Éxodo 4:22 - Bible in Tzotzil de Chamula

²² Ja' yu'un un, xi xavalbe ya'i ti faraone: “Ti Diose xi ta xale: ‘Ti Israele, ja' jbanquilal nich'on.

Bible in Tzotzil de Chenalhó with Deuterocanon

²² Ts'acal jech xlic avalbe li faraone: ‘Jech chayalbot li Muc'ul Diose: Li Israele ja' sba jnich'on.

Éxodo 4:22 Iomraidhean Croise

Salmos 89:27

Ta xcac'be yich' un, jech c'u cha'al oy sc'oplal ti ba nich'onile; stuc no'ox cajal ta xc'ot sc'oplal ta stojol ti yan ajvaliletic ta banomile.

Éxodo 6:11

—Batan, ba albo ya'i ti faraone ti ac'o yac' loc'uc batel ta Egipto ti israeletique.

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Isaías 63:16

Yu'un ti vo'ot une, jtototcutic. Manchuc mi mu xa xisna'uncutic ti Abrahame, manchuc mi mu xa xisvulesuncutic ta yo'nton ti Israele, ti vo'ot une, Dios jtototcutic, jpojvanejot ono'ox cu'uncutic une.

Isaías 64:8

Manchuc mi jech un, Cajval Dios, vo'ot jtototcutic. Lum ach'eluncutic ma' ti vu'uncutique. Vo'ot me ti jpotobote. Jcotolcutic yabteluncutic avoc ac'ob.

Jeremías 2:14

“Ma'uc sc'oplal ta x'och ta mosovil ti Israele; mu yu'unuc voc' talel yo' ta xc'ot ta mosovil. ¿C'u cha'al ya'yel un cha'e ta xpojbat batel ti c'usi oy yu'une?

Jeremías 31:9

Xc'opoj xti'inic xa, x'oq'uic x'avanic xa sutel talel. Ja' jech xtoc un, ta xquiq'uic batel ti bu ta x'ech' ti uc'umetique. Ta x'ech'ic cu'un ta stenlej be ti bu mu stsuculin ti yacanique. Yu'un c'otemun ta totil yu'un ti Israele. Jbanquilal nich'on ta xca'i ma' ti Efraine.

Oseas 11:1

“C'alal ololic to ox ti jteclum Israele, jc'uxubinoj ta j'ech'el. Ti stuque, ti ja' jnich'one, laj quic' loq'uel talel ti ta Egiptoe.

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

San Mateo 2:15

Comic ti bu taje ja' to ti c'uxi cham ti Herodese. Taje, ja' c'ot ta pasel ti xi laj yal ti Dios ta sventa ti yaj'alc'ope: “Ta xquic' talel ta Egipto ma' ti Jnich'one.”

Romanos 9:4

Ti jchi'iltaque ja'ic snitilultac ti Israele. Bisbilic ta xnich'nab ti Diose. Jun yutsil laj sva'an sba ti Dios ta stojolique. Ac'batic comel ta sventainel ti trateetique. Ac'batic comel ta sbaic ti oy c'usi tsots sc'oplal albil yu'un ti Moisese. Ac'batic comel ta sventainel ti c'u s'elan ta yich'el ta muc' ti ch'ulnae. Albatic comel ti oy c'usi ta x'ac'batique.

2 Corintios 6:18

Ta xic'ot ta Totil avu'unic. Ta xac'otic ta calab jnich'nab ec, xi ti Cajvaltic Dios ti scotol xu' yu'une.”

Deuteronomio 14:1

“Yu'un ti vo'oxuque, yalab xnich'naboxuc ti Ajvalil Dios avu'unique. Mi ja'uc xayayijes abaic. Mi ja'uc xat'anbun ta loq'uel ti stsotsil ajolic ta scoj mi oy buch'u chame.

Deuteronomio 32:6

¿Mi ja' jech ta xatojbeic ta xapacbeic sutel ti Diose? Pimil jteclum, mi ja'uc jutebuc oy abijilic, ¿mi yu'un ma'uc atot ti Buch'u laj yac' ach'ulele, ti laj smeltsanote? Ja' laj smeltsanot, laj yac'bot ach'ulel.

Hebreos 12:23

Lanopajic ta stojol ti bu tsobolic ti ba'yel jch'unolajeletic ti c'otemic ta xnich'nabtac Dios ti tey tsacal ti sbiic ta vinajele. Yu'un lanopajic ta stojol Dios ti ja' Jchapanvanej yu'un scotole. Lanopajic ta stojol bu oy xch'ulel yanimaic ti lequil tuq'uil viniquetic ti ac'bat slequilal yutsilalic yu'un ti Diose.

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.