Éxodo 33:3 - Bible in Tzotzil de Chamula

³ Batanic ta banomil ti bu co'ol s'elan vo' ta xbein ti chu' vacaxe, ti ajapome. Ja' no'ox un, mu teyuc ta xajchi'inoxuc batel, naca mi jtub ats'unubalic ta be, yu'un toyobba jteclumoxuc ta xquil.

Bible in Tzotzil de Chenalhó with Deuterocanon

³ Batanic te ta banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Li vu'une mu'yuc chajchi'inoxuc batel yu'un naca me te xculesoxuc ta be, yu'un ven jtoyba cristianooxuc —xut.

Éxodo 33:3 Iomraidhean Croise

2 Reyes 17:14

Ja'uc le' une, mu'yuc laj yaq'uic ta venta toj pochan xa'i sbaic jech c'u cha'al ech' ti smuc'tot syayaique. C'ot ta pasel ti mu'yuc xa stu laj ya'iic ti Ajvalil Dios yu'unique.

Salmos 78:8

yo' mu jechuc spasic ec un jech c'u cha'al ti stot sme'ic ti pimunebique, ti toyobba xa'i sbaique, ti xtal xbat no'ox ti yo'ntonique, ti mu'yuc xchi'uc xch'ulel xa'i sbaique, ti jvoc' totil me'il ti mu lecuc jun sjol yo'ntonic laj ech'icuc ta stojol ti Diose.

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 32:14

Jech ti Diose laj xch'ay ta yo'nton ti jech snopoj xa ox ti ta xch'aybe sts'unubal ti yalab xnich'nabe.

Éxodo 33:5

Yu'un ti Diose xi ono'ox laj yalbe ya'i ti Moisese: —Xi xavalbe ya'i ti israeletique: “Ti vo'oxuque, toyobba jteclumoxuc. Yu'un xu' ta jtub ats'unubalic ti mi ta jchi'inoxuc uni jliqueluque. Loq'uesic ta ora no'ox ti c'usitic c'upil sba alapojique. Ta jq'uel quil c'usi xu' ta jpas ta atojolic.”

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 48:4

Jna'oj xa ono'ox ti mu xava'ibe xchiquinale, ti tsots ta j'ech'el avo'nton jech c'u cha'al ti tsatsal taq'uine, ti mu stac' ca'el puxel jech c'u cha'al ti c'anal taq'uine.

Jeremías 11:5

Mi ta xavac'beicun ta ventae, ta xc'ot ta pasel cu'un ec ti jtrate ti laj jva'an jba ta yalel ti ta xcac'beic banomil ti atot ame'ic ta vo'nee, banomil ti bu avich'ojic tana le'e, ti bu co'ol s'elan vo' xbein no'ox ti chu' vacaxe xchi'uc ti ajapome.” Xichi laj jtac' ec une: “Jechuc, Cajval.”

Ezequiel 20:6

Ti jech c'ac'al taje, laj jva'an jba ta yalbel ya'iic ti ta jloq'uesic balel ta Egiptoe, ta yiq'uelic ech'el ta jun muc' ta lum ti laj jsa'ilan bu co'ol s'elan vo' ta xbein ti chu' vacaxe, ti ajapome, ¡ti stuc xa no'ox muc' ta lum c'upil sba ta scotole!

Levítico 20:24

Ta xcac' que jti' ti vo'oxuc ta xac'otic ta yajval ti slumalique. Yu'un ta jva'an jba jtuc ti ta xcac'boxuc ti jteclum taje, ti bu co'ol s'elan vo' ta xbein ti chu' vacaxe, ti ajapome. “Yu'un vu'un ti Ajvalil Diosun avu'unique, ti ch'acbiloxuc cu'un xchi'uc ti yan lumetique.

Jonás 3:10

Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

Jonás 3:4

Och batel ta jteclum ti Jonase, ti jun c'ac'al xanav ti xi lic ta yalilanele: “Ti li' ta cha'vinic c'ac'ale, ta xlilij ti jteclum Nínive li'e.”

Números 13:27

Xi laj yalbeic ti Moisese: —Li'aycutic ta banomil ti bu laj atacuncutic batele. Ta melel, ja' jun banomil ti bu co'ol s'elan vo' ta xbein ti chu' vacaxe, ti ajapome. Q'uelo avil ti sat te'etic ti ta xac' ti banomil li'e.

Números 14:12

Ta xcac' taluc jtsutsesvanej chamel ta stojolic yo' jech ta xmacatic ta be ta yu'ninel ti banomil taje. Yan ti vo'ote ta xa'epajic cu'un yo' jech ta xac'otic ta jun muc' ta jteclum ti x'ech' to xu' avu'unique, ti ja' mu sta ti stuquique.

Números 14:8

Mi ta spas ti cajal ta xc'ot jc'oplaltic yu'un ti Diose, ta xiscoltaotic c'u s'elan xu' ta xij'och batel ta banomil ti bu ta xijyac'botique. Ti bu taje, ja' jun jteclum ti co'ol s'elan vo' ta xbein ti chu' vacaxe, ti ajapome.

Números 16:13

¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Números 16:21

—¡Q'uejo abaic loq'uel ta stojol ti jteclum li'e, yu'un ta jliquel no'ox ta jtsutsesbeic sc'oplalic!

Números 16:45

—¡Q'uejo abaic loq'uel ta stojol ti jnaclejetic li'e, yu'un ta jliquel no'ox ta jtsutsesbe sc'oplalic! Jech ti Moisese xchi'uc ti Aarone snupilan xa banomil laj spatan sbaic ta lumtic.

Hechos 7:51

Xi to laj yalilan ti Estebane: —Ja'uc ti vo'oxuque staoj yav mu'yuc ach'ulelic, mu xava'ibeic xchiquinal, pucujineb ti avo'ntonique. Avac'ojbeic yipal ta scontrainel ti Ch'ul Espíritu jech c'u cha'al laj spasic ti jmolmuc'totique.

Deuteronomio 4:24

Yu'un ti Ajvalil Dios avu'unique, ja' jun Dios ti mu sc'an ta xavac' abaic ta stojol yan. ¡Ja' jun c'oc' ti xlilij yu'un scotole!

Josué 5:6

C'alal xanav cha'vinic (40) jabil ti israeletic ta sbajtical banomile, cham xa ox scotol ti viniquetic ti xu' xa x'ochic ta soldadoil ti c'alal loq'uic talel ta Egiptoe. Yu'un ti viniquetic taje mu'yuc laj snijan sbaic ta stojol ti Diose, ti laj sva'an sba ta yalel ti mu ja'uc junuc xu' ta xbat sq'uelic ti banomil ti albilic ti ta x'ac'batic ti smolmuc'totique, ta banomil ti bu co'ol s'elan vo' ta xbein ti chu' vacaxe, ti ajapome.

1 Samuel 2:30

Ja'uc le' un cha'e, ti Ajvalil ti ja' Dios yu'un ti Israele, ti laj yal ti ta xatunic o xchi'uc ti avalab anich'nabe, avi tana un, xi ta xal ta jamale: ‘Mu xcac' que jti' ti jech le'e. Ta xcac' ta ich'el ta muc' ti buch'u ta xiyac'un ta ich'el ta muq'ue. Ta xcac' ta q'uexlal ti buch'u ta xisoquesbeicun ti jc'oplale. Ti vu'un Ajvalilune mu me lo'iluc no'ox ta xcal.