Éxodo 6:13 - Bible in Tzotzil de Chamula

¹³ Jech o xal ti Diose laj yalbe mantal ti Moisese, ti Aarone, ti ac'o yalbeic ya'i ti israeletique xchi'uc ti faraone, ti yich'ojic tsots mantal ti ac'o yac' loc'uc batel ta Egipto ti israeletique.

Bible in Tzotzil de Chenalhó with Deuterocanon

¹³ Ja' yu'un li Muc'ul Diose laj yalbe Moisés xchi'uc Aarón ti ac'o bat yalbeic israeletic, xchi'uc ac'o bat yalbeic faraón ti yich'ojic xa tsots mantal ti ac'o yac' loq'uel ta Egipto scotol israeletique.

Éxodo 6:13 Iomraidhean Croise

Salmos 91:11

Yu'un ta stac talel yaj'ánjeltac ta xchabielot ti buyuc no'ox ta xabate.

Éxodo 6:12

Ja' no'ox un, ti Moisese xi laj yalbe ti Diose: —Mu xa ja'uc xiyich'ic ta muc' ti israeletique, ¿c'uxi ono'ox ta xcut ta xiyich' ta muc' ti faraone c'alal mu xitojob xic'opoje?

Éxodo 6:14

Li'e, ja'ic ti banquilaletic yu'un ti jujuchop ta sventa ti stot sme'ique: Ti Rubén ti ja' sbanquilal nich'on ti Israele, xi s'elan sbi ti xnich'nabtaque: ja'ic ti Hanoque, ti Falue, ti Hezrone, ti Carmie. Taje, ja' me jchop snitilul ti Rubene.

Éxodo 6:26

Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Números 27:19

Mi laj une, ic'o batel ta stojol ti pale Eleazare xchi'uc ta stojol scotol ti lume. Ac'bo yich' yabtel ta sba ta sat scotolic.

Números 27:23

Va'i un, laj scajan ti sc'ob ta sjole, laj yac'be yich' yabtel jech c'u cha'al laj yal mantal ti Dios ta stojol ti Moisese.

San Mateo 4:6

Xi laj yalbee: —Mi melel Xnich'onot ti Diose, jipo aba yalel li'e, yu'un xi ta xal ti sc'op Diose: ‘Ti Diose ta xalbe mantal ti yaj'ánjeltaque yo' ta xchabiot, ta xic'ot ta sc'ob yo' jech mu xyayij avacan ta ton.’

Deuteronomio 31:14

Laj taj une, ti Diose xi laj yalbe ti Moisese: “A'yio ava'i, jutuc xa sc'an xc'ot yorail ti ta xachame. Ja'uc le' un cha'e, ic'o talel ti Josuee. Batanic achibalic ta Axibalna ti bu nupel ta bee yo' jech ta xcalbe ya'i ti jmantale.” Jech ti Moisese xchi'uc ti Josuee batic ta Axibalna ti bu nupel ta bee.

1 Timoteo 1:18

Ta jc'ubanbot ta atojol, Nich'on Timoteo, paso me tsatsal ta spasel ti lequil abtel jech c'u cha'al laj yalic ono'ox ac'oplal ti jch'unolajeletic ti ac'bat sna'ic yu'un ti Diose, ti cuchuc avu'un ti avabtel ta sventa ti c'otem ta avo'nton ta xch'unel ti Cajvaltique, ta sventa ti oyuc slequil stuq'uil ti ajol avo'ntone.

1 Timoteo 5:21

Ta jc'ubanbot ta stojol ti Diose, ta stojol ti Cajvaltic Jesucristoe, xchi'uc ti yaj'ánjeltac ti t'ujbil yu'une, jech me xapas batel ti c'u s'elan laj calbot ava'ie, co'ol xapas ta stojol ti jch'unolajeletique, ma'ucuc ti jeltos avo'ntone.

1 Timoteo 6:13

Avi tana une, ta sba ta sat ti Dios ti ja' yac'ojbe xcuxlejal scotol ti c'usitic oye, ta sba ta sat ti Cajvaltic Jesucristo ti jamal laj yal sba ta stojol ti Poncio Pilatoe,

1 Timoteo 6:17

Ti buch'utic oy sc'ulejalic li' ta sba banomile, albo ya'iic ti mu stoy sbaic xchi'uque, ti ma'ucuc spat yo'ntonic xchi'uc ti sc'ulejalique, yu'un ti c'ulejale, ta jech yepal xu' ta xlaj sc'oplal. Ac'o spat yo'ntonic ta stojol ti Dios ti stalel cuxule, ti oy ta yoc ta sc'ob ta yac'belotic scotol ti c'usi ta xtun cu'untique yo' lec oyotic.

2 Timoteo 2:4

Ti ta sc'an ti lec x'ile yu'un ti banquilal jpas-mantal ti jun soldadoe, sc'an ti mu xba stic' sba ta yan abtele.

2 Timoteo 4:1

Ta sba ta sat ti Diose xchi'uc ti Cajvaltic Jesucristo ti ta xtal ta Ajvalilale, ti ta xtal ta xchapanel ti buch'utic cuxulic toe xchi'uc ti chamemic xae, xi s'elan ti tsots sc'oplal ta jc'ubanbote: