Éxodo 33:10 - Bible in Tzotzil de Chamula

¹⁰ C'alal ta xilic ti israeletic ti xvolet ti toc ta stuq'uil ti ochebal Axibalnae, ta jujun tal ti ta ochebal snaique, ta squejan sbaic ta lum ta yich'el ta muc' ti Diose.

Bible in Tzotzil de Chenalhó with Deuterocanon

¹⁰ C'alal chilic israeletic ti te chvul yac' sba ta sti' ch'ulna pasbil ta nucul li toque, ta jujuntal te chlic squejan sbaic ta sti' scarpanaic sventa chich'ic ta muc' li Muc'ul Diose.

Éxodo 33:10 Iomraidhean Croise

1 Reyes 8:14

Ts'acal to un, joybij ech'el sq'uel spat ti ajvalile, ta yeloval ti bu vololic ta va'lej ti lum Israele, ti xi lic yal ti ac'o sva'an sba ti Dios ta stojolique:

1 Reyes 8:22

Ts'acal to un, ti Salomone laj sva'an sba ta sts'el yaltar ti Diose. Ti ta sba ta sat scotol ti lum Israele, ti xye'elet laj stoy muyel ti sc'ob ta vinajel

Éxodo 13:21

Ja' jba'be batel yu'unic ti Diose. Ti ta c'ac'altique, ta xac' sba iluc ta jun voletel toc yo' jech ta xtojobtasvan batel ta be. Ti ta ac'ubaltique, ta xac' sba iluc ta jun muc' ta tilemal c'oc' yo' ta xil sbeic yu'un. Ja' jech cuch yu'unic ti xanvil ta c'ac'al ac'ubale.

Éxodo 33:11

Ti Diose sq'uelojbe sba satic xchi'uc ti Moisés ti c'alal ta xc'opojique, co'ol s'elan ta xchi'in ta lo'il ti lec xil sbaic xchi'uque. Ts'acal to un, ti Moisese ta sut batel ti bu lamalic ta nacleje. Yan ti yajcoltaobbae, ja' ti querem vinic Josuee, xnich'on ti Nune, tiq'uil ta xcom ta yut ti Axibalnae.

Éxodo 33:9

C'alal ochem xa ta Axibalna ti Moisese, jech ti voletel toque ta xyal talel. Ta xcom ta stuq'uil sba ti ochebal Axibalna ti c'alal ta sc'opon sbaic xchi'uc Dios ti Moisese.

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

San Lucas 18:13

Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’