamal ta stojol ti Ajvalil ti ja' Dios ti oy ta toyole, ti ja' laj smeltsan ti vinajel banomile,

Génesis 15:18

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 35:12

Yu'un ti banomil laj cac'be yich' ti Abrahame xchi'uc ti Isaaque, ta xcac'bot avich' ec. Ts'acal to un, ta xcac'be yich' ec ti anitilultaque.”

Nehemías 9:15

Laj avac'be ti ve'lil ti lic talel ta vinajele yo' jech ta snojes ti xch'utic yu'un ti vi'nale. Laj avac'be ti vo' ti loc' talel ta ch'ene yo' jech ta x'ech' ti taqui ti'il ta xa'iique. Ta jech yepal un, laj avalbe ya'i ti ta x'ochic ta yu'ninel ti jteclum ti avaloj ono'ox ta xu'ninique.

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Éxodo 6:2

Ti Moisese xi albat yu'un ti Dios yan veltae: —VU'UN TI AJVALILUNE.

Éxodo 6:4

Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Ezequiel 20:15

‘Ta sbajtical banomile, laj jva'an jba ta yalbeic ya'iic ti mu x'ochic batel ta muc' ta lum ti albil sc'oplal ta xcac'beique, ti stuc no'ox c'upil sba ta j'ech'el bu co'ol s'elan vo' ta xbein ti chu' vacaxe xchi'uc ti ajapome.

Ezequiel 20:23

Ta sbajtical banomil une, laj jva'an jba ta yalbel ya'iic ti ta jtaniic batel ta muc'tiquil lum ti oy ta sbejel banomile.

Ezequiel 20:28

C'alal ochic batel ta banomil cu'un ti jbel sc'oplal ta xcac'beique, naca to no'ox laj staic ta ilel toyol stselej mi jun limlim te'. Lic yaq'uic ta anil milbil matanal ti bu taje. Yepal no'ox laj soquesbeicun co'nton yu'un ti matanale, naca yac'bel no'ox yu'unic ti muil momoletique, ti matanal vinoe.

Ezequiel 20:42

C'alal mi la'ochic xa batel cu'un ta Israele, ta muc' ta lum ti cac'oj que jti' ta yac'bel sventain ti atot ame'ic laj ech'icuque, va'i unbi, ta xana'ic liquel ti vu'un Diosune.

Ezequiel 36:7

Ta xcal ti vu'un Diosune ti nijil chimil ta xcomic ta q'uexlal ti alac'na jteclumetic joyol ta apat ta axocone.

Ezequiel 47:14

Laj jva'an jba ta yalbel ya'iic ti amolmuc'totic ta vo'nee, ta xcac'beic ti muc' ta lume. Co'ol xach'acbe abaic. C'otem ta arextoic ti muc' ta lum li'e.

Números 10:29

Oy jun c'ac'al, ti Moisese xi laj yalbe ti Hobabe, ti ja' sbole, xnich'on ti Reuele, ti ja' jun madianita vinique: —Ti vu'uncutique ta xibatcutic ta jteclum ti bu yaloj ti Dios ti ta xac'buncutique. La' chi'inotic. Lec ta jpas jbacutic ta atojol. Yu'un ti Diose yaloj ti ta xc'uxul yo'nton ta xc'uxubin ti Israele.

Números 11:12

¿Mi yu'un stoticun, mi sme'icun yo' jech ta xavac'bun jpet batel jech c'u cha'al jchu'nel olol c'alal to ta banomil ti avalojbe ya'i ti smolmuc'totic ta xavac'bee?

Números 14:30

Mi junuc ta xa'ochic batel ta banomil ti laj calboxuc ta jamal ti ta xacac'beique. Ja' no'ox ta x'ochic batel ti Calebe xchi'uc ti Josuee.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

Deuteronomio 32:40

Ta jye' muyel coc jc'ob ta vinajel. Ti jech cuxulun sbatel osile, ta jva'an jba ta yalel ta jamal,

Deuteronomio 4:31

ja'uc ti stuc une, ti jech mu albajuc ti yutsil slequil yo'ntone, mi ja'uc xastenoxuc comel. Mi ja'uc ti ta xastsutsesoxuc ta j'ech'ele. Mi ja'uc ta xch'ay ta yo'nton ti strate laj spas xchi'uc ti amolmuc'totic ti laj ech'icuc ta vo'nee, ti laj sva'an sba ta yalel ti ta xc'ot ta pasel yu'une.

Josué 24:13

Yu'un laj cac'boxuc jun banomil ti bu ma'uc avabtelanojique, ti jteclumetic ti bu ma'uc laj ameltsanique. Avi tana une, nacaloxuc xa, yacal xa ta xatunesic ta slajesel ti aceitunae xchi'uc ti uvae, ti bu ma'uc laj ats'unique.’ Ti Josuee xi to lic yalolan batele:

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

1 Samuel 15:29

Yu'un ti Diose, ja' yutsil slequilalic ti Israele, jbel xc'opoj. Mi ja'uc sna' sutes sba. Mu xco'olaj jech c'u cha'al jeche' vinicuc no'ox ti xlic xcaj no'ox ti c'usi ta snope.