Éxodo 5:12 - Bible in Tzotzil de Chamula

¹² Jech ti israeletique tanijic ta sbejel Egipto ta sa'el c'ajben yo' jech ta stunesic ta sventa sjobelal ti xamite.

Bible in Tzotzil de Chenalhó with Deuterocanon

¹² Li israeletique scotolic la spuc sbaic ta scotol Egipto ta sa'el te'el trigo sventa xq'uexol li jobele.

Éxodo 5:12 Iomraidhean Croise

Éxodo 15:7

Yu'un ta amuc'ul atsatsal, laj atsal ti buch'utic ta scontrainote; laj aloq'ues ti sc'ac'al avo'nton ta stojolique, ti c'aq'uic ta j'ech'el jech c'u cha'al ti jobele.

Éxodo 5:11

Avi tana une, ta xba asa' talel atuquic ti bu xataic talele. Ja' no'ox un, mi ja'uc jbej xamit ta stsul ti c'u yepal albil ono'ox ta xapasique.

Éxodo 5:13

Ti jq'uel-abteletic yu'un ti faraone, scotol c'ac'al ta sujvanic ta abtel ti staojuc yav ta spasic ti xamit jech c'u cha'al c'alal ac'bilic to ox ti sjobelique.

Isaías 47:14

Ja'uc le' une, xi s'elanique: Q'uelo avil lec, co'ol s'elanic jech c'u cha'al ti taquin jobele: Ch'ab xi sc'oplal yu'un ti c'oq'ue. J'ech'el mi ja'uc ta xcolic yu'un ma' ti slebe, yu'un ma'uc yac'alil c'oc' ti chot xi xa ta sts'el ta sc'atinele.

Isaías 5:24

Jech o xal un, jech c'u cha'al ti c'oq'ue ti naca xchic' no'ox batel ti jobele, ti slebe ti naca xchic' no'ox batel ti taquin yanal te'e, jech ta xavich' ti avocolique jech c'u cha'al ti te' taquin xa xchi'uc ti yibel ta xc'aq'ue, ti xvajet no'ox batel ti xnich jech c'u cha'al ti pucuque. Yu'un laj abajic, laj atenic ti chanubtasel yu'un Dios ti scotol xu' yu'une, ti ch'ul Dios yu'un ti Israele.

Joel 2:5

Xpujlajet to ta j'ech'el ti c'alal xbitet no'ox ta anil ta vitstique, jech c'u cha'al xpujlajet no'ox ti carreta yu'un ti ac'ob-letoe, mi mo'oje, jech c'u cha'al xbototet no'ox ta xc'ac' ti yanalte' ti c'alal taquijem leque. Co'ol s'elan jvoc' soldadoetic ti tsots xu' yu'unic ti svoloj sbaic batel ta tsacvanej ta letoe.

Abdías 1:18

Snitilultac ti Jacobe, c'otemic jech c'u cha'al ti c'oq'ue; ti snitilultac ti Josee, c'otemic jech c'u cha'al ti leb c'oq'ue. Ja'uc snitilultac ti Esaue, c'otemic jech c'u cha'al ti c'a' no ti ch'abal c'usi ta xcom yu'un ti c'oc' taje. Mi junuc ta xcol snitilultac ti Esaue. Jech laj xa cal ti vu'un Diosune.”

Nahúm 1:10

Ta xich'ic tubel ta j'ech'el jech c'u cha'al junuc ts'otol ch'ix, jech c'u cha'al junuc taquin jobel ti ta xc'ac' ta j'ech'ele.

1 Corintios 3:12

Ta sba ti bu liquem xae, oy nan yan xu' ta sva'anic muyel ta oro, ta plata, ta ton ti yan yutsile. Mi mo'oje, xu' ta sva'anic muyel ta naca te', ta c'ajben, mi ta anjobel ti jujubej nae.