Éxodo 34:12 - Bible in Tzotzil de Chamula

¹² “Mu me xaco'oltas ajolic ta spasel mi junuc trate xchi'uc ti yajval lumetic ti nacalic ta banomil ti bu ta xcac' ochanic batele, yo' jech mu xa syac'oxuc ta spets'ique.

Bible in Tzotzil de Chenalhó with Deuterocanon

¹² “Mu me c'usi xachapan achi'uquic li boch'otic te nacajtic ta banamil ti bu cha'ochic batele yu'un jech mu xayalic ta lum ta scojic.

Éxodo 34:12 Iomraidhean Croise

1 Reyes 11:2

Laj yajnilin jyanlum antsetic ti albil sc'oplal yu'un Dios ti jbel sc'oplal mu xiq'uic ti israeletique, yu'un jbel sc'oplal ta x'uninbat yo'ntonic yu'un ti c'usitic meltsanbil ta c'abal yu'unique. Ja'uc ti Salomone bic'taj yo'nton xchi'uc ti antsetique, laj yajnilan.

2 Reyes 17:10

Ti ta jujun stseleje, ti ta yolon limajtic te'e, laj sva'anic loc'obbail tonetic xchi'uc sloc'obbailtac ti Aserae.

2 Crónicas 24:18

Lic yicta sbaic un ti ta xc'otic ta xch'ulna ti Ajvalil Dios yu'un ti smolmuc'totic ta vo'nee. Lic snijan xchiman sbaic ta yich'el ta muc' sloc'obbailtac ti Aserae, xchi'uc ti yan loc'obbailetique. Lic ilinuc ti Dios ta stojol ti Judae, xchi'uc ta stojol ti Jerusalene ta scoj ti mulil taj une.

Salmos 106:36

Laj squejan sbaic ta yich'el ta muc' ti c'usi meltsanbil ta c'abale, lic sta svocol xchi'uquic ta scoj taj une.

Números 33:52

xujic loq'uel scotol ti jnaclejetic ta jteclume. Lilinbeic scotol ti sloc'obbail ti sdiosic ti meltsanbil ta tone, ti unijesbil ta taq'uine. Lilinbeic scotol ti c'usi liquem yu'unic ta yich'el ta muc' ta jujun stseleje.

Deuteronomio 20:18

yo' jech mu xaschanubtasoxuc ta spasel ti spajebal xa no'ox chopol ta spasic ti ta snijan xchiman sbaic ta yich'el ta muc' ti diosetic yu'unique, ti xu' xata amulic yu'un ta stojol ti Ajvalil Dios avu'unique.

Deuteronomio 31:5

C'alal ta xac'boxuc ta avoc ta ac'obic ti muc'tiquil lumetic ti Diose, ja' me jech xapasic scotol jech c'u cha'al yaloj ono'ox ti mantale.

Deuteronomio 7:16

Ja'uc ti vo'oxuc une, tsots sc'oplal, tubic ta j'ech'el scotol ti yajval lumetic ti ta xac'boxuc ta avoc ta ac'obic ti Ajvalil Dios avu'unique, ti mu ja'uc jutebuc xc'uxubaj avo'ntonic yu'une, ti mu ja'uc xanijan xachiman abaic ta yich'el ta muc' ti sdiosique. Ti mi jech taje, yu'un ja' ach'ayobilic ta be yu'un.

Deuteronomio 7:2

C'alal mi laj xa yac'boxuc ta avoc ta ac'obic lum ti Ajvalil Dios avu'unic ti tsalbil xc'ot avu'unique, c'otuc ta pasel avu'unic ti tubbeic ti sts'unubal ta j'ech'ele. Mi ja'uc xavac' atrateic xchi'uc. Mi ja'uc xc'uxubaj avo'ntonic yu'unic.

Josué 9:7

Ti israeletique xi laj stac'beic ti heveoetique: —Ati mi li' no'ox nacaloxuc une, ti mi nopol xquil jbatic une, ¿mi yu'un xavac'touc ta stac' ta jpascutic trate xchi'uc ti vo'oxuque?

Jueces 6:10

Yu'un laj ono'ox calboxuc ava'iic ti vu'un ti Ajvalilune, ti Diosun avu'unique, ti mu xaxi'ic yu'un sdiosic ti amorreoetic li' ta banomil ti bu nacaloxuc avi tanae. Ja' no'ox un, mi ja'uc laj avich'beicun ta muc'.’ ”

Jueces 8:27

Ta sventa ti oro taje, ti Gedeone laj yac'be o ta xnichimal ti jayal saquil c'u'il ti laj yac' ta meltsanele, ti lic yac' ta Ofra ta slumal stuque. Lic yanijuc yo'ntonic scotol israeletic ta stojol Dios ta scoj ti laj yich' nichimtasel ti jayal saquil c'u'ile. Lic joybijuc ta spets'al ti Gedeón xchi'uc ti yalab xnich'nabe.