Éxodo 6:6 - Bible in Tzotzil de Chamula

⁶ Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Bible in Tzotzil de Chenalhó with Deuterocanon

⁶ Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 6:6 Iomraidhean Croise

1 Reyes 8:42

ti ta xtal sc'anbot ti vocol li' ta ch'ulnae, (yu'un ta xvinaj, ta xpuc sc'oplal ti avutsilale, ti amuc'ul atsatsale, ti ch'ayal ta xc'ot o'ntonal yu'un ti c'usi ta xapase),

2 Reyes 17:36

Vu'unuc no'ox xapasic jtoyel jxi'el ti Ajvalil Diosun avu'une, ti mu no'ox albajuc jmuc'ul jtsatsal laj jloq'uesot talel ta Egiptoe. Ja'uc no'ox jtuc ti oyuc jtoyel jxi'el avu'unique, xchi'uc ti quich'el ta muc' ta yac'belun ti milbil matanaletique.

1 Crónicas 17:21

Ti alumal Israele, ¡mu'yuc xa yan jech c'u cha'al ti stuquique! C'ajomal no'ox stuc muc' ta lum li' ta banomile Yu'un laj apoj, Dios, yo' jech c'ot ta ateclumal, ti cajal c'ot ac'oplal ti laj avac'an ta ilel ti c'usitic muc'tic ch'ayal ta xc'ot o'ntonal avu'une. Ti ateclumal ti laj apoj talel ta Egiptoe, ta sba ta satic, laj yil ti laj aten loq'uel ti yan jteclumetique.

Nehemías 1:10

“Ti avajtuneluncutique, ateclumaluncutic ti laj apojuncutic ta sventa ti amuc'ul atsatsale.

Salmos 77:16

Ch'ul Dios, c'alal laj yilot ti nabe, lic xi'uc, c'alal snabil lic syuq'uilan sba.

Salmos 81:11

“Le' une, ti jteclumale mu sc'an xa'iic ti jc'ope. Mu sc'an xch'unic ti Israel une.

Salmos 81:6

“Laj xa jchepanbot ti avicats acuchoj une; laj xa ata ti xcuxet banomil ta xava'i ti tsots ta xa'abteje.

Salmos 81:7

Laj ac'anbun vocol ti ilbajinbilote, laj jtic' jba ta apojel un; laj jtac'bot talel ta toc ti bu xc'avlajet ti chauc une; laj jq'uelbot avo'nton ta sts'el vo' ti sbiinoj Meribae.

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:16

Ti jech taj une, co'ol s'elan oy smarcail avu'unic mi ta ac'obic, mi ta ati'baic. Ti va'i s'elan liquem ta xich' pasel taje, ja' ta xac' ta na'el ti ta smuc'ul stsatsal ti Dios laj sloq'uesuncutic talel ta Egiptoe.’ ”

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 15:13

Ta xc'uxul avo'nton, ta xatojobtas batel ti avalab anich'nab ti laj apoje, yu'un ta amuc'ul atsatsal, ta xavic' batel ta xch'ul xcuxobil avo'nton ti avaloje.

Éxodo 16:6

Jech ti Moisese xchi'uc ti Aarone xi laj yalbeic ya'i ti israeletique: —Ti mal c'ac'al tana li'e, ta xana'ic ti ja' stuc Dios laj sloq'uesoxuc talel ta Egiptoe.

Éxodo 18:1

Ti Jetro ti ja' pale yu'un ti Madiane, smuni' xtoc ti Moisese, laj ya'i scotol ti c'usi laj spas ti Dios ta stojol ti Moisese, xchi'uc ta stojol ti israeletique. Laj ya'i xtoc ti ja' loq'uesatic talel ta Egipto yu'un ti Diose.

Éxodo 2:11

C'alal vinic xa ti Moisese, oy jun c'ac'al, loc' batel ta svu'lanel ti svinquileltaque. Laj yil ti mu x'ech' svocolic ta tsots abtele. Ja' o laj yil ti ta xmajat yu'un jun egipcio ti svinquilel ta hebreoale.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 6:2

Ti Moisese xi albat yu'un ti Dios yan veltae: —VU'UN TI AJVALILUNE.

Éxodo 6:29

xi laj yale: —Vu'un ti Ajvalilune, scotol ti c'usi ta xacalbee, albo ya'i ti faraón ajvalil yu'un ti Egiptoe.

Éxodo 6:8

Ta xaquic'oxuc batel ta banomil ti calojbe ono'ox ti ta xcac'be ti Abrahame, ti Isaaque, ti Jacobe. Vu'un ti Ajvalilune ta xcac'boxuc abanomilinic.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Isaías 9:12

Ta stuq'uil sloq'ueb c'ac'ale, liquic talel ti tal tsacvanicuc ta leto ti sirioetique; ta stuq'uil smaleb c'ac'ale, liquic talel ti tal tsacvanicuc ta leto ti filisteoetique. Ta jbiq'uel no'ox laj stsutsesic ti Israele. Manchuc mi jech un, mu to ta x'ech' sc'ac'al yo'nton ti Diose, yu'un staoj to yav ta sibtasvan.

Isaías 9:17

Jech o xal ti Dios une, mu'yuc yal syail xc'uxul yo'nton ta stojol ti jva'lej jch'iel jc'opojeletique, mi ja'uc xa c'uxubaj yo'nton jutebuc ta stojol ti me'un mu'natetique xchi'uc ti me'unal antsetique. Yu'un scotol ti lume bolib ti sjol yo'ntonique, chopol ti c'usi ta spasique, scotolic mu'yuc smelol ti c'usitic ta xloc' ta ye ta sti'ique. Ja' jech ec ti Diose, mu lamajemuc ti sc'ac'al yo'ntone, staoj to yav ta sibtasvan.

Isaías 9:21

Ti Manasese ta stubbe sts'unubal ti Efraine; ti Efraine ta stubbe sts'unubal ti Manasese. Co'ol yo'ntonic xtoc ti xviletic no'ox batel ta scontrainel ti Judae. Jech ec ti Diose mu lamajemuc ti sc'ac'al yo'ntone, staoj to yav ta sibtasvan.

Jeremías 21:5

Ti bu xa c'alal ti stilemal sc'ac'al co'ntone, lamal ta xc'ot ta atojolic cu'un ta scontraineloxuc.

Jeremías 27:5

Ta sjunul jmuc'ul jtsatsal laj jmeltsan ti banomile, ti jnaclejetique, ti chon bolometique, xchi'uc scotol ti c'usitic oy ta stojole. Xu' ta xcac'be yich' ti buch'u xal co'nton ta sventain cu'une.

Jeremías 32:21

Ti amuc'ul atsatsale, laj alamanbe ta sbaic ti muc' ta lum Egipto c'alal laj aloq'ues talel ti ateclumal Israele. Laj avac' ta ilel ti ch'ayal ta xc'ot o'ntonal yu'une, xchi'uc senyailetic ti scotolic bat xch'ulelic ta xi'el avu'une.

Ezequiel 20:33

‘Ta jva'an jba ta yalel ava'iic ti vu'un Diosune, ta jventainojoxuc ta jmuc'ul jtsatsal ta stsitseloxuc ta sc'ac'al co'nton.

Hechos 13:17

Ti jmolmuc'totic ta vo'nee, t'ujeic yu'un ti Dios yu'un ti jteclum Israele. C'ot ta jun muc' ta jteclum yu'un c'alal tiq'uilic ta mosovil ta Egipto banomile. Ts'acal to un, ta sventa smuc'ul stsatsal stuc, laj sloq'ues talel ta mosovil.

Deuteronomio 11:2

Avi tana li' une, ojtiquinic avilic lec ti c'u s'elan laj stojobtasoxuc ti Dios avu'unique, ti mu ja'uc jutebuc yojtiquinojic ti avalab anich'nabique, mu sna'ic, mi ja'uc yilojic. T'abuc to ta avo'ntonic xtoc ti smuc'ul stsatsale, ti laj slaman talel yoc sc'ob ta atojolic ti ech'em xu' yu'une.

Deuteronomio 15:15

Mu me xach'ay ta avo'nton ec ti mosovinbilot la'ech' ta Egiptoe. Yu'un ti Dios avu'une laj spojot loq'uel talel. Jech o xal avi une, ta xcalbot ava'i ti tsots sc'oplal sc'an ta xapase.

Deuteronomio 26:8

Laj syales talel ti smuc'ul stsatsal yoc sc'obe, ti mu no'ox albajuc xi'elal laj c'otuc ta pasel yu'une, ti ch'ayal ta xc'ot o'ntonal yu'un ti lijloc'cutic talel yu'un ta Egiptoe.

Deuteronomio 4:23

Ja' no'ox un, bijanic ti mu xch'ay ta avo'ntonic ti yac'ojboxuc strate ti Ajvalil Dios avu'unic ti laj spas ta atojolique. Mu xaloc'taic ta smeltsanel loc'obbail, c'usiuc no'ox yan ti laj yalboxuc ava'iic ti Ajvalil Dios avu'unic ti mu stac' jech ta xapasique.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Deuteronomio 5:15

Mu xch'ay xava'i ti mosovinbiloxuc to ox la'ech'ic ta Egiptoe, ti laj sloq'uesot talel ti Ajvalil Dios avu'un ti bu taje, yu'un laj slaman ti smuc'ul stsatsale. Jech o xal ti Ajvalil Dios avu'une ta xalbot mantal ti c'otuc ta pasele, ich'o ta muc' ti sc'ac'alil cuxob o'ntonale.

Deuteronomio 6:12

C'alal jech ta xc'ot ta pasel taj une, tsotsanic ti mu xch'ay ta avo'ntonic ti Ajvalil Diose, ti ja' laj sloq'uesoxuc talel ta Egipto ti bu to ox mosovinbiloxuque.

Deuteronomio 7:19

Ja'uc me taluc ta ajolic ta snopel ti c'u s'elan laj avilic ta aba ta asatic ti muc'tic no'ox ti c'usitic laj vinajuque, ti ch'ayal ta xc'ot o'ntonal yu'une, ti laj slaman talel ti smuc'ul stsatsal ti Dios ti c'alal laj sloq'uesoxuc talel ta Egiptoe. Yu'un ja' ono'ox ta spas ti Dios ta stojol scotol ti lumetic ta xaxi'ic yu'une.

Deuteronomio 7:8

Ti Diose, ta smuc'ul stsatsal laj spojoxuc loq'uel talel ta yoc ta sc'ob ti faraón ti bu to ox mosovinbiloxuc ta Egiptoe, yu'un c'uxoxuc ta yo'nton. C'otuc la ta pasel yu'un ti strate ti yaloj no'ox ta stojol ti amolmuc'totic laj ech'icuc ta vo'nee.

Deuteronomio 9:29

Ja'uc ti stuquic une, ja' alumal, ja' avu'untac, laj aloq'ues talel ta Egipto ta sventa ti la laman talel ti amuc'ul atsatsaele.’