Éxodo 34:4 - Bible in Tzotzil de Chamula

⁴ Jech ti Moisese laj yan ta meltsanel ti chib pech-pech tone, co'ol jech c'u cha'al ti ta ba'yele. Ta yoc'omal un, sob xa ta jmec, laj yich' batel ti cha'pech tone, muy batel ta vits Sinaí jech c'u cha'al albat yu'un ti Diose.

Bible in Tzotzil de Chenalhó with Deuterocanon

⁴ Li Moisese lic spas li cha'pech ton jech chac c'u cha'al ta ba'yuque. Sob ta yoc'omal imuy batel ta vits Sinaí; laj yich' muyel li cha'pech ton jech chac c'u cha'al i'albat yu'un Muc'ul Diose.

Éxodo 34:4 Iomraidhean Croise

Éxodo 19:20

Ti Diose c'ot ti bu xa c'alal slajeb toyol ti jol vits Sinaie. Albat ti Moisese ti ac'o muyuc batel ti bu oye. Jech ti Moisese muy batel.

Éxodo 19:3

Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele: —Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe:

Éxodo 32:16

Ti cha'pech ton taje, ja' laj smeltsan stuc ti Diose. Ja' laj sts'iba stuc ti Dios ti c'u s'elan ts'ibabil ta jujupeche.

Éxodo 34:1

Ti Diose xi laj yalbe ti Moisese: —Ano chibuc pech-pech ton co'ol s'elan jech c'u cha'al ta ba'yele, yo' jech co'ol s'elan ta jts'iba ti c'u s'elan ts'ibabil to ox ta ba'yel ti lilij ta voq'uel avu'une.

Deuteronomio 10:1

“Ava'i un, xi laj yalbun ti Diose: ‘Anano ta tuch'el cha'pechuc ton co'ol jech c'u cha'al ta ba'yele. Jech xtoc, meltsano junuc caxa ti meltsanbil ta te'e. Mi laj taj une, muyan batel ta vits yo' ta jchi'in jbatic ta lo'il.

Deuteronomio 10:3

“Ja'uc taj une, laj jmeltsan ta acacia te' ti caxae. Laj jtuch' ta anel ti cha'pech tone. Quich'oj muyel ta vits xtoc un.