Éxodo 34:9 - Bible in Tzotzil de Chamula

⁹ Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Bible in Tzotzil de Chenalhó with Deuterocanon

⁹ Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Éxodo 34:9 Iomraidhean Croise

Salmos 135:4

Laj st'uj ti Jacob ti ja' Israele, ti tsots stunel c'ot yu'un ta stojole.

Salmos 25:11

Dios, mu'yuc jch'ulel xca'i jba ta j'ech'el, ch'aybun ti jmul jcolo'e, ich'biluc c'otan ta muc'.

Salmos 28:9

Tic'o aba ta scoltael ti ateclumal une, Dios, va'ano aba ta stojol ti avu'untaque. Co'oluc a'elan junuc jq'uel-chij ta xchabiel; scotoluc c'ac'al, petbiluc ta avoc ta ac'ob un.

Salmos 33:12

Xmuyubaj no'ox ma' ti jteclum c'otem ta Ajvalil yu'unic ti Diose, ti c'otem ta yu'untac ti jteclum ti laj st'uj stuque.

Salmos 78:62

Xcapet xa sjol ta j'ech'el yu'un ti steclumale; laj yac' ye sti' lajicuc ta yespada yu'un ti scontraique.

Salmos 94:14

Ti Ajvalil une mu sjip sten comel ti steclumale, mi ja'uc ta scomtsan stuc ti yu'untaque.

Éxodo 19:5

Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique. Yu'un ti banomile, ja' cu'un scotol.

Éxodo 32:9

Ma'uc no'ox taje, yu'un ti Diose xi to laj yalbe ti Moisese: —Laj xa jtuc'ulan lec ti jteclum li'e. Laj xa cojtiquin lec ti pucujibemic xa xchi'uc ti xpochanilique.

Éxodo 33:12

Ti Moisese xi laj yalbe ti Diose: —A'yio ava'i, ta xac'an ti vu'un ta xquic' batel ti israeletique. Ja' no'ox un, q'uel avil un, mu'yuc avalojbun ti buch'u ta xavac'bun batel jchi'ine. Ja' jech xtoc ta xaval ti jun avo'nton ta jtojole, ti lec xavilune.

Éxodo 34:7

Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Isaías 48:4

Jna'oj xa ono'ox ti mu xava'ibe xchiquinale, ti tsots ta j'ech'el avo'nton jech c'u cha'al ti tsatsal taq'uine, ti mu stac' ca'el puxel jech c'u cha'al ti c'anal taq'uine.

Jeremías 10:16

Ja'uc ti Dios yu'un ti Jacobe, cajal sc'oplal ta j'ech'el, yu'un ja' laj smeltsan scotol ti c'usitic oye, xchi'uc laj st'uj ti Israele yo' ta xc'ot ta yu'un. Xi ti sc'oplale: Ajvalil Dios ti scotol xu' yu'une.

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

Zacarías 2:12

Jech ti Diose, ta ach' ta xlic yu'nin yan velta ti ch'ul banomil ti tsots sc'oplal ta xa'ie, ti ja' sc'oplal ti jteclum Judae. Yu'un ta ach' ta xlic spucbe sc'oplal xtoc ti jteclum Jerusalén ti ja' steclumal t'ujbil yu'une.

Números 14:19

Yu'un ti jech ech'em xc'uxul avo'ntone, ch'aybo ti xchopolalic ti jteclum li'e. Yu'un ts'ic xa talel avu'un ti staoj o yav ti c'u s'elan stalelic ti loq'uic talel ta Egiptoe, ti jech to yacalic ti bu xa xtalic avi tana li'e.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Deuteronomio 32:9

Yu'un xrextotac ta xa'i ti Diose, ja' ti steclumaltaque, snitilultac ti Jacobe.

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

Deuteronomio 9:18

Ts'acal to un, lic jquejan jba ta stojol ti Dios jech c'u cha'al ta jpas ono'ox talele. Mu ja'uc live', li'uch'umaj ti cha'vinic (40) c'ac'ale, ti cha'vinic (40) ac'ubale, ta scoj ti c'ot ta pasel ti laj ata amulic ta soquesbel yo'nton ti Diose, ti laj asa'beic ti sc'ac'al yo'ntone.

Deuteronomio 9:26

ti xivocolet xa liquel ti xichi laj calbee: ‘Ch'ul Dios, mu xach'aybe sts'unubal ti lum li'e ti c'alal ja' avu'une, ti ta amuc'ul ta atsatsal laj acoltae, ti laj aloq'ues talel ta Egiptoe.

Deuteronomio 9:29

Ja'uc ti stuquic une, ja' alumal, ja' avu'untac, laj aloq'ues talel ta Egipto ta sventa ti la laman talel ti amuc'ul atsatsaele.’