Éxodo 34:21 - Bible in Tzotzil de Chamula

²¹ “Vaquib no'ox c'ac'al sjalil ta xa'abtejic, ja'uc ti ta yucubal c'ac'ale, tsots sc'oplal ta xacuxic, ac'o mi ja' o yorail ti ts'unubajele, ti stsobel ti ts'unubale.

Bible in Tzotzil de Chenalhó with Deuterocanon

²¹ “Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, ac'o me yorail ovol, o me yorail c'aoj.

Éxodo 34:21 Iomraidhean Croise

Génesis 45:6

Yu'un oy xa xchibal jabil sliquel vi'nal ta sjunlej ti jteclume. Sc'an to vo'ob jabil ti mu'yuc c'usi ta xac' ti banomile, ac'o mi ta xich' ts'unel.

Nehemías 13:15

Laj quil ti jech yorail taje, ti ta Judae oy buch'utic ta st'usic ta teq'uel uva sventa ta smeltsanic vino ti c'alal ja' o sc'ac'alil ti cuxob o'ntonale. Laj quil ti oy buch'utic syomojic ta q'uechel ti jujuchuc trigoe, ti ta xac'beic ech'el xcuch burro ti vinoe, ti jujuvoj uvae, ti sat icuxe, xchi'uc scotol ti c'usiuc no'ox icatsil ti ta xich'ic batel ta Jerusalene. Va'i un, laj jvulic ta scoj ti ta xchon sbolomalic ti jech c'ac'al taje.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Éxodo 31:15

Vaquib c'ac'al xu' xa'abtejic. Yan ti ta yucubal c'ac'ale, ja' xa cuxob o'ntonal ti t'ujbil yu'un ti Diose. Ti buch'u ta x'abtej ta sc'ac'alil ti cuxob o'ntonale, chapal sc'oplal ta xich' milel.’

Éxodo 35:2

Vaquib no'ox c'ac'al sjalil ta xich' pasel ti abtele. Yan ti ta yucubal c'ac'ale, ja' jun ch'ul c'ac'al avu'unic, ti j'ech'el ja' jun cuxob o'ntonal sventa yich'el ta muc' ti Diose. Buch'uuc no'ox ta x'abtej ti jech c'ac'al taje, chapal xa sc'oplal ta xich' milel.

Isaías 30:24

Ma'uc no'ox taje, ti jloc-osil vacax avu'une, ti burroe, ta staic ta lajesel ti jun yutsiquil c'ajben ta j'ech'ele.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

San Lucas 23:56

C'alal sut batel ta snaique, lic xchapanic ti aceite ti capal ta muil poxile. C'alal laj yo'ntonique, lic xchabiic ti sc'ac'alil cuxob o'ntonal jech c'u cha'al ta xal ti mantale.

Deuteronomio 21:4

Ta snitic ech'el ta yoc jun biq'uit uc'um ti bu ta xanav ono'ox ti vo'e, ti bu mu'yuc ts'unbil abtelanbil o ti banomile. Jech ti bu taj une, ta xich' sts'otbel ta c'asbel snuc' ti ch'in me' vacaxe.

1 Samuel 8:12

Ta xac'be yabtel ta banquilal ta sventainel lajuneb ciento (1,000) ta vo' soldadoetic ti jlome. Ti banquilaletique, ta sventain yu'un lajuneb yoxvinic (50) ta vo'. Oy jlomoxuc, ta xac' abtejanic ta sloq'uel ti yosil sbanomile. Ta xatsobbeic mi yijub ti sts'unubaltaque, mi ja' ti ta xabainic ta smeltsanbel ti yabtejeb sventa ac'-letoe, xchi'uc ti c'usitic ta xtun ta sventa ti ac'ob-leto carretae.