Éxodo 4:23 - Bible in Tzotzil de Chamula

²³ Laj xa calbot ava'i, coltao loq'uel ti jnich'one yo' jech ta xbat yich'icun ta muc'. Ja' no'ox un, ti jech mu xac'an xavac' loc'uc batele, ta jmil ti abanquilal nich'one.’ ”

Bible in Tzotzil de Chenalhó with Deuterocanon

²³ Laj xa calbot ti ac'o aloq'ues batel li jnich'one, yu'un chbat yich'icun ta muc'. Pero ta sventa ti mu xavac' loc'uc batele, ta jmilbot li sba anich'nabe, xayutot li Muc'ul Diose’, uto —xi li Muc'ul Diose.

Éxodo 4:23 Iomraidhean Croise

Salmos 105:36

Ti ta Egiptoe, ti Diose laj syayijesbe ta milel scotol sba yol xnich'onic ti jnaclej egipcioetique.

Salmos 135:8

Laj syales yoc sc'ob ta smilel scotol ti banquilal nich'nabiletic yu'un ti jujuchop jnaclej egipcioetique, xchi'uc sba yoltac ti chon bolometic yu'unique.

Salmos 136:10

Colaval, utic ti Buch'u laj syales yoc sc'ob ta smilel scotol sba yol xnich'onic ti jujuchop jnaclej egipcioetique, yu'un sbatel osil oy syail xc'uxul yo'nton.

Salmos 78:51

Ti ta Egiptoe, laj yac' iluc ti laj chamicuc ti ba ololetic yu'unic ti egipcioetique.

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Éxodo 10:4

Mi staoj no'ox yav mu xava'ibe xchiquinal ti mu xavac' loc'uc batele, oc'om ta xcac' taluc c'ulubetic ta alumal.

Éxodo 11:5

Ti jujuchop jnaclej egipcioetique, ta xcham scotol ti sbanquilal nich'onique. Ta xcham ec ti sbanquilal nich'on ti faraón ti buch'u oy sc'oplal ta xchoti ta ajvalilale. Ma'uc no'ox taje, ta xcham xtoc ti sbanquilal ol ti me' mosovil ants ti ta x'abtej ta molinoe. Ja' jech xtoc ta xcham scotol ti sba yalabtac ti chon bolometique.

Éxodo 12:29

Ta o'lol ac'ubal un, ti Diose, mu yalel toyoluc ech' smilbe sbanquilal nich'nabtac ti jujuchop jnaclej egipcioetique. Yu'un jech c'ot ta stojol sbanquilal nich'on ti faraón ti oy sc'oplal ti ta xich' comel ti abtele, xchi'uc ti banquilal nich'oniletic ti tiq'uilic ta chuquele, xchi'uc sba yoltac ti chon bolometique.

Éxodo 13:15

C'alal pucujib yo'nton ti faraón ti c'alal mu xiyac' loc'uncutic talele, jech o xal ti Diose laj smilbe sba xnich'onic ti jujuchop jnaclej egipcioetique, xchi'uc scotol sba yoltac ti xchon sbolomique. Jech o xal ta xcac'becutic ta smoton Dios scotol sba yoltac ti chon bolometic ti stot chlaj voc'uque. Ja' yu'un un, ta xcac'cutic jcot matanal sventa xq'uexol ti sba nich'onil querem ta xvoq'uique.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 3:18

Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Éxodo 5:1

Ts'acal to taj une, ti Moisese xchi'uc ti Aarone xi bat yalbeic ya'i ti faraone: —Xi laj yal ti Ajvalil Dios yu'un ti Israele: “Ac'o ave ati' ti xu' ta xloq'uic batel ta sbajtical banomil ti calab jnich'nabe yo' jech xba spasic q'uin sventa quich'el ta muc'.”

Éxodo 6:11

—Batan, ba albo ya'i ti faraone ti ac'o yac' loc'uc batel ta Egipto ti israeletique.

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Éxodo 8:1

va'i un, ti Diose xi laj yalbe ya'i ti Moisese: —Batan, ba q'uelo ti faraone, xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech chbat yich'icun ta muc'.

Éxodo 8:16

Ti Diose xi laj yalbe ya'i ti Moisese: —Albo ya'i ti Aarone ti ac'o smaj ta svaxton spucuquil ti banomile yo' jech ta xjoybij ta us ti pucuque. Ac'o tanijuc batel ta sjunlej Egipto.

Éxodo 8:17

Ja' jech laj spasic. Ti Aarone laj smaj ta svaxton spucuquil ti banomile. Scotol ti pucuc ti oy ta Egiptoe joybij ta jti'vanej usetic. Laj yilbajin ti jnaclejetique xchi'uc ti chon bolometique.

Éxodo 8:20

Ti Diose xi laj yalbe ya'i ti Moisese: —Ti faraone sob ta xbat oc'om ta uc'um. Ja' yu'un un, sob xalic. Batan, ba q'uelo ti xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech ta xbat yich'icun ta muc'.

Éxodo 9:1

Ti Diose xi laj yalbe ya'i ti Moisese: —Ba q'uelo ti faraone, ti xi xavalbe ya'ie: “Xi ta xalbot ava'i ti Ajvalil ti ja' Dios yu'un ti hebreoetique: ‘Ac'o ave ati' ti xu' ta xloc' batel ti calab jnich'nabe yo' jech chbat yich'icun ta muc'.

Éxodo 9:13

Ja' yu'un un, ti Diose xi laj yalbe ti Moisese: —Sob xalic oc'om, ba q'uelo ti faraón ti xi xavalbe ya'ie: “Ti Ajvalil ti ja' Dios yu'unic ti hebreoetique, xi ta xalbote: ‘Ac'o ave ati' ti xu' ta xloc' batel ti calab jnich'nabe yo' jech chbat yich'icun ta muc'.

Éxodo 9:2

Mi mu xavac' loc'uc batele, mi ja' no'ox ti apajtsanoje,

Oseas 11:1

“C'alal ololic to ox ti jteclum Israele, jc'uxubinoj ta j'ech'el. Ti stuque, ti ja' jnich'one, laj quic' loq'uel talel ti ta Egiptoe.