Éxodo 5:10 - Bible in Tzotzil de Chamula

¹⁰ Jech ti jq'uel-abteletique xchi'uc ti banquilaletic yu'un jujuvoq'ue, loq'uic batel ti xi laj yalbeic ya'iic ti jnaclejetique: —Ti faraone laj yal mantal ti mu'yuc xa ta xasa'bat talel ajobelique.

Bible in Tzotzil de Chenalhó with Deuterocanon

¹⁰ Li banquilaletique xchi'uc li boch'otic yich'oj yabtelic ta jujutsob sventa tsujvanic ta abtele, jech bat yalbeic li viniquetique: —Li faraone laj yal mantal ti mu'yuc xa ta xcac'cutic ajobelique.

Éxodo 5:10 Iomraidhean Croise

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Éxodo 5:11

Avi tana une, ta xba asa' talel atuquic ti bu xataic talele. Ja' no'ox un, mi ja'uc jbej xamit ta stsul ti c'u yepal albil ono'ox ta xapasique.

Éxodo 5:6

Ti jech c'ac'al taje, ja' o ti faraone xi laj yalbe mantal ti jq'uel-abteletic yu'une, xchi'uc ti banquilal yu'un ti jujuvoc' j'abteletique:

Éxodo 5:9

X'ech' to sujic ya'i ta abtel ti jnaclejetique. Ch'aybeic yo'nton ta abtel yo' jech mu xch'unic jutbilal c'op —xi ti faraone.

Proverbios 29:12

Ti lec xa xa'i staq'uel jutbil c'op ti ajvalile, ta soques scotol ti yajtuneltaque.

Isaías 30:6

Xi ta xcaj'albat sc'oplal ti chon bolometic ti oy ta yosil Negueve: Ta sjunul ti c'u sjamlej smacoje, yan sba xi'elal ta j'ech'el ti naca xa leónetic ti yan sba xloquet snuq'uic ta c'uletele, xchi'uc ti jti'oval quiletel chonetique, xchi'uc ti muc'tiquil tsajal jti'oval chanul nab ti sna' xvilique. Ta spojic batel ti ac'ulejalique, ti c'usitic toyol stojole. Ta xac'beic ech'el xcuch ti burroe, ti camelloe, c'alal to ta Egipto jteclum ti chopol sjol yo'ntonique.