Éxodo 5:19 - Bible in Tzotzil de Chamula

¹⁹ Ti jtsobvanejetic yu'unic ti jujuvoc' israeletique, ochic ta at-o'nton c'alal ya'iic albatic yu'un ti ajvalil mu ja'uc ta stsulesbatic jbejuc c'u yepal ta spasic jujun c'ac'al ti xamite.

Bible in Tzotzil de Chenalhó with Deuterocanon

¹⁹ Li banquilaletic yu'un israeletique toj chopol yo'nton isutic tal ti c'alal i'albatic ti mu'yuc ta stsul jutuc c'u yepal ta spatic xamit ta jujun c'ac'ale.

Éxodo 5:19 Iomraidhean Croise

Éxodo 5:18

Batanic, ba abtejanic. Ac'o mi mu'yuc xa ta xavich'ic ac'bel ti ajobelique, ja' no'ox un, jech ono'ox yepal ta xapasic ti xamit jech c'u cha'al albil sc'oplale.

Éxodo 5:20

C'alal laj yo'ntonic ta sc'oponel ti ajvalil faraone, laj snupic ta be ti Moisese xchi'uc ti Aarone, yu'un malabilic xa.

Éxodo 5:8

Ja' no'ox, sujic ta spasel jech c'u cha'al yepal ta spasic ono'ox ti xamit ta ba'yele. ¡Mi ja'uc jbejuc xamit ta xch'ay! Yu'un toj ch'ajic ta abtel. Yu'un xi x'avlajet ta xalique: “Ba cac'betic smoton ti Dios cu'untique.”

Eclesiastés 4:1

Ts'ijil licom yu'un c'alal laj quil ti ilbajinel ta xc'ot ta pasel li' ta banomile. Laj quil ti x'oc' x'avanic no'ox ti buch'utic ta x'ilbajinatique, ti mu'yuc buch'u ta xpatbun yo'ntonic ti ilbajinbilic yu'un ti buch'u cajal ye sti' xa'i sbaique. Laj to c'op ma' ti oy buch'u ta xpatbun yo'ntonic une.

Eclesiastés 5:8

Mu ch'ayaluc xc'ot avo'nton yu'un mi ta xavil jun muc' ta lum ilbajinbilic ti me'un mu'nate, ti mu xa xich'ic ta muc' ti lequil tuq'uil chapanele, xchi'uc ti oy c'usi tsots sc'oplal sc'an xich' pasele. Yu'un ti buch'u cajal yabtel yich'oje, ta xmucbat smul yu'un ti xjelav to cajal yabtel yich'oje. Xchibalic un ta xmucbat smul yu'un ti buch'u spajeb xa tsots yabtel yich'oje.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.