Éxodo 4:12 - Bible in Tzotzil de Chamula

¹² Jech o xal un, batan. Ta jchi'inot ti c'alal ta xac'opoje. Ta jchanubtasot ti c'usi ta xavale.

Bible in Tzotzil de Chenalhó with Deuterocanon

¹² Ja' lec batan me. Vu'un chajchi'inot ti c'alal chalo'ilaje; vu'un ta jchanubtasot li c'usi xu' chavale —xi.

Éxodo 4:12 Iomraidhean Croise

Salmos 105:26

Va'i un, ti Diose laj stac batel ti Moisés ti c'otem ta yajtunele, xchi'uc ti Aarón ti t'ujbilic yu'une.

Salmos 143:10

Chanubtasun ta spasel ti c'u s'elan oy ta avo'ntone, yu'un vo'ot ti Diosote. Stojobtasucun batel ta lequil be ti yutsilal snopbenal avu'une.

Salmos 32:9

Mu xapas aba jech c'u cha'al ti ca'e, mi ja' ti mulae, ti mu xa'ibe xchiquinale; ta x'och ta be un mi ta x'ac'bat ti sprenoe, mi ja' ti xchuc sni'e. Mi mu jechuque, mu xnopaj ta atojol.”

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Éxodo 4:13

Xi xvulvun liquel ti Moisese: —¡Cajval! avocoluc, sa'o yan ti buch'u ta xatac batele.

Éxodo 4:15

Lo'ilajanic lec xchi'uc. Chapbo ya'i lec scotol ti c'usi xu' ta xale. Jech ti vu'un eque ta jva'an jba ti oyun ta stojol c'alal ta xac'opojique. Ta xajbijubtasoxuc lec ti c'usi sc'an ta xapasique.

Éxodo 4:16

Co'oluc s'elan ti vu'un jtuc ta xic'opoj c'alal ta xac'opon ti Aarone. Jech ti Aarone ja' ta xalbe ya'i ti jteclum ti c'usi ta xavale.

Isaías 49:2

Ti que jti'e, c'ot ta juxbil espada yu'un. Laj snac'un ta chabiel ta yolon yaxinal yoc sc'ob. Lic'ot yu'un ta jun jich'il sni' abtejebal ti xach'obil yolobe, ti laj stic'un ochel ta xch'amobil yav sni'e.

Isaías 50:4

Bijubtasbilun yu'un ti Diose, ti xu' cu'un ta spatbel yo'nton ti buch'utic lubtsajemic xae, ti xcuxet to ech'el banomil ta xa'iic yu'un ti jc'ope. Ts'etel xa jchiquin jmalaoj ca'i ti jujun sob ic'lumane. Sjunul co'nton ta jchiquintabe ti sc'ope.

Jeremías 1:9

Va'i un, ti Diose laj xach' talel ti sc'obe, laj yac' ta que, ti xi laj yalbune:

Números 16:28

Va'i un, ti Moises xi lic yalolane: —Ti jech le'e, ta xcac' avilic ti ja' tacbilun talel yu'un ti Dios ta yaq'uel avilic ti c'usi ta xc'ot ta pasele, ti mu ja'uc jutebuc loq'uem ayanem ta co'nton jtuque.

Marcos 13:11

C'alal ta xa'aq'ueic batel ta stojol ti ajvaliletique, mu xavat avo'ntonic, mu xapoco'-nopic c'usi ta xc'ot avalic. Ja' alic ti c'usi ta xac'boxuc ana'ic ti Dios c'alal oyoxuc ta stojolique, yu'un ma'uc vo'oxuc ta xac'opojic, ja' ta xc'opoj ti Ch'ul Espiritue.

San Lucas 11:1

Oy bu c'ot ta pasel c'opoj ti'in ti Jesuse. C'alal laj yo'ntone, xi albat yu'un jun yajchanc'ope: —Cajval, chanubtasuncutic ta c'opojel ti'inel jech c'u cha'al laj xchanubtas yajchanc'optac ti Juane.

San Juan 14:26

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

Efesios 6:19

C'opojanic ti'inanic ta jventa yo' jech ti Diose ta xiyac'bun ta que ta jti' ti c'usi xu' ta xcale, ti oyuc yip co'nton ta yalel ti colebal lequil ach' c'op ti mucul to oxe.

Deuteronomio 18:18

jech ta xc'ot ta pasel cu'un ti ta xvul ta loq'uel jun j'alc'op ta stojolic jech c'u cha'al ti vo'ote, ti ja' junuc svinquilel sbaique, yo' jech ta x'albat ya'iic ti c'usi ta xcale.