Éxodo 33:5 - Bible in Tzotzil de Chamula

⁵ Yu'un ti Diose xi ono'ox laj yalbe ya'i ti Moisese: —Xi xavalbe ya'i ti israeletique: “Ti vo'oxuque, toyobba jteclumoxuc. Yu'un xu' ta jtub ats'unubalic ti mi ta jchi'inoxuc uni jliqueluque. Loq'uesic ta ora no'ox ti c'usitic c'upil sba alapojique. Ta jq'uel quil c'usi xu' ta jpas ta atojolic.”

Bible in Tzotzil de Chenalhó with Deuterocanon

⁵ Yu'un li Muc'ul Diose jech laj yalbe li Moisese: —Jech xavalbe li achi'iltaque: ‘Li vo'oxuque ven jtoyba cristianooxuc. ¡Me chtal jchi'inoxuc jliqueluque, ta ora ta xculesoxuc acotolic! Loq'uesic ta ora li c'usitic c'upilic sba avac'oj ta abec'talique; te ta jnop c'usi ta jpasboxuc’, uto —x'utat li Moisese.

Éxodo 33:5 Iomraidhean Croise

Génesis 18:21

Ja' yu'un avie, ta xibat yo' jech chbat jq'uel mi melel tsots ti smulic jech c'u cha'al li'albate, ja' to jech ta jch'un.

Génesis 22:12

Ti ánjele xi laj yale: —Mu xayales ac'ob ta stojol ti quereme. Yu'un laj xa quil ti axi'taoj ti Diose. Yu'un mu'yuc laj ajalta ta yac'belun ti c'ajomal yo jun ti aquereme.

Job 34:20

Ta jliquel no'ox, ta syijil ac'ubal, xu' xcham ti viniquetique; xvochvun ti jnaclejetique, ta jliquel no'ox, ch'ab xi ech'el; mu tsotsuc sc'oplal oy buch'u ta x'abolaj ti ch'ab xi sc'oplal yu'un ti tsatsal vinique.

Salmos 139:23

Ch'ul Dios, tuc'ulanun lec ti c'u j'elane, ojtiquino avil ti co'ntone; q'uelbun avil ti co'ntone, ojtiquinbun avil ti snopobiltac cu'une.

Salmos 73:19

Mu xa ta sjaliluc ta xc'otic ta tsutsel. Ta xi'el no'ox xbat o xchi'uquic.

Éxodo 32:9

Ma'uc no'ox taje, yu'un ti Diose xi to laj yalbe ti Moisese: —Laj xa jtuc'ulan lec ti jteclum li'e. Laj xa cojtiquin lec ti pucujibemic xa xchi'uc ti xpochanilique.

Éxodo 33:6

Va'i un, ta Horeb no'ox, lic yicta sbaic ta slapel ti c'usitic jun yutsiquil oy yu'unic ti israeletique.

Isaías 22:12

Ti jech sc'ac'alil taje, ti Dios ti scotol xu' yu'une, laj staoxuc ta iq'uel ta yoq'uitael abaic, ta svulel avo'ntonic, ta sloq'uel stsotsil ajolic, ta slapel lajemal c'u'il yo' jech ta xvinaj mu x'ech' xjelav ti avocolic ava'iicuque.

Isaías 48:4

Jna'oj xa ono'ox ti mu xava'ibe xchiquinale, ti tsots ta j'ech'el avo'nton jech c'u cha'al ti tsatsal taq'uine, ti mu stac' ca'el puxel jech c'u cha'al ti c'anal taq'uine.

Lamentaciones 4:6

Smul scolo' ti muc' ta lum yu'un ti jteclumale, jc'ol to mu sta smul scolo'ic ti Sodomae, ti ta jech to yepal ta jliquel lilijem com ti mu'yuc buch'u tsacun ta leto yu'une.

Joel 2:12

Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Números 16:21

—¡Q'uejo abaic loq'uel ta stojol ti jteclum li'e, yu'un ta jliquel no'ox ta jtsutsesbeic sc'oplalic!

Hechos 7:51

Xi to laj yalilan ti Estebane: —Ja'uc ti vo'oxuque staoj yav mu'yuc ach'ulelic, mu xava'ibeic xchiquinal, pucujineb ti avo'ntonique. Avac'ojbeic yipal ta scontrainel ti Ch'ul Espíritu jech c'u cha'al laj spasic ti jmolmuc'totique.

Deuteronomio 8:2

Mu me xch'ay xava'iic scotol ti bu c'alal la'ech'ic ta xanubal yu'un ti Ajvalil Dios avu'unic ti cha'vinic (40) jabil ta sbajtical banomile, yo' jech yamal no'ox c'ot ac'oplalic yu'un xchi'uc ta sq'uelel avo'ntonic, yo' jech ta xojtiquin c'u s'elan snopobil avu'unique, xchi'uc ta sna'el mi ta xc'ot ta pasel avu'unic ti smantaltaque, mi mu'yuc.