Éxodo 34:11 - Bible in Tzotzil de Chamula

¹¹ “C'otuc me ta pasel avu'unic ti va'i s'elan laj calboxuc ava'iic li'e. Ja' yu'un un, ta aba ta asatic ta jten loq'uel ti amorreoetique, ti cananeoetique, ti hititaetique, ti ferezeoetique, xchi'uc ti jebuseoetique.

Bible in Tzotzil de Chenalhó with Deuterocanon

¹¹ “Ch'unic me li c'usi chacalboxuc ava'yic li' ta orae. Vu'un ta jnuts loq'uel ta atojolic li amorretic, li canaanetic, li hetetic, li ferezetic, li hevetic, xchi'uc li jebusetique.

Éxodo 34:11 Iomraidhean Croise

1 Crónicas 1:14

Ta stojolal ti Canaane, lic talel sts'unubalic ti jebuseoetique, ti amorreoetique, ti gergeseoetique, ti heveoetique, ti araceoetique, ti sineoetique, ti arvadeoetique, ti zemareoetique, xchi'uc ti hamateoetique.

Nehemías 13:23

Laj quil xtoc ti yorail taje, oy jlom judaetic yic'ojic jyanlum antsetic ti liquemic talel ta Asdode, ta Amone, xchi'uc ta Moabe.

Éxodo 23:28

Yu'un ta xc'ot ta pasel cu'un ti bu ta xa'ech'e, ta xcac'beic ya'iic xi'el. Ja' jech ta xjatavic batel avu'unic ti heveoetique, ti hititaetique, xchi'uc ti cananeoetique.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 33:2

Ta jtac talel ti caj'ánjele yo' jech ta xayic'oxuc batel. Ta jten loq'uel xtoc ta slumalic ti cananeoetique, ti amorreoetique, ti hititaetique, ti ferezeoetique, ti heveoetique, xchi'uc ti jebuseoetique.

Éxodo 8:27

Jech o xal tsots sc'oplal ta xibatcutic c'alal to sbajtical banomil ti ja' yich'oj oxib c'ac'al sbelele. Yu'un tey to c'alal chbat cac'becutic smoton ti Dios cu'uncutique co'ol jech c'u cha'al laj yalbuncutique.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

San Juan 14:21

Ti buch'u ta xac' ta venta ti jmantale, ti ta xc'ot ta pasel yu'une, ta xac' ta ilel ti j'ech'el c'ux ta xiya'ie. C'ux ta x'a'yie yu'un ti Jtot ti buch'u c'ux ta xiya'ie, c'ux ta xca'i ti vu'un eque, xchi'uc ta xcac' jba iluc ta stojol —xi ti Jesuse.

Deuteronomio 12:28

“Chiquintao ava'iic lec, c'otuc me ta pasel avu'unic ti va'i s'elan laj xa calboxuc ava'iique yo' jech lec ta xbat ac'oplalic xchi'uc ti avalab anich'nabic sbatel osile. Ti jech ta xich' pasel ti c'usi jun yutsil ta q'uelele, jun yutsil ta xil ta sba ta sat ti Ajvalil Dios avu'unique.

Deuteronomio 12:32

“Lic abtelanic ta spasel scotol ti va'i s'elan laj calboxuc ava'iique. Mi ja'uc xavepaltasic. Mi ja'uc xach'ayic jutebuc ti c'u yepal albil ono'oxe.

Deuteronomio 28:1

“Mi ta melel teq'uel ta xc'ot ta avo'nton ta xch'unel ti c'usi ta sc'an ti Ajvalil Dios avu'une, ti ta xlic avabtelan ta spasel scotol ti smantaltac ti laj calbot ava'iic tana li'e, va'i unbi, ich'bilot ta muc' ta xac'ot yu'un scotol ti jnaclejetic ta banomil yu'un ti Dios avu'une, ja' mu sta ti stuquique.

Deuteronomio 33:27

Ti cuxul Dios sbatel osile, ja' apojobbail. Yu'un ja' aquicleb ti smuc'ul stsatsal sbatel osile, ti ta aba ta asat laj sjatviltas ech'el ti avajcontrae, ti laj yalbot mantal ti ac'o atsutsesbe sc'oplal ta j'ech'ele.

Deuteronomio 4:40

Ch'unbeic ti jbel ti c'usi tsots albil sc'oplale, xchi'uc ti smantaltac ti ta xcac' ana'ic ti c'ac'al avi tana li'e. Jech lec ta xc'ot ta atojolic xchi'uc ti anitilulique, ti ta xnatij ach'iel ac'opojelic ta lum ti bu ta xayac'boxuc ta j'ech'el ti Ajvalil Dios avu'unique.”

Deuteronomio 5:32

Ja' yu'un un cha'e, abtelanic ta spasel scotol ti c'u s'elan laj yalboxuc ava'iic smantal ti Ajvalil Dios avu'unique. Mi ja'uc xach'ac abaic jset'uc ta stojol.

Deuteronomio 6:25

Ja' yu'un un, toj jtunel cu'uncutic ti vo'otic ta stuc'ulanel lec ti c'otuc ta pasel cu'untic ti mantaletic ta sba ta sat ti Ajvalil Dios cu'untic jech c'u cha'al yaloj ono'oxe.’

Deuteronomio 6:3

Ja' yu'un un cha'e, israeletic, lic abtelanic ta spasel. Ja' to jech lec ta xc'ot ta atojolic. Jech ta xac'otic ta jun muc' ta lum ta banomil ti bu co'ol s'elan vo' ta xbein ti chu' vacaxe xchi'uc ti ajapome jech c'u cha'al laj ono'ox yal ti Ajvalil Dios ta stojol ti amolmuc'totic ti laj ech'icuc ta vo'nee.

Deuteronomio 7:19

Ja'uc me taluc ta ajolic ta snopel ti c'u s'elan laj avilic ta aba ta asatic ti muc'tic no'ox ti c'usitic laj vinajuque, ti ch'ayal ta xc'ot o'ntonal yu'une, ti laj slaman talel ti smuc'ul stsatsal ti Dios ti c'alal laj sloq'uesoxuc talel ta Egiptoe. Yu'un ja' ono'ox ta spas ti Dios ta stojol scotol ti lumetic ta xaxi'ic yu'une.

Josué 23:5

Ti buch'utic nacalic ta banomiletic taje, scotolic ta xtenatic loq'uel yu'un ti Diose. U'ninic me un jech c'u cha'al yaloj ono'ox ti Ajvalil Dios avu'unique.