Éxodo 33:4 - Bible in Tzotzil de Chamula

⁴ Ti israeletique ochic ta at o'ntonal ti c'alal laj ya'iic ti va'i s'elan tsots albatic ti c'ope. Mu'yuc xa buch'u laj sc'upiltas sba ta slapel ti c'usi x'ayan yu'unique.

Bible in Tzotzil de Chenalhó with Deuterocanon

⁴ Li israeletique lic yat yo'ntonic ta sventa ti jech i'albatic yu'un Muc'ul Diose, jech mu'yuc xa laj yac' ta sbec'talic li c'usitic c'upilic sbae.

Éxodo 33:4 Iomraidhean Croise

2 Samuel 19:24

Ja' jech xtoc bat snup ta be ti Mefi-bosete, xnich'on ti Saule. Ti sc'ac'alil ti c'alal loc' ech'el ti ajvalile, ti c'alal lec sut ech'ele, mu'yuc c'usi laj spas. Mi ja'uc oy bu spocoj ti yacane. Mi ja'uc oy bu xch'uloj ti yisime. Mi ja'uc oy bu xchuc'oj sc'u' ti Mefi-bosete.

1 Reyes 21:27

C'alal laj ya'i ti Acab scotol ti va'i s'elan taje, lic xch'i' ta jatel ti sc'u'e. Lajemic xa lic slap ti sc'u'e. Laj yicta yot. Ja' jech ta xvay xchi'uc ti sc'u'e, ti xvulvun ta xa'i ti yo'nton yu'une.

2 Reyes 19:1

C'alal laj ya'i ti ajvalil Ezequías ti va'i s'elan taje, laj xch'i' ta jatel ti sc'u'e. Jatantic xa ti c'u'il laj slapic ech'el svinajeb ti mu x'ech' xjelav ta xa'i ti svocole. Bat ta xch'ulna ti Diose.

Esdras 9:3

C'alal laj ca'i ti va'i s'elan ti c'ope, lic jch'i' ta jatel ti jc'u'e. Laj jots ta bulel ti stsotsil jole, ti quisime, svinajeb ti mu x'ech' ti yipal xc'uxul laj ca'i yu'une. Juteb xa tsacal com ti co'nton yu'un ti laj jchotan jbae.

Job 1:20

Ti Job une lic va'iuc. Xtuch'et yo'nton laj ya'i. Mu'yuc xa c'usi x'ech' o ta xa'i ti lic xch'i' ta jatel ti sc'u'e. Laj xch'ul loq'uel ti tsotsil sjole ti snupilan xa banomil laj spatan sba ta lumtique.

Job 2:12

Xi to snatil laj staic ta ilel ti Jobe. Ti laj to yojtiquinic jutuc ti ja'e, x'oc' x'avanic xa liquel. Mu x'ech' ta xa'i ti svocolic lic xch'i' ta jatel ti sc'u'ique. Lic svajic pucuc ta sjolic.

Éxodo 33:6

Va'i un, ta Horeb no'ox, lic yicta sbaic ta slapel ti c'usitic jun yutsiquil oy yu'unic ti israeletique.

Isaías 32:11

Ti vo'oxuc ti lec no'ox ta xava'iic ti mu xana' xavich' abaic ta c'ac'ale, a'yibeic xi'elal jutuc. Ti vo'oxuc ti atuc no'ox cuxuloxuc ta xava'i abaique, c'otuc ta avo'ntonic ti mu'yuc c'usi xu' yu'un ti lum ach'ele. Loq'uic ti ac'u'ic ti vi yelanile. Lapic lajemal c'u'il svinajeb ti mu x'ech' xnel ti avocolique.

Ezequiel 24:17

Avo'ntonuc no'ox ti mu x'ech' ta xava'i ti vocole. Mu xachabi sme'unalil jech c'u cha'al ta spas yan ti buch'u ta xcham yu'une. Ma'ucuc ti ch'abal sts'ot ajole, ti ch'abal xa axonob ta xaxanave, ti amacoj xa asat ta scoj sme'unalile, ti xave' pan sventa taje.”

Ezequiel 24:23

Oy no'ox sts'ot ti ajole. Alapoj no'ox ti axonobe. Nom to ta xc'ot ti me'unale, ti oq'uel avanele. Ta scoj ti mu stac' albel sc'oplal ti c'usi laj apasic une, ta xlaj yipal avu'unic, xaq'uel-q'uelbe aba asatic ta xcha'na'el un.

Ezequiel 26:16

Scotol ti ajvaliletic oyic ta ti' nabe, ta xyalic talel bu chotolic ta spasob mantalique. Loc' xutic ti smochib c'u'ique, xchi'uc ti sc'u'ic luchbil leque. Batem xa xch'ulelic ta xchotan sbaic ta lumtic. Xnicnun xa batem xa xch'ulel ta xi'el ti laj sq'uel c'u s'elan c'ot ta atojole.

Oseas 7:14

Ac'o mi x'avetic xa c'alal puch'ulic ta stemique, mi ja'uc loq'uem ayanem lec ta yo'ntonic ti ta xc'opoj xti'inique. Yo' ta sc'anic ti trigoe xchi'uc ti vinoe, ta syayijes sbaic. Ja' no'ox ta stoy sbaic ta jtojol.

Levítico 10:6

Va'i un, ti Moisese xi laj yalbe ti Aarone xchi'uc ti xnich'nabe, ja'ic ti Eleazare xchi'uc ti Itamare: —Mu me xapasic ti xch'ebuj ajolic yu'une, ti xach'i'ic xa ta jatel ac'u'ic ta yaq'uel ta ilel ti oyoxuc ta me'unale, naca mi xachamic ec, xu' me ta sloq'ues sc'ac'al yo'nton ti Dios ta stojol ti jteclume. Ja'uc no'ox ti avinquilelique xchi'uc scotol ti israeletique, oyicuc ta vul o'nton yu'un ta scoj ti laj stiles c'oc' ta sc'ac'al yo'nton ti Diose.

Jonás 3:6

C'alal c'ot ta stojol ti lo'il a'yeje, ti ajvalil yu'un ti jteclum Nínivee laj yicta comel ti bu chotol ta spas mantale. Laj sloc' ti sc'u' ti slapoj to ox sventa ajvalilale. Lic slap lajemal c'u'il ec. Lic xchotan sba ta lumtic xtoc.

Zacarías 7:3

Xi bat sjaq'uic ta stojol ti j'alc'opetique, xchi'uc ta stojol ti paleetic ti oyic ta xch'ulna ti Dios ti scotol xu' yu'une: “¿Mi jech ta xicomcutic o ti ta xcac'cutic ta ilel ti oyuncutic ta vul o'nton yu'un ti comtsanej vaj ti c'alal ta sta ti yo'obal (5) u yu'un ti jujun jabil jech c'u cha'al liquem talele?”

Zacarías 7:5

“Xi xavalbe ya'i scotol ti jteclumetic yu'un ti muc' ta lume, xchi'uc ti paleetique: ‘Yu'un ti vo'oxuque, le' xa talel ta slajunebal xchanvinic (70) jabil aliquelic talel ti ta xacomtsan avotic ti ta xavaq'uic ta ilel ti oyoxuc ta vul o'nton ti c'alal ta sta ti jujun vo'ob (5) ue, xchi'uc ti jujun vucub (7) u yu'un ti jujun jabile. C'u stu un, ma'uc quich'el ta muc' avu'unic ti jech ta xapasique.

Números 14:1

Va'i un, ti israeletique xvochetic liquel, ti x'oc'lajetic ech' yu'unic ti ac'ubaltic taje.

Números 14:39

C'alal chapbatic yu'un Moisés ti israeletic ti oy c'usi albil yu'un ti Diose, scotolic ochic ta at-o'nton xchi'uquic.

1 Samuel 6:19

Ja'uc ti jnaclejetic ta Bet-semese, ti buch'utic xvechetic ta sq'uelel ti c'usitic tiq'uil ta yut caxae, oy jlom tubbat sc'oplalic yu'un ti Diose. Yu'un chamic lajuneb xchanvinic (70) ta vo' viniquetic. Lic oq'uicuc ti jteclum ta scoj ti c'ot ta stojolic yu'un Dios ti ep cham ti xchi'ilique.