Éxodo 5:3 - Bible in Tzotzil de Chamula

³ Jech ti stuquique xi laj yalique: —Ti Dios yu'un ti hebreoetique tal sa'uncutic. Jech o xal un, ta xibatcutic ta sbajtical banomil ti ja' oxibuc c'ac'al ti sbelele yo' jech ta xcac'becutic smoton ti Ajvalil Dios cu'uncutique. Yu'un mi mo'oje, xu' ta xichamcutic ta chamel, mi ta milel ta espada.

Bible in Tzotzil de Chenalhó with Deuterocanon

³ Li stuquique jech laj yalbeic: —Li Dios cu'uncutic, vu'uncutic li israeluncutique, talem snupuncutic ta be. Jech te chibatcutic ta xocol banamil, ja' oxib c'ac'al sbelal, yu'un te chbat jmilbecutic smoton li Muc'ul Dios cu'uncutique. Yu'un jech mu xismiluncutic ta tsatsal chamel, o me ta espada —xutic.

Éxodo 5:3 Iomraidhean Croise

2 Reyes 17:25

Ti jech mu snijan xchiman sbaic ta yich'el ta muc' Dios ti c'alal c'otic ti jnaclejetic taje, jech o xal ti Diose laj stac batel jti'oval leonetic ta stojolic ti lajic ta ti'el jun chibuque.

2 Crónicas 30:8

Mu xats'acliic ta spasel ti toj toyobbaoxuc jech c'u cha'al laj spasic ti amolmuc'totique. Nubo avoc ac'obic ta stojol ti Ajvalile. La'ic ta xch'ulna ti c'otem ta yu'un sbatel osile. Tunanic yu'un ti Ajvalil Dios avu'unique. Jech ta xicta ti ilinem ta atojolic une.

Esdras 7:23

“Scotol ti c'usi ta xtun ta sventa xch'ulna ti Dios yu'un ti vinajele, yich'uc no'ox aq'uel ta anil yo' jech mu xvul jtosuc vocol ta stojol xnich'nab ti ajvalile, xchi'uc ta stojol ti c'u yepal smacoje.

Éxodo 3:18

Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Éxodo 8:1

va'i un, ti Diose xi laj yalbe ya'i ti Moisese: —Batan, ba q'uelo ti faraone, xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech chbat yich'icun ta muc'.

Éxodo 8:20

Ti Diose xi laj yalbe ya'i ti Moisese: —Ti faraone sob ta xbat oc'om ta uc'um. Ja' yu'un un, sob xalic. Batan, ba q'uelo ti xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech ta xbat yich'icun ta muc'.

Éxodo 8:27

Jech o xal tsots sc'oplal ta xibatcutic c'alal to sbajtical banomil ti ja' yich'oj oxib c'ac'al sbelele. Yu'un tey to c'alal chbat cac'becutic smoton ti Dios cu'uncutique co'ol jech c'u cha'al laj yalbuncutique.

Ezequiel 6:11

Xi laj yalbun ti Diose: “Me'inal oq'uitao aba, majo aba, t'uso ta majel avacan. Avetanan xa xchi'uc yipal xc'uxul ta scoj ti mu albajuc xchopolal c'usi ta spasic ti jteclum Israele. Leto, vi'nal, xchi'uc tsots chamel xa'i xcham xlajic.

Levítico 26:25

Ta xc'ot ta pasel cu'un ti ta xcac'oxuc ta milel ta junuc espada, spacol sutel ti mu xc'ot ta pasel avu'unic ti jtratee. Xabitetic batel ta anil, xba anac' abaic ta ateclumalic. Ja' no'ox un, ta xcac' taluc chameletic. Ta xa'ochic ta c'abal yu'un ti avajcontraique.

Deuteronomio 28:21

Yu'un ti Diose ta stacbot talel jun lajel tubel ta atojol, ti ta j'ech'el ta xac'ot ta tsutsel yu'un ta lum ti bu ta xavu'nine.