Éxodo 34:7 - Bible in Tzotzil de Chamula

⁷ Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Bible in Tzotzil de Chenalhó with Deuterocanon

⁷ C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Éxodo 34:7 Iomraidhean Croise

Génesis 19:16

Ti ánjeletic ti xch'ayet no'ox ta xilic ti Lote, laj snitbeic batel sc'ob, ja' ti tal to xc'uxul yo'nton ti Dios ta stojole. Ja' jech xtoc nitbil batel sc'ob ti yajnile xchi'uc ti yantsil nich'one. Loq'uesatic batel ta lum yo' jech ta xcolic.

1 Reyes 8:30

Ts'etano ani' achiquin ti xivocolet liquele, xchi'uc ti ateclumal ti li' xvocoletic liquel ti c'alal ta xajtacutic ta c'oponele. Ta vinajeluc to ti bu nacalote, a'yio ti jc'opojel ti'inele. C'otuc ta pasel avu'un ti ch'aybiluc c'otuc ti jmul jcolo'cutique.

1 Reyes 8:32

ta vinajeluc to, liqueso avabtel, lic chapano ti avajtuneltaque. Ac'bo stoj smul ya'i ti buch'u xtoyet xa'i sbae, ti cajaluc c'otuc ta sba stuc ti c'usi chopol ta spase. Va'ano aba ta spojel ti buch'u ch'abal smule, ja' ti c'u s'elan xc'ot ta stojolic ti jujune.

2 Crónicas 30:9

Mi ta xasutic talel ta stojol ti Dios une, ti avajcontraic tana li' ti stsacoj ta chuquel ti avinquilelique, ti anich'nabique, ta xlic ayanuc syail xc'uxul yo'nton ta stojol. Jech ta xac' ye ti suticuc ech'el ta slumalique. Yu'un ti Ajvalil Dios avu'unique oy stuq'uil yutsil yo'nton, sna' xc'uxubinvan. Mu xasjipoxuc stenoxuc comel mi ta xasutic talel ta stojole.”

Nehemías 1:5

Xichi laj calbe une: “Cajval, Dios yu'un ti vinajele, muc'ul Dios ti jelavem xu' avu'un ti xi'bal abae, ti staoj yav ti atratee, ti yutsil avo'nton ta stojol ti buch'utic jun yo'nton ta atojol ti ta xc'ot ta pasel yu'unic ti amantaltaque,

Nehemías 9:32

“Jech un, Ch'ul Dios cu'uncutic, ti jelavem amuc'ul atsatsale, ti xi'bal abae, ti staoj yav mu xch'ay ta be avu'un ti atratee, ti syail xc'uxul avo'ntone, ma'ucuc ti oy juteb ta ajol ti c'usitic chopol laj spasic ti ajvaliletic cu'uncutique, ti banquilaletique, ti paleetique, ti caj'alc'opcutique, ti jtot jme'cutic laj ech'uc ta ba'yele, xchi'uc scotol ti jteclum ti lic talel ti c'alal laj ech'uc ti ajvaliletic yu'un ti Asiriae, ti jech to xyaquet avi tanae.

Job 10:14

avac'oj asat ta sq'uelel bu ta jta ti jmule yo' jech ta xavac' jtoj ti bu ta xijelave.

Salmos 103:3

Laj stub laj xch'aybun scotol ti jmul jcolo'e, ta xpoxtabun scotol ti jchamele,

Salmos 109:14

Svulesuc ta yo'nton Dios ti mu'yuc xch'ulel xa'i sbaic ti stotique, ti j'ech'el cuxuluc o smul ti sme'ique.

Salmos 130:4

Le' une, ta jtacutic ch'aybil jmulcutic avu'un yo' ta xbat co'ntoncutic yich'elot ta muc'.

Salmos 136:10

Colaval, utic ti Buch'u laj syales yoc sc'ob ta smilel scotol sba yol xnich'onic ti jujuchop jnaclej egipcioetique, yu'un sbatel osil oy syail xc'uxul yo'nton.

Salmos 136:15

Colaval, utic ti Buch'u laj smut'i comel ta Tsajal Nab ti faraone xchi'uc ti yajsoldadotaque, yu'un sbatel osil oy syail xc'uxul yo'nton.

Salmos 25:11

Dios, mu'yuc jch'ulel xca'i jba ta j'ech'el, ch'aybun ti jmul jcolo'e, ich'biluc c'otan ta muc'.

Salmos 86:15

Le' une, Cajval, Diosot ti mu xatuch'van ta o'ntonale, ti c'ux ta xa'a'yivane, oy sts'iquemal xcuchemal avu'un, melel ono'ox oy syail xc'uxul avo'nton.

Salmos 99:8

Cajval, Dios cu'uncutic, laj ono'ox atac'be ti sc'opique. Jun jch'ay mulil colo'il Diosot lac'ot ta stojolic, ac'o mi laj atsits yu'un ti smul scolo'ique.

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 23:7

“Ma'uc me ti ja' xa tsacbil ta muc' ta xc'ot avu'un ti naca jutbilal mulile. Mu xavac' ta milel ti buch'u naca muts'ul sat ti ch'abal ti smule. Yu'un ti vu'une, mu yu'unuc ta xcal ti ch'abal smul ti buch'u oy smule.

Éxodo 33:19

Ja' no'ox un, xi tac'bat yu'un ti Diose: —Ta xcac' ta atojol scotol ti jlequilale. Ta aba ta asat ta xcal ti jbie. Oy xc'uxul co'nton yu'un ti buch'u ta jc'uxubine. Oy smuc'ul co'nton ta stojol ti buch'u ta jc'an ta jts'icbee.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Jeremías 30:11

Ti vu'un Diosune, mu stselbuj ti jc'op ti li' oyun ta spojelote. Ta jtubbe sc'oplal scotol ti muc'tiquil lumetic bu tan puc labatic cu'une. Ja'uc ti vo'ote, mu'yuc ta jtub ac'oplal. C'ajomal no'ox ta jtsitsot ava'i ti xi s'elan loc' ta sa'el avu'une: laj ta alel ma' ti mu'yuc atsitsele.”

Jeremías 32:18

Ta xavac' ta q'uelel syail xc'uxul avo'nton ta stojol ti yepal no'ox ta voc' ta x'ech'ique. Ta xatsits xtoc un ti buch'uuc no'ox ta scoj smul ti stot sme'ique. Jelavem amuc'ul un, Dios, cajal c'otem ma' ti ac'oplal une, Dios.

Jeremías 9:24

Mi oy buch'u ta stoyes ya'i ti sc'oplale, ac'o stoyes sc'oplal ta yojtiquinelun, ta sna'el ti vu'un Diosune, ti ta xc'uxul co'nton oy jtuq'uil cutsilal ta jventain ti banomile, ja' jech ti oy ta co'ntone. Ti vu'un Diosune, mu stselbuj ti jc'ope.”

Daniel 9:4

Xi s'elan xcholet lic cal ti lic'opoj liti'in ta stojol ti Ajvalil Dios cu'une: “Cajval, muc'ul Diosot, jelavem xu' avu'un, ta ono'ox xc'ot ta pasel avu'un ti c'usi loq'uem ta ave ati'e. Ta xavac' ta ilel ti syail xc'uxul avo'nton ta stojolic ti buch'uuc c'ux ta xaya'ie, ti ta xc'ot ta pasel yu'unic ti amantaltaque:

Daniel 9:9

Ja'uc ti vo'ot une, Diosot cu'uncutic, oy ta atojolal ti syail xc'uxul avo'ntone, ta ora no'ox xana' xach'ay ti mulile. Yu'un ti vu'uncutique, c'ajomal no'ox jelavem ti jtoyobbailcutic ta atojolale.

Miqueas 6:11

¿C'usi xcut ta jch'aybe smul c'alal xi to yepal xcom ti c'usi ta sbise, ti ta xtenbat comel ti xchapanoj lec muc' sbisol ti ta x'oche, ti ja' biq'uit sbisol ta xac' batele?

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

Nahúm 1:6

¿Mi yu'un la oy to buch'u va'al to ta xcom ti c'alal lamal ta xvul ti sc'ac'al yo'ntone? ¿Mi yu'un la oy buch'u ta xcuch yu'un ti c'alal lamal ta xvul ti sti'emal sjole? Co'ol s'elan c'oc' ta scolta talel ti sti'emal sjole, ta xjav ti ch'en vitsetic yu'une.

San Mateo 12:31

“Ta xcalboxuc ava'iic, buch'uuc no'ox ti chopol c'usi ta spasique, ti chopol ta xc'opojic ta stojol ti Diose, ta to xch'aybatic ti smulique. Ja'uc ti buch'u chopol ta xc'opojic ta stojol ti Ch'ul Espiritue, mu cha'bel xch'aybat ti smulique.

San Mateo 6:12

Ch'aybuncutic ti c'usi mu lecuc ta jpascutique jech c'u cha'al ta jch'aybecutic ti buch'u ta sa' smul ta jtojolcutique.

San Lucas 7:42

Ti cha'vo' viniquetique, mu xa cha'beluc xtoj yu'un ti yilique. Ch'aybat yilic xcha'vo'alic yu'un ti j'ac'-ch'om taq'uine. Albun ca'i tana un, ¿buch'u junucal x'ech' to c'ux ta xa'i ti yajval taq'uine?

San Lucas 7:48

—Scotol ti amule ch'aybil xa c'ot —xi ti Jesús ta stojol ti antse.

Hechos 13:38

Na'o ava'iic, jchi'iltac, ta xavich'ic albel ti ja' no'ox ta sventa Jesús ta xataic ti ch'aybil ta xc'ot ti amulique.

Hechos 5:31

Ti Jesuse ich'e xa ta muc' yu'un ti Diose, aq'ue xa chotiuc ta sts'el sbats'i c'ob. C'ot xa ta Banquilal Ajvalil, ta Jcoltavanej yu'unic, yo' jech ti muc' ta lum Israele suticuc talel ta stojol ti Diose, yo' ta staic ti ch'aybil ta xc'ot ti smulique.

Efesios 1:7

Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Efesios 4:32

Oyuc slequilal avo'ntonic ti c'uxuc xava'i abaique. Ch'aybo aba amulic ta jujun tal jech c'u cha'al laj xch'ayboxuc amulic ti Dios ta sventa ti Jesucristoe.

Deuteronomio 32:35

Ta xcac'beic lec stoj ti c'alal ta sta yorail ta jpac sutele, ti c'alal ta sta yorail ta xyalic ta lume. Jutuc xa sc'an ta sta yorail ti ta xtub sc'oplalique, yu'un jutuc xa sc'an ta sta yorail.’

Deuteronomio 7:10

Ja'uc le'e, ta stsutsesbe sc'oplalic ta j'ech'el ti buch'u contra x'ilun yu'une. Ta xac'be stoj ya'i, ¡ti mu ta sjaliluc ta xac'be sc'upin stojol ti buch'u contra x'ilun yu'une!

Deuteronomio 7:9

Ja' yu'un un cha'e, t'abuc lec ta avo'ntonic ti Dios ti ja' Ajvalil avu'unique, ja' ti bats'i Dios ti jbel sc'oplal ta xc'ot ta pasel yu'un ti strate ta stojol ti jaylajun-chop totil me'il chlaj ech'icuque, ta sventa ti buch'utic mu tuch'baj ta o'ntonal ta xa'iique, xchi'uc ti ta xch'unbat ti smantaltaque.

Hebreos 12:29

Yu'un ti Dios cu'untique, ja' c'oc' ti xu' ta slilin scotole.

Josué 24:19

Ja'uc ti Josuee xi laj stac'be ti jteclume: —Mu xu' avu'unic ta xavac' abaic ta tunel yu'un ti Diose. Yu'un ti stuque ja' jun Ch'ul Dios. Mu j'ech'eluc ts'icbaj ta xa'i ti pec'tsanbil ta xc'ot ti sc'oplal avu'unique, ti ja' xa ich'bil xa ta muc' ta xc'ot avu'unic ti yane. Mi ja'uc sts'ic yu'un ti atoyobbailique, ti amulique.

1 Juan 1:9

Ta sventa ti oy stuq'uil yo'nton ti Diose, mi jamal ta xcalbetic Dios ti jmultique, jpat co'ntontic ta stojol ti ta xch'ay ti jmul jcolo'tique, xchi'uc ta spoc ta stus loq'uel scotol c'usiuc no'ox mu stac' q'uelel ti c'usi ta jpastique.

Apocalipsis 20:15

Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”