Éxodo 33:12 - Bible in Tzotzil de Chamula

¹² Ti Moisese xi laj yalbe ti Diose: —A'yio ava'i, ta xac'an ti vu'un ta xquic' batel ti israeletique. Ja' no'ox un, q'uel avil un, mu'yuc avalojbun ti buch'u ta xavac'bun batel jchi'ine. Ja' jech xtoc ta xaval ti jun avo'nton ta jtojole, ti lec xavilune.

Bible in Tzotzil de Chenalhó with Deuterocanon

¹² Li Moisese jech laj yalbe li Muc'ul Diose: —Q'uelavil, laj avalbun ti vu'un ta xquic' batel li jchi'iltaque, pero mu'yuc xavalbun ca'ay boch'o chavac' jchi'in batel. Jech noxtoc avaloj ti apatoj avo'nton cu'une, xchi'uc ti lec chavilune.

Éxodo 33:12 Iomraidhean Croise

Génesis 18:19

Ti stuque, laj xa jt'uj yo' jech ta xchanubtas ti xnich'nabtaque, xchi'uc ti snitilultaque, ac'o xch'unic c'u s'elan ti chanubtasel ta xcale, ti lecuc tuc'uc scotol c'usi ta spasique, yo' jech ta xc'ot ta pasel cu'un ti c'usi caloje.”

2 Samuel 15:25

Ja'uc ti ajvalile xi laj yalbe ti Sadoque: —Ich'o sutel ti xcaxa Dios ta lume. Mi ta stic' sba ta jtojol ti Diose, ta xc'ot ta pasel yu'un ti ta xisut talele. Ta xquil ti xcaxa ta yavil ti bu ac'bile.

Salmos 1:6

Ti buch'utic xa'ibe sni' xchiquinale, chabibil yu'un Dios ta sbe xaneb; yan ti bu stamojic batel ti buch'u mu'yuc xch'ulel xa'i sbaique, ch'ayel xal o.

Éxodo 3:10

Jech o xal, tamo batel abe, yu'un ta jtacot batel ta stojol ti faraone yo' jech ta xaloq'ues talel ta Egipto ti calab jnich'nab israeletique.

Éxodo 3:4

C'alal laj yil Dios ta xnopaj batel ti Moisés ta sq'uelele, xi biiltasat talel bu oy ti ch'ixe: —¡Moisés! ¡Moisés! —¿C'usi ta xaval? —xi laj stac' ti Moisese.

Éxodo 32:34

Ja' yu'un un, batan, ic'o batel ti jteclum ti bu calojbote. Yu'un ti caj'ánjele, ja' j'ic'vanej ta xbat avu'un. C'alal ta sta sc'ac'alil ti castigoe, ta xcac'be stoj ti smulique.

Éxodo 33:1

Ti Diose xi laj yalbe ti Moisese: —Tamo batel abe. Loc'an batel xchi'uc ti israeletic ti laj aloq'ues talel ta Egiptoe. Batanic ta banomil ti bu calojbe ya'iic ti Abrahame, ti Isaaque, ti Jacobe, ti caloj ti ta xcac'be ti snitilulique.

Éxodo 33:17

Xi laj yal ta jamal ti Diose: —Ti c'usi laj avale, ja' ta jpas xtoc, yu'un lec xaquil, xacojtiquin lec.

Éxodo 33:2

Ta jtac talel ti caj'ánjele yo' jech ta xayic'oxuc batel. Ta jten loq'uel xtoc ta slumalic ti cananeoetique, ti amorreoetique, ti hititaetique, ti ferezeoetique, ti heveoetique, xchi'uc ti jebuseoetique.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 43:1

Avi tana une, Israel, steclumal Jacob, ti Dios ti laj yac'bot ach'ulel avanimae, xi ta xalbote: “Mu xatsiq'ues avo'nton, yu'un lac'ot xa ta pojel colel cu'un. Laj jbiiltasot, cu'un lac'ot.

Isaías 45:3

Ta xcac'bot ta avoc ta ac'ob ti c'usitic toyol stojol ti q'uejbile, ti c'ulejaletic ti nac'bil lec ta yaviltaque, yo' jech ta xana' ti vu'unun ti Ajvalile, Diosun yu'un ti Israele, ti laj sbiiltasote.

Jeremías 1:5

“C'alal mu'yuc to ox ta xanabi cu'une, t'ujbilot xa ono'ox cu'un. C'alal mu'yuc to ox voq'uemote, ch'acbilot xa ono'ox cu'un. Oy xa ono'ox ac'oplal cu'un ta xac'ot ta j'alc'op yu'un ti muc'tiquil lumetique.”

Hageo 2:5

Mu jel ti c'u s'elan laj cal c'alal laloq'uic talel ta Egiptoe. Staoj yav chi'inbiloxuc cu'un. Mu xaxi'ic.

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”