Éxodo 6:5 - Bible in Tzotzil de Chamula

⁵ Avi tana une, quiloj xa ti oyic ta vocol ti israeletique. Yu'un tsots ta sujatic ta abtel yu'un ti egipcioetique. Ja' yu'un un, t'ab ta co'nton ti jtratee.

Bible in Tzotzil de Chenalhó with Deuterocanon

⁵ Li' ta orae laj xa jna' c'u x'elan svocolic li achi'iltac ta israelale; laj xa jna' ti ep ta sujvanic ta abtel li egiptoetique, jech it'ab ta co'nton li c'usi jchapanoj ono'oxe.

Éxodo 6:5 Iomraidhean Croise

Génesis 8:1

Va'i un, ti Diose laj svules ta yo'nton ti c'usi yaloj ta stojol ti Noee, xchi'uc ta stojol scotol ti chon bolometic ti jmoj ochemic ta barcoe. Jech xtoc un, laj yac' taluc jumetel ic' ta banomil. Jech ti vo'e naca sta lic uluc yalel.

Génesis 9:15

Va'i un, ja' to jech ta jvules ta jol ti jtrate laj jpas ta atojolique, xchi'uc ta stojol scotol ti chon bolometique. Ja' yu'un un, mu xa xtal yan velta nojel ta vo' ta stub ti ats'unubalique.

Salmos 105:8

Manchuc mi ta x'ech' jaylajun-q'uexel ti totil me'iletique, mu xch'ay ta o'ntonal ma' ti strate yaloje,

Éxodo 2:23

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Éxodo 2:24

Lic chapanbaticuc ti svocolique. Laj svules ta yo'nton ti strate laj spas xchi'uc ti Abrahame, ti Isaaque, ti Jacobe.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Éxodo 5:4

Ja' no'ox un, ti ajvalil yu'un ti Egiptoe xi laj yale: —Ti vo'ote, Moisés, xchi'uc ti vo'ote, Aarón, ¿c'u cha'al ta xach'aybe yo'nton ti jnaclejetic yacalic ta abtele? Batanic, ba abtejanic.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

San Lucas 1:54

Laj stic' sba ta scolta ti slumal Israele, ti ja' yajtunele. Mu'yuc laj xch'ay ta yo'nton ti c'ux ta xa'ie.

San Lucas 1:72

Ti oy ono'ox syail xc'uxul yo'nton ta stojol ti jmolmuc'totique, mu'yuc laj xch'ay ta yo'nton ti xch'ul trate laj spase.