Éxodo 34:10 - Bible in Tzotzil de Chamula

¹⁰ Ti Diose xi laj yale: “Xi s'elan ts'etano lec achiquinic ta ya'yiele: Avi tana li' une, ta jpas jun trate xchi'uc scotol ti achi'iltaque. Yu'un ta xlic cac' iluc ti ch'ayal o'ntonal ta xc'ot yu'un ti mu'yuc to bu oy c'otem ta jujun lum ti oy ta banomile. Yu'un ta scotol ti jnaclejetique xchi'uc ti c'u avepalic li' oyoxuque, ta xavil ta aba ta asatic ti ch'ayal ta xc'ot o'ntonal yu'un c'usitic ta spas ti Dios ta atojolique.

Bible in Tzotzil de Chenalhó with Deuterocanon

¹⁰ Li Muc'ul Diose jech laj yal: “A'yo ava'ay: oy c'usi ta jchapan ta stojol scotol li achi'iltaque. Ta xcac' ta ilel xch'ayubil o'ntonal ti mu'yuc ono'ox boch'o jech spas ta yantic lumetic ta sbejel li banamile. Scotol li cristianoetic yo' bu chabatique ta xilic ec li cabtel ta jpas, vu'un li Muc'ul Diosune, yu'un toj tsots li c'usi ta jpase.

Éxodo 34:10 Iomraidhean Croise

2 Samuel 7:23

Ja'uc ec ti Israel ti ja' anich'nabe, ¡mu'yuc xa yan xco'olaj jech c'u cha'al ti stuquique! ¡Yu'un c'ajomal no'ox stuc muc' ta lum oy ta banomil! Yu'un vo'ot laj atic' aba ta spojel scoltael, Dios, ti c'ot ta alumale, ti cajal c'ot sc'oplal avu'un ta sventa ti oy c'usi muc'tic laj apas ti ch'ayal c'ot o'ntonal yu'une. Laj yil ta sba ta satic ti avalab anich'nabe ti tenbil c'ot ti jyanlumetic xchi'uc ti diosetic yu'unic ti laj atic' aba ta spojel scoltael ti oyic ta Egiptoe.

Salmos 106:22

ti ch'ayal no'ox ta xc'ot o'ntonal yu'un laj yac' iluc ta yosilal Came, xchi'uc ti mu'yuc to ox vinajem o ti c'usitic laj spas ta Tsajal Nabe.

Salmos 136:4

Colaval, utic ti Buch'u c'ajomal no'ox stuc ti oy c'usitic muc'tic ta xc'ot ta pasel ti ch'ayal ta xc'ot o'ntonal yu'une, yu'un sbatel osil oy syail xc'uxul yo'nton.

Salmos 145:6

Ta xich' albel sc'oplal ti c'usitic muc'tic xi'bal sba ta xapase, ta xcalbe sc'oplal ec un ti amuc'ul atsatsale.

Salmos 147:20

Mu jechuc laj spasbe ti yan muc'tiquil lume; j'ech'el mu'yuc bu laj sna'ic yu'un ti c'usitic albil yu'une. Jun yutsil ta j'ech'el ma' ti Dios une.

Salmos 65:5

Jcoltavanej Dios cu'uncutic, ch'ayal no'ox ta xc'ot o'ntonal ti c'u s'elan ta xatac'buncutic talel c'alal ta xatic' aba ta jpojelcutique. Scotol banomil spatoj yo'ntonic ta atojol, xchi'uc ti buch'utic oyic ta jot to nabe.

Salmos 66:3

Xi xavalbeic ti Diose: “Jun yutsil ti avabtele. Alunebic xa ta xyalic ta lum ti avajcontratac ta sventa ti amuc'ul atsatsale.

Salmos 66:5

La' q'uelo avilic yabtel ti Diose, ti xi s'elan laj spas ta stojol ti jnaclejetique:

Salmos 68:35

Jun yutsil ta j'ech'el ti Dios ta xch'ulnae; ti Dios yu'un Israele ta xac'be yip smuc'ul stsatsal ti steclumale. Lequil-c'optabiluc ta j'ech'el ti Dios une.

Salmos 72:18

Lequil c'optabiluc ta j'ech'el ti Diose, ti Ajvalil Dios yu'un ti Israele, ti stuc no'ox oy c'usitic muc'tic ta xc'ot ta pasel yu'une.

Salmos 76:12

Yu'un sbainoj ta xtuch'bel xcuxlej ti its'inal ajvaliletique, xchi'uc ta yac'bel xi'el ti ajvaliletic ta banomile.

Salmos 77:14

Vo'ot no'ox Diosot ti ch'ayal ta xc'ot o'ntonal yu'un ti c'usi ta xapase. Laj avac' ta ojtiquinel amuc'ul atsatsal ta stojol ti muc'tiquil lume.

Salmos 78:12

Xi s'elan ac'bat yilic ti stot sme'ic ti ch'ayal ta xc'ot o'ntonal yu'un Dios c'alal oyic ta stuq'uil Zoán ti oy ta Egiptoe:

Éxodo 34:27

Ti Moisese, xi albat yu'un ti Diose: “Ts'ibao ti c'opetic taje, yu'un ja' yip ti trate ta jpas ta atojol xchi'uc ti israeletique.”

Éxodo 34:28

Ti bu taje, cha'vinic c'ac'al xchi'uc cha'vinic ac'ubal, com xchi'uc Dios ti Moisese. Mi ja'uc ve' yuch' vo' jutebuc. Ti bu taje, tey lic sts'iba ta pech-pech ton c'opetic yu'un ti tratee, ti xcaltique, ja' ti lajuneb ti oy c'usi tsots sc'oplal albile.

Isaías 64:3

Ti c'alal xi'bal sba c'ot ta pasel avu'un ti mi ja'uc jna'cutic jset'uc ti jech ta xc'ot ta jtojolcutique, ti c'alal layal talele, laj nicuc ti vitsetic avu'une.

Jeremías 32:21

Ti amuc'ul atsatsale, laj alamanbe ta sbaic ti muc' ta lum Egipto c'alal laj aloq'ues talel ti ateclumal Israele. Laj avac' ta ilel ti ch'ayal ta xc'ot o'ntonal yu'une, xchi'uc senyailetic ti scotolic bat xch'ulelic ta xi'el avu'une.

Miqueas 7:15

Ac'bo yilic ti c'usi ch'ayal ta xc'ot o'ntonal yu'une, jech c'u cha'al laj apas ta sc'ac'alil ti laj aloq'ues talel ta lum Egiptoe.

Deuteronomio 10:21

Ti stuque, ja' Dios avu'unic ti xc'ot o lequil c'optabil avu'unic ta sventa ti muc'tic c'usitic ch'ayal o'ntonal laj c'otuc ta pasel yu'un laj avilique.

Deuteronomio 32:30

¿C'uxi laj yutic ti ta jun no'ox vinic laj sjatviltas ech'el jmil ta vo'e? ¿C'uxi laj yutic ti ta cha'vo' no'ox vinic laj sjatbiltas ech'el lajunmil ta vo'e? Taje, ja' no'ox ta sventa ti Dios ti ja' jpojvanej yu'unique, ti c'ot ta nopel yu'un ti ta x'aq'ueic ta yoc ta sc'obic ti yajcontraique.

Deuteronomio 4:13

Va'i un, ti Diose laj yac'boxuc ana'ic ti stratee, ja' sc'oplal ti lajuneb mantal ti laj sts'iba ta chib pech-pech ton ti laj yalboxuc ava'iic ti ac'o avabtelanic ta spasele.

Deuteronomio 9:19

Ja'uc ti vu'une, batem xa jch'ulel ta xi'el ti c'alal laj yac' iluc ta atojolic ti ilinem xchi'uc sc'ac'al yo'nton ti Diose, ti jbel xa yo'nton ta xastsutsesoxuque. Ja'uc le' une, laj to ya'ibun yan velta jc'op ti Diose.

Josué 6:20

Avanic ti jteclume. Xtutet no'ox liquel ti oq'uese. C'alal laj ya'iic yech'omal oq'ues ti israeletique, lic avanicuc ti bu xa c'alal xu' yu'unique. Jech ti smocal ti jteclume, jin yalel. Va'i un, tuc' xvoletic ochel ta anil ti ta jteclume, laj yu'ninic.