Éxodo 36:2 - Bible in Tzotzil de Chamula

² Jech ti Moisés une laj sta ta iq'uel ti Bezaleele, ti Oholiabe, xchi'uc scotol ti buch'utic xac' sc'abalil yu'un ta sloc'tael ta xluchel ti abtele, ti ja' ac'bil sbijilic yu'un ti Diose, ti laj yal sbaic ti loq'uem ayanem ta yo'ntonic ta scolta sbaic yu'un ti abtel taje.

Bible in Tzotzil de Chenalhó with Deuterocanon

² Li Moisese laj yic' li Bezaleel xchi'uc Aholiabe, xchi'uc li yantic boch'otic i'ac'batic lec sbijilic yu'un Muc'ul Dios sventa spasel li abtele, xchi'uc li boch'otic jech yo'ntonic o tsc'an chcoltavanic ta abtele.

Éxodo 36:2 Iomraidhean Croise

1 Crónicas 28:21

Li' oy ta atojol ta xac' sbaic ta tunel ti paleetique, xchi'uc ti levitaetic xchapanoj sbaic ta tunel ta ch'ulnae. Ta scoltaoxuc ec ta sventa scotol jaytos abtel ti buch'u loq'uem ayanem ta yo'nton ti sna' spasic ep ta tos abtele, ti xvul no'ox ta sjolic scotol c'u s'elan ta xtunique, xchi'uc ti banquilaletique, xchi'uc scotol ti jteclum ti ta xch'un pasel ta mantale.”

1 Crónicas 29:5

Ta scotol ti oro taje, xchi'uc ti platae, ja' ta xich' tunesel ti butic tsots sc'oplal stunesel ta xc'ot ti jujutos taq'uine, ti ta stunesic ti j'abteletic ti buch'utic sna'ic sloc'tael ti c'usitic c'upil sbae. Avi tana le' une, ¿buch'u xloc' x'ayan ta yo'nton ta snaban sba ta yaq'uel yuni na'obil ta sventa ta xtun yu'un ti Diose?”

Éxodo 25:2

“Albo ya'iic ti israeletique ti ac'o stsobbeic ti c'usitic oy yu'unic yo' ta xiyac'beique. Tsobbeic ta scotol ti buch'u ta xloc' x'ayan ta slequilal yutsilal yo'nton ti c'usi ta xaq'uique.

Éxodo 25:40

A'yio ava'i, jech me xapas scotol jech c'u cha'al la'ac'bat avil sloc'obbail ti ta vitse.

Éxodo 28:3

Va'ano aba, c'opojan ta stojol scotolic ti buch'utic xjoybij sjolilal yu'unic ti vu'un laj cac'beic ti jun yutsiquil c'usitic xloc'taj yu'unic ta meltsanele, yo' jech ta smeltsanbeic sc'u'tac ti Aarone, yo' jech t'ujbil ta xc'ot ta cajpale.

Éxodo 31:6

Ja' laj cac'be ta scoltaobba ti Oholiabe, xnich'on ti Ahisamaque, ti ja' snitilul ti Dane. Ta scotol ti buch'u oy sbijilique, oy bu laj cac'be ep sbijil yo' jech ta smeltsan scotol jech c'u cha'al ti xi caloj mantale:

Éxodo 35:10

“Yu'un xi s'elan laj yal mantal ti Diose: Scotolic ti buch'utic xac' sjolilal yu'unic ta xluchel xnichimal ti c'usiticuque, tsots sc'oplal, ac'o talicuc ta yabtelanel:

Éxodo 35:2

Vaquib no'ox c'ac'al sjalil ta xich' pasel ti abtele. Yan ti ta yucubal c'ac'ale, ja' jun ch'ul c'ac'al avu'unic, ti j'ech'el ja' jun cuxob o'ntonal sventa yich'el ta muc' ti Diose. Buch'uuc no'ox ta x'abtej ti jech c'ac'al taje, chapal xa sc'oplal ta xich' milel.

Éxodo 36:1

Jech o xal un, ti Bezaleele, ti Oholiabe, xchi'uc scotol ti buch'utic xac' sc'abalil yu'unic ta sloc'tael ta xluchel ti abtel sc'an pasele, ti ac'bat sbijilic snopbenal yu'un ti Dios ti lec ta smeltsanic scotol ti c'usitic ta xtun ta Axibalna sventa yich'el ta muc' ti Diose, ja' ta sliquesic ti abtel jech c'u cha'al laj yal mantal ti Diose.”

Éxodo 36:3

Ti c'u yepalic taje, ac'bat ta yoc ta sc'obic yu'un Moisés ti matanaletic ti laj yich'ic talel ti israeletique yo' jech ta sliquesic ta yabtelanel ti c'usitic ta xtun ta Axibalna sventa yich'el ta muc' ti Diose. Ac'o mi jech un, jujun c'ac'al tey ono'ox ta yutsil slequil yo'ntonic ti israeletic ta xich'ic talel ti matanale.

Hechos 14:23

Ja' jech xtoc laj sva'anic ancianoetic ta jujun tsobobbail. C'alal laj yo'ntonic ta c'opojel ti'inel ta scomtsanel ti yotique, laj yac'beic comel ta yoc ta sc'ob Dios ti Buch'u c'ot ta yo'ntonic ta xch'unele.

Colosenses 4:17

Xi xavalbeic ya'i ti Arquipoe: “Tuc'ulano la me lec ti avabtel la'ac'bat yu'un ti Cajvaltique.”

Hebreos 5:4

Yu'un mu'yuc buch'u junucal ta smantal no'ox stuc ta x'och ta banquilal pale, ic'bil t'ujbil yu'un ti Diose yo' ich'bil ta muc' ta xc'ot xchi'uc ti yabtele jech c'u cha'al ti Aarone.