Éxodo 6:2 - Bible in Tzotzil de Chamula

² Ti Moisese xi albat yu'un ti Dios yan veltae: —VU'UN TI AJVALILUNE.

Bible in Tzotzil de Chenalhó with Deuterocanon

² Li Diose la sc'opan yan velta li Moisese, jech laj yalbe: —Vu'un li MUC'UL DIOSUNE,

Éxodo 6:2 Iomraidhean Croise

Génesis 15:7

Xi albat xtoque: —Vu'un Diosun, laj jloq'uesot talel ta Ur oy ta yosilalic ti caldeoetique yo' jech ta xcac'bot avosilin ti banomil li'e.

Éxodo 12:12

Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 15:3

Ti Diose, stuc no'ox xu' yu'un letovajel. Ja' Ajvalil, ja' jech ti sc'oplal albile.

Éxodo 17:1

Scotolic ti c'u yepal xvoletic ti israeletique, loq'uic batel ti oyic ta sbajtical banomil Sine. C'un c'un batic jech c'u cha'al yaloj ti Diose. Ts'acal to un, c'ot stsob sbaic ta Refidim. C'u stu un, mu'yuc vo' yo' ta xuch'ic ti lum israeletique.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 3:14

Ti Diose xi laj staq'ue: —VU'UN TI BUCH'U ONO'OXE., Ja' jech xtoc xi xavalbe ya'iic ti israeletique: VU'UNUN ti xie, ja' laj stacun talel ta atojolic.

Éxodo 3:15

Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Éxodo 6:29

xi laj yale: —Vu'un ti Ajvalilune, scotol ti c'usi ta xacalbee, albo ya'i ti faraón ajvalil yu'un ti Egiptoe.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 6:8

Ta xaquic'oxuc batel ta banomil ti calojbe ono'ox ti ta xcac'be ti Abrahame, ti Isaaque, ti Jacobe. Vu'un ti Ajvalilune ta xcac'boxuc abanomilinic.

Isaías 42:8

Vu'un Diosun, jech ti jtalele. Mu xcac' que jti' ti ta xjel yajval ti buch'u ta xcac'be ti cutsilal jlequilale. Mu smeloluc ti nijil chimil yich'el ta muc' ti loc'obbailetic ti c'alal jtuc no'ox oy sc'oplal quich'el ta muq'ue.

Isaías 43:11

C'ajomal no'ox vu'un Diosun. Mu'yuc xa bu ta sta scoltaelic ta yan.”

Isaías 43:15

Vu'unun ti Ajvalilune laj cac'be xch'ulel yanima ti Israele. Ch'ul Diosun, Ajvalilun avu'unic.”

Isaías 44:6

Ti Dios ti ja' Ajvalil jpojvanej yu'un ti Israele, ti ja' Dios ti scotol xu' yu'une, xi ta xale: “Vu'un oy ta jventa ti sliquebale, ti stsutsebale. Jtuc no'ox Diosun, mu'yuc yan.

Jeremías 9:24

Mi oy buch'u ta stoyes ya'i ti sc'oplale, ac'o stoyes sc'oplal ta yojtiquinelun, ta sna'el ti vu'un Diosune, ti ta xc'uxul co'nton oy jtuq'uil cutsilal ta jventain ti banomile, ja' jech ti oy ta co'ntone. Ti vu'un Diosune, mu stselbuj ti jc'ope.”

Ezequiel 20:5

Xi s'elan ta xal ti Diose, xavut ya'i: ‘C'alal laj jt'uj ti Israele, laj cal jtrate ta stojol ti snitilultaque. Laj cac' jba iluc ta stojolic ti oyic ta Egiptoe, ti j'ech'el xi laj jva'an jba ta yalele: Vu'unun ma' ti Ajvalil Dios avu'unique.

Malaquías 3:6

“Ti vu'un Diosune, mi jutebuc jyanijesoj jba. Ti vo'oxuc snitiluloxuc ti Jacobe, mu'yuc to laj avich'ic tsutsesel.