Éxodo 4:21 - Bible in Tzotzil de Chamula

²¹ Ts'acal to un, xi albat Moisés yu'un ti Diose: —C'alal ta xac'ot ta Egiptoe, xavac' me avo'nton ta spasel ta stojol faraón ti ep ta tos laj cac'bot amuc'ul atsatsal ta spasel ti c'usi ch'ayal ta xc'ot o'ntonal yu'une. Ja' no'ox un, mu xac' loc'uc batel ti israeletique. Yu'un vu'un ta jpucujibtasbe yo'nton ti faraone.

Bible in Tzotzil de Chenalhó with Deuterocanon

²¹ Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Éxodo 4:21 Iomraidhean Croise

Génesis 6:3

Ti Diose xi laj yale: “Ti vinique, mu me li'uc ta sts'un o yi'bel ti xch'iel sc'opojele. Yu'un ti stuque, lum ach'el no'ox. Ja' no'ox ta xcac' cuxiuc vacvinic (120) jabil.”

1 Reyes 22:22

Ti ch'ulelile laj yal ti ta stic'be ta sjol ta yo'nton jutbil c'op scotol yaj'alc'optac ti ajvalile. ‘Melel ava'uquic’, albat yu'un ti Diose, ‘ta xc'ot ta pasel ti ta xlo'laj avu'une, ta spas.’

Salmos 105:25

Le' une, laj sliquesbe sjol ti egipcioetic ti licuc contrainbatuc ti steclumale, slo'laicuc yajtuneltac ti Diose.

Salmos 78:43

C'alal oyic ta yosilal Zoan ta Egiptoe, muc'tic no'ox c'usi c'ot ta pasel ti ch'ayal ta xc'ot o'ntonal yu'une.

Éxodo 10:1

Ti Diose xi laj yalbe ya'i ti Moisese: —Batan, ba q'uelo ti faraone. Yu'un laj xa cac' pucujibuc yo'nton xchi'uc ti yaj'abteltaque yo' jech ta xcac'be yilic ti jmuc'ul jtsatsal ti xu' cu'un ta jpas ti ch'ayal ta xc'ot o'ntonal yu'une.

Éxodo 10:20

Ja' no'ox un, ti Diose laj yac' pucujibuc yo'nton ti faraone. Mu'yuc laj yac' loc'uc batel ti israeletique.

Éxodo 10:27

Ja' no'ox un, ti Diose laj yac' pucujibuc yo'nton ti faraone. Mu'yuc x'aq'ue baticuc.

Éxodo 11:10

Jech ti Moisese xchi'uc ti Aarone lic yaq'uic iluc ti c'usi ch'ayal ta xc'ot o'ntonal yu'un ta sba ta sat ti faraone. Ti jech pucujibtasbat xa yo'nton faraón yu'un ti Diose, mu'yuc laj yac' loc'uc batel ti israeletic ta Egiptoe.

Éxodo 11:9

Ts'acal to un, ti Diose xi laj yalbe ya'i ti Moisese: —Ti faraone mu xayac'oxuc ta venta. Ja' yu'un un, ta x'epaj ti c'usitic ch'ayal ta xc'ot o'ntonal ta xcac' iluc ti li' ta Egiptoe.

Éxodo 14:17

Ta xcac' pucujibuc yo'nton ti egipcioetique yo' jech ta xasnutsoxuc. Va'i un, ta xcac'be yil ti jmuc'ul jtsatsal ta stojol ti faraone, ta stojol scotol ti yajsoldadotaque, ti carretaetic yu'une, ti jcajlejetic ta ca' yu'une.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 3:19

Ac'o mi jech ta xavalbeic ya'i ti ajvalil yu'un ti Egiptoe, ja' no'ox un, jna' lec ti mu xac' loc'anic batel ti mi mu'yuc c'usi tsots ta xc'ot ta stojole.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 7:3

Ja' no'ox un, vu'un ta xcac' pucujibuc ti faraone. Yu'un ti li' ta jteclum Egiptoe, ep ti c'usi ta xcac' iluc ti ch'ayal o'ntonal ta xc'ot yu'une.

Éxodo 8:11

Ti ranaetique chlaj loc'uc batel ti oy ta anae. Ja' no'ox ta xcom ti oy ta uc'ume. Mi ja'uc xa ta xayilbajinot. Mi ja'uc xa ta xilbajin ti avaj'abtelique, ti avinquileltaque.

Éxodo 8:15

Ac'o mi jech laj yich' pasel taj une, c'alal laj yil ti faraón ti mu'yuc ti svocole, pucujib xtoc. Mu'yuc laj yich' ta muc' ti Moisese xchi'uc ti Aarone. C'ot ta pasel jech c'u cha'al albilic ono'ox yu'un ti Diose.

Éxodo 8:32

Ja' no'ox un, ti faraone lic pucujibuc yo'nton yan velta. Mu'yuc laj yac' loc'uc batel ti israeletique.

Éxodo 9:12

Ja' no'ox un, ti Diose laj yac' pucujibuc yo'nton yan velta ti faraone. Jech o xal un, mu'yuc laj yich' ta muc' ti Moisese, ti Aarone. C'ot ta pasel jech c'u cha'al albil ono'ox yu'un Dios ti Moisese.

Éxodo 9:35

Ti jech pucujib yo'nton ti faraone, ja' yu'un un, mu'yuc laj yac' loc'uc batel ti israeletique. C'ot ta pasel jech c'u cha'al albil ono'ox yu'un Dios ti Moisese.

Isaías 6:10

Yanijesbo snopobil yu'unic ti lum li'e. Macbo ti xchiquinique, macbo ti satique, yo' jech mu xilic, mi ja'uc xc'ot ta yo'ntonic ti lo'il a'yeje, yo' jech mu sutic talel ta jtojol ti ta xc'ot ta pasel ta jpoxtaique.”

Isaías 63:17

Dios, ¿c'u cha'al ta xavac' ave ati' ta stamel ech'el ti yan jbecutic une? Dios, ¿c'u cha'al ta xavac' pucujibuc co'ntoncutic ti ta xc'ot ta pasel ti mu xa xajxi'tacutique? Lajuc tubuc sc'oplal avu'un le' une. Ayanuc syail xc'uxul avo'nton yu'un ti avajtuneltaque xchi'uc ti jujuvoc' ti ja' avu'untaque.

San Juan 12:40

Macbat satic yu'un ti Diose. Tsatsubtasbat yo'ntonic, yo' mu xilic, yo' mu xa'iic, yo' mu xtal ta jtojol ta xpoxtael sbaic.

Romanos 1:28

Ti jech mu sc'an sbic'tajes sbaique, ti mu'yuc c'usi bal o ta xa'iic ti Diose, ac'batic comel ta sbaic ta spasel ti c'usi mu stac' pasele.

Romanos 9:18

Va'i un cha'e, ti Diose ta xc'uxubin ti buch'u ta sc'an ta xc'uxubine. Ta spucujibtasbe yo'nton ti buch'u ta sc'an ta spucujibtasbee.

2 Corintios 2:16

Ta sventa ti buch'u ch'ayel ta xbatique, jun to jmilvanej ta xa'iic smuil ti pom ta xc'ot ta stojolique. Yan ti buch'u oy sc'oplal ta xcolique, jun to j'ac'-cuxlejal ta xa'iic ti smuile. ¿Buch'u xu' yu'un ti jech ta spas taje?

Deuteronomio 2:36

Ti Ajvalil ti ja' Dios cu'untique, laj jtsaltic yu'un scotol ti jteclum ti lic talel ta Aroer ti oy ta sts'el uc'um Arnone, ti jteclum ti oy ta stenlejale, ti c'ot c'alal to Galaade. Mi junuc oy buch'u cuch yu'un laj spoj sbaic ti c'alal laj jtsactic ta letoe.

Josué 11:20

Yu'un pucujibtasbat yo'ntonic yu'un Dios ti yajcontraique, ti xu' xa yu'unic ta stsaquic ta c'op ti israeletique yo' jech mu'yuc syail xc'uxul o'ntonal ta stsutsesatic yu'un ti israeletique, co'ol jech c'u cha'al albil mantal yu'un Dios ti Moisese.

1 Pedro 2:8

Oy bu xi ta xal ti ch'ul c'op xtoque: “Ta xc'ot ta jbej jmac-acanil ton yu'unic, ta jbej jbalch'unvanej ton yu'unic.” Yu'un xi s'elan q'uelel talel ta stojolic ta scoj ti mu xc'ot ta yo'ntonic ta xch'unel ti sc'op Diose: ta sbosi yacan xchi'uquic, yu'un jech ono'ox albil sc'oplalic.