Éxodo 4:5 - Bible in Tzotzil de Chamula

⁵ Laj xtoc un, xi albat yu'un ti Diose: —Le'e, ja' to jech ta xch'unic ti laj yac' sba iluc ti Dios ta atojolale, ja' ti Dios yu'un ti amolmuc'totaque, Dios yu'un ti Abrahame, ti Isaaque, ti Jacobe.

Bible in Tzotzil de Chenalhó with Deuterocanon

⁵ —Le'e ja' sventa ac'o xch'unic ti laj yac' sba ta ilel ta atojol li Muc'ul Diose, ja' li Dios yu'un amoltotic ta vo'onee, ja' li Abrahame, li Isaaque, xchi'uc li Jacobe.

Éxodo 4:5 Iomraidhean Croise

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 18:1

Nopol nan o'lol c'ac'al, ti Diose laj yac' sba iluc ta stojol Abraham c'alal chotol ta xcux yo'nton ta sti' yaxibalna ti oy ta tulantic yu'un ti Mamree.

Génesis 26:2

Ti bu taje, laj svinajes sba ti Dios ta stojolale, ti xi albate: “Mu xabat ta lum Egipto, ta xcom naclan ti bu ta xlic cac'bot avile.

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 48:15

Va'i un, xi s'elan yich' c'anbel slequilal ti Josee: “Ti Dios ti Buch'u laj yich'ic ta muc' ti Abrahame, ti Isaac ti jtot jme' laj ech'icuque, ti Dios taje, ja' ti Buch'u laj xchabiun talel c'alal livoq'ue,

Génesis 48:3

Xi laj yalbe ti Josee: —Ti Dios scotol xu' yu'une laj sva'an sba ta jtojol. Laj yac' sba iluc ta jteclum Luz ti oy ta Canaán banomil

1 Reyes 18:36

Ti yorail xa ta xac' chic'bil matanal ti j'alc'op Eliase, nopaj ech'el ti xi tsots lic avanuque: “Ch'ul Ajvalil, Diosot yu'un ti Abrahame, ti Isaaque, ti Israele, ti xi'uc s'elan c'otuc ta pasel avu'un avi tana li'e: Vinajeso ti vo'ot Diosot yu'un ti Israele, xchi'uc ti vu'un avajtunelune, ti ta amantal atuc ti jech ta jpas scotol avi tana li'e.

2 Crónicas 20:20

Sob xa liquic ta yoc'omal un, yo' ta stam batel sbeic ta stuq'uil sbajtical yu'un ti Tecoae. Ti ta xa xloq'uic ech'ele, lic sva'an sba ti Josafat ti xi lic yalbee: “Ts'etano ani' achiquinic ta ya'yiel ti c'op li'e, jnaclejetic yu'un Jerusalén xchi'uc ti Judae: Pato avo'ntonic ta stojol ti Ajvalil ti Dios avu'unique, yo' jech mu'yuc c'usi xana'ic ta j'ech'el, pato avo'ntonic xtoc ta stojol ti j'alc'opetic yu'une, scotol lec ta xc'ot ta atojolic.”

Éxodo 19:9

Ja' yu'un un, xi albat yu'un ti Diose: —A'yio ava'i, ta xcac' jba iluc ta atojol ta jun pimil toc yo' jech ta xa'iic ti jteclum ti c'u s'elan ta jchi'inot ta lo'ile. Va'i unbi, ja' to jech xu' ta spat yo'ntonic ta atojol. Jech ti Moisese laj xcha'cholbe ya'i Dios ti c'u s'elan laj staq'uic ti israeletique.

Éxodo 3:15

Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 3:18

Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Éxodo 3:4

C'alal laj yil Dios ta xnopaj batel ti Moisés ta sq'uelele, xi biiltasat talel bu oy ti ch'ixe: —¡Moisés! ¡Moisés! —¿C'usi ta xaval? —xi laj stac' ti Moisese.

Éxodo 3:6

Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Éxodo 4:1

Xi laj stac' ti Moisese: —Ti stuquique mu xisch'unbeicun. Mi ja'uc ta xiyaq'uic ta venta xtoc. Xu' nan ti c'ajomal no'ox xi ta xiyalbeique: ‘Mu jch'uncutic ti laj yac' sba iluc ti Dios ta atojolale.’

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

Éxodo 4:4

Ja' no'ox un, xi i'albat yu'un ti Diose: —Tsaco liquel ta sne. Mu teyuc no'ox aq'ueloj. C'alal jech laj xach' batel sc'ob ti Moisés yo' ta stsaque, jech ti muc' ta chone cha'joybij ta vaxton.

Isaías 7:9

Ti smuc'ul yo'nton ta xa'i ti Efraine, ja' ti muc' ta lum Samaria. Ti smuc'ul yo'nton ta xa'i ti lum Samariae, ja' ti bu ochem ta ajvalil yu'un ti Samaria xnich'on ti Remalíase. Ti mi xtal xbat no'ox ti snopbenal avu'unique, mi ja'uc ta xajalijic ta banomil’ ”

Jeremías 31:3

jech ti vu'un eque, ta nom ono'ox, laj cac' jba iluc ta stojolic. J'ech'el oyot ta co'nton, mu tenbajot ta xca'i. Jech o xal, jech o slequilal co'nton ta atojol.

San Juan 11:15

Ta sventa ti vo'oxuque, ximuyubaj xa ti mu'yuc tey oyune yo' ta xc'ot ta pasel ta atojolic ti ich'bil ta muc' ta xic'ot avu'unique. Ja'uc le'e, batic, ba jq'ueltic.

San Juan 11:42

Jna' ti ta ono'ox xava'ibun ti jc'ope. Jech ta xcal un, yo' ta xc'ot ta sventa slequilal yutsilal ti jnaclejetic li' oyique, yo' ta xc'ot ta yo'ntonic ta xch'unel ti vo'ot laj atacun talele.

San Juan 20:27

Xi albat ti Tomase: —Tic'o ochel ti sni' ac'ob li' ta jc'obe. Q'uelo avil ti jc'obe. Tic'o ochel ti ac'ob ta jxocone. C'otuc ta avo'nton, altic ti xana'ete.

San Juan 20:31

Ja'uc ti ts'ibabil vun li'e, yo' ta xc'ot ta avo'ntonic ta xch'unel ja' Cristo ti Jesuse, Xnich'on ti Diose, yo' jech ta xata acuxlejalic ta sventa c'alal ta xc'ot ta avo'ntonic ta xch'unele.

San Juan 5:36

Ja'uc le'e, oy Buch'u x'ech' to ta svinajesbun ti jc'oplale. Ti c'u s'elan ta jpase, ta svinajes ti ja' laj yac'bun jbain ta spasel yu'un ti Jtote, xchi'uc ta svinajes ti tacbilun yu'un ti Jtote, ti ja' mu sta laj svinajesbun jc'oplal ti Juane.

Hechos 7:2

Xi tac'ave: —Jtot me'oxuc, jchi'iltac, a'yibeicun ava'iic ti c'usi ta xcalboxuque. Ti Ch'ul Dios cu'untique laj yac' sba iluc ta stojol ti jmolmuc'totic Abrahame ti c'alal nacal to ox ta Mesopotamia banomile, c'alal mu'yuc to ox ta xbat nacluc ta Harane.

Hebreos 11:16

Ja'uc ti stuquique ta sc'an ta sta ya'iic ti slequil-lumalique, ja' sc'oplal ti vinajele. Jech o xal ti Diose mu q'uexlaluc ta xa'i ti jech bisbil ta Dios yu'unique, ja' ti meltsanbat xa ti steclumalique.