Éxodo 6:7 - Bible in Tzotzil de Chamula

⁷ Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Bible in Tzotzil de Chenalhó with Deuterocanon

⁷ Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 6:7 Iomraidhean Croise

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

1 Reyes 20:28

C'alal jech taje, c'ot jun j'alc'op ti xi laj yalbe ya'i ti ajvalil yu'un ti Israele: —Ti Diose xi ta xale: ‘Ti loc' ta alel yu'unic ti sirioetic ti vitstical diosune, ti ma'ucun diosun yu'un ti stenleje, ta xcac'bot ta avoc ta ac'ob ti vi yepalic le'e. Ja' to jech ta xana' ti vu'un Ajvalilune.’

1 Reyes 8:60

Yu'un ac'o yojtiquinic ta sba ta satic scotol ti lumetic ti oy ta banomile, ti Diose ja' ti Ajvalile, mu'yuc xa yan Dios jech c'u cha'al ti stuque.

Nehemías 1:10

“Ti avajtuneluncutique, ateclumaluncutic ti laj apojuncutic ta sventa ti amuc'ul atsatsale.

Salmos 100:3

C'otuc ta avo'ntonic, ja' Ajvalil ti Diose. Laj yac' ti jch'ulel canimatic, lijc'ot ta yu'un; lijc'ot ta steclumal ta xchijtac ti xlamet ta yaxaltic yu'une.

Salmos 81:6

“Laj xa jchepanbot ti avicats acuchoj une; laj xa ata ti xcuxet banomil ta xava'i ti tsots ta xa'abteje.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 15:16

Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Éxodo 15:2

Ti jq'uejimole, ja' sq'uejintael ti Diose, yu'un ja' yip co'nton, ja' jpojobbail. Ta xcalbe slequilal, yu'un ja' Dios cu'un; ja' Dios yu'un ti jtote, jech ta sc'an ta xcac' ta toyesel ti sc'oplale.

Éxodo 16:12

—Laj xa ca'i ti xbic'tal c'opojic xa ti israeletique. Ja' yu'un un, chi'ino ta lo'il ti xi xavalbe ya'ie: “Ta mal c'ac'al tanae, ta xave'ic ta beq'uet. Yan ti ta sobe, ta xave'ic ti jchop o ta vaje, ja' to ti c'uxi ta xnojic lec yu'une. Ja' to jech ta xana'ic ti vu'un Ajvalilune, ti ja' Diosun avu'unique.”

Éxodo 16:6

Jech ti Moisese xchi'uc ti Aarone xi laj yalbeic ya'i ti israeletique: —Ti mal c'ac'al tana li'e, ta xana'ic ti ja' stuc Dios laj sloq'uesoxuc talel ta Egiptoe.

Éxodo 2:11

C'alal vinic xa ti Moisese, oy jun c'ac'al, loc' batel ta svu'lanel ti svinquileltaque. Laj yil ti mu x'ech' svocolic ta tsots abtele. Ja' o laj yil ti ta xmajat yu'un jun egipcio ti svinquilel ta hebreoale.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Isaías 41:20

Scotol banomil ta sna'ic, ta xilic, ta snopic, ta sts'et chiquintaic ti vu'un jech Ajvalilune, ti c'ot ta pasel cu'un ta sventa ti jmuc'ul jtsatsale, ti vu'unun ch'ul Diosun yu'un ti Israele, laj cac'be ti xch'ulelique.”

Isaías 49:23

Ti ajvaliletique ta xc'otic ta jts'itesvanej totil. Ti tojol tsebetic ti oy sc'oplal ta xc'ot ta me' ajvalile, ta xc'ot ta avajch'ipomtac. Snupilan xa banomil ta snijan sbaic ta atojol, ti slec' xa ti spucuquil avacane. Ja' jech ta xlic ana' ti vu'un ti Diosune. Ti buch'utic spatoj yo'ntonic ta jtojole, mu xlajic ta lo'lael.”

Isaías 49:26

Vu'un ta jsuj ta xach'el ta sti'el sbec'tal stuc ti avajcontrae, ti xq'uixet xa liquel sjol ta yuch'el ti xch'ich'el stuc jech c'u cha'al ta xyacub yu'un ti vinoe. Scotol ti jnaclejetique, ja' to jech ta xlic sna'ic ti vu'un ti Ajvalilune, ti jpojvanejun avu'une, ti yipun ti Jacobe, ti jcoltavanejun avu'une.”

Isaías 51:15

“Vu'unun ti Ajvalil Diosun avu'une, biiltasbilun ti Dios scotol xu' yu'une. Ta xyuq'uilaj ti nab cu'une. Xpomlajet no'ox xva'i xcoti cu'un.

Isaías 60:16

Ti c'usitic jun yutsiquil ve'lil ta stun slajesic ti muc'tiquil lumetique, ta x'ech' ta ave ta ati' yu'un. Ta xich' talel ta atojol ti sc'ulejalique. Ta xlic avojtiquin ti vu'un Diosun jcoltavanej avu'une, ti muc'ul Ajvalilun yu'un ti Jacob ti jpojvanejun avu'une.

Isaías 63:8

Yu'un xi laj yale: “Jteclumaltac ma' ti stuquique, nich'nabiletic ti mu xisvalopatinique.” C'ot ta jpojvanej yu'unic.

Jeremías 30:22

Ta xc'otic ta jnich'nab un, Diosun yu'unic un. Ti vu'un Diosune, mu lo'iluc no'ox ta xcal.”

Jeremías 31:33

C'alal mi sta yoraile, xi s'elan ti jtrate ta jpas ta stojolic ti Israele: Ta jbejanbe ta yo'nton, xchi'uc ti jts'ibabe ta sjol ti c'usi jbel tsots albil cu'une. Ta xic'ot ta Dios yu'unic. Calab jnich'nab ta xc'otic ti stuquique. Ti vu'un Diosune, mu lo'iluc no'ox ta xcal.

Ezequiel 20:19

Xichi laj calbeique: Vu'un ti Ajvalil Dios avu'unique. J'ech'eluc c'otuc ta pasel avu'unic ti oy c'usi jbel tsots albil sc'oplale, ti c'u s'elan nopbil cu'une.

Oseas 1:10

Oy bu jun c'ac'al, ta xc'ot ta pasel ti co'ol s'elanic yi'al nab yepalic ti israeletique, ti mu xlaj ta bisele, ti mu xlaj ta atele. Ac'o mi albatic: “Ti vo'oxuque ma'uc jteclumaloxuc”, ti xie, yu'un la me ta xal un: “Ti vo'oxuque, yalab xnich'naboxuc ti c'uxul Diose”, xi ti sc'oplalic yu'un ti Diose.

Levítico 11:44

Yu'un vu'un ti Ajvalilune, ti Dios avu'unique, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun. Mu xavac'be aba avocolic ta soquesel abaic ta scoj jtosuc ti chonetic ti xjochet ta banomil ta xanave.

Levítico 11:45

Yu'un vu'un ti Ajvalilune ti laj yac' loc'anic talel ta Egiptoe yo' jech ta xic'ot ta Dios avu'unic. Ja' yu'un un, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun.”

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Números 15:41

Vu'un ti Ajvalile, ti Diosun avu'unique, laj jloq'uesoxuc talel ta Egipto yo' jech ta xic'ot ta Dios avu'unic. Ti vu'une, Ajvalil Dios avu'unic.”

San Mateo 22:32

‘Diosun yu'un ti Abrahame, ti Isaaque, xchi'uc ti Jacobe.’ Ta stojol ti Diose, mu'yuc buch'u chamem, scotolic cuxulic ta sventa.

Romanos 8:31

¿C'usi xu' ta xcaltic un cha'e? Mi jech sva'anoj stec'anoj sba ti Dios ta jtojoltique, mu'yuc buch'u xu' ta xismacotic ta be.

Deuteronomio 14:2

Yu'un ti vo'oxuque, ja' jun jteclum ti ch'acbiloxuc loq'uel yu'un ti Ajvalil Dios avu'unique. Yu'un ja' stuc laj st'ujoxuc loq'uel ta stojol scotol ti yan lumetic ti oy ta banomile yo' jech ta xac'otic ta steclumal stuc.

Deuteronomio 26:18

Ja' jech ti Dios xtoque laj yal ta jamal avi tana li' eque, ti vo'ote, Israel, steclumaloxuc ti c'otemoxuc ta yu'untaque, jech c'u cha'al yaloj ono'oxe, ti c'otuc ta pasel avu'unic scotol ti smantaltaque.

Deuteronomio 29:12

Li' tsoboloxuc yo' jech jamal ta xaval ta yaq'uel ave ati' yu'un strate ti Dios ti ta xac' ta atojolic tana li'e.

Deuteronomio 29:13

Avi tana li'e, bejel lec ta xcom ta atojolic ta svinajesel ti ja' yalab xnich'naboxuque, ti ja' Dios avu'unic ti stuque, jech c'u cha'al laj sva'an ta yalel ta stojol ti Abrahame, ti Isaaque, ti Jacobe, ti ja' amolmuc'totic laj ech'icuc ta vo'nee.

Deuteronomio 29:5

Yu'un cha'vinic (40) jabil sjalil laj jbeiltasoxuc talel ta sbajtical banomil. Ti jech yorail taje, mu'yuc laj avilic ti laj ti ac'u'ique, ti laj ti axonobique.

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

Deuteronomio 7:6

Yu'un ti vo'oxuque, ja' jun lum ti ch'acbiloxuc ti tsots ac'oplalic c'otemoxuc yu'un ti Ajvalil Dios avu'unique. Yu'un ti ta scotol ti lumetic ti oy ta banomile, laj st'ujoxuc loq'uel ti Diose yo' jech ta xc'otic ta steclumal stuc.

Hebreos 11:16

Ja'uc ti stuquique ta sc'an ta sta ya'iic ti slequil-lumalique, ja' sc'oplal ti vinajele. Jech o xal ti Diose mu q'uexlaluc ta xa'i ti jech bisbil ta Dios yu'unique, ja' ti meltsanbat xa ti steclumalique.

1 Pedro 2:10

Ti ta vo'nee, ma'uc to ox yalab xnich'naboxuc ti Diose. Avi tana li'e, yalab xnich'naboxuc ti Diose. Ti ta vo'nee, mu'yuc Buch'u laj xc'uxubinoxuc, ja'uc avi tana li'e, c'uxubinbiloxuc xa yu'un ti Diose.

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.

Apocalipsis 21:7

Ti buch'u mu xlaj ta lo'laele, ti ta stsal yu'un scotole, vu'un ta jva'an jba ta Dios yu'un. Ta xc'ot ta jnich'on ti stuc eque. Ta xcac'be xrextoin scotol taje.