Éxodo 4:17 - Bible in Tzotzil de Chamula

¹⁷ Ich'o batel ti vaxtone, yu'un ja' ta sventa oy c'usi ta xapas xchi'uc ti ch'ayal ta xc'ot o'ntonal yu'une.

Bible in Tzotzil de Chenalhó with Deuterocanon

¹⁷ Ich'o batel li anamte'e yu'un ja' chapas o li sq'uelubiltac jtsatsale —xut.

Éxodo 4:17 Iomraidhean Croise

2 Reyes 4:29

Ti Eliseoe xi laj yalbe ya'i ti Giezie: —Chapano aba, ich'o batel ti jvaxtone, batan ti bu taje. Mi oy buch'u ta xanup ta bee, mu xapajes aba ta xchi'inel ta lo'il. Mi oy buch'u ta xasc'opone, mu xatac'be. C'otuc no'ox ametsanbe ti jvaxton ta sat ti quereme.

Éxodo 14:16

Jech ti vo'ote, tuneso ti avaxtone. lich'o batel ac'ob ta xtuchel ta toyol yo' jech ta xch'ac sba ta jujujot ti nabe, yo' jech taquin lec ta x'ech' xtuch'ic ti israeletique.

Éxodo 17:9

Va'i un, ti Moisese xi laj yalbe ti Josuee: —T'ujo c'uc yepal viniquetic. Loc'anic batel ta stsaquel ta leto ya'iic ti amalecitaetique. Yu'un sob oc'om, oyun ta jol vits xchi'uc svaxton ti Dios ti oy ta coc ta jc'obe.

Éxodo 4:2

—¿C'usi ti atsacoje? —xi laj sjac' ti Diose. —Ja' jun jvaxton —xi laj stac' ti Moisese.

Éxodo 4:20

Jech ti Moisese laj scajan batel ta burro ti yajnile, ti xnich'nabe. Laj yic'anan batel c'alal sut batel ta Egipto. Stsacoj batel ti svaxton Diose.

Números 20:8

—Tsaco ti vaxtone, ac'o stsob talel ta volel jnaclejetic ti achi'il ta voq'uel Aarón ta scoltaelote. Mi laj taj une, ta sba ta satic scotolic, albo mantal ti tone ti ac'o ac'baticuc talel ti vo'e. Ta xavil xtoc ti ta xloc' talel ti vo' ta tone yo' jech ta xuch'ic ti stuquique xchi'uc ti chon bolometic yu'unique.

1 Corintios 1:27

Yo' jech q'uexlal ta xc'otic ti buch'utic oy sbijilique, t'ujeic yu'un Dios ti buch'utic ch'abal sbijilic ta x'albatic yu'un ti jnaclejetic ta banomile. Yo' jech q'uexlal ta xc'otic ti buch'utic tsots xa'i sbaique, t'ujeic yu'un Dios ti buch'utic ta x'albat ti mu'yuc c'usi xu' yu'unique.