Éxodo 32:5 - Bible in Tzotzil de Chamula

⁵ C'alal jech laj yil ti Aarón taje, tey laj smeltsan jun altar ta yeloval ti loc'tabil ch'in tot vacaxe. Va'i un, xi lic avanuque: —Oc'om ta jpastic q'uin sventa yich'el ta muc' ti Diose.

Bible in Tzotzil de Chenalhó with Deuterocanon

⁵ C'alal laj yil jech li Aarone, lic spasbe jun scajleb smoton li sloc'obal ch'ium tot vacaxe. Tsots i'avan, jech laj yal: —Oc'ome ta jpastic jun q'uin ta sventa li Muc'ul Diose —xi.

Éxodo 32:5 Iomraidhean Croise

1 Reyes 21:9

Ti jujulic ts'ibabil vune, xi ta xale: “Alic ti oy ictaej vaje, chotanic ta sba ta sat jteclum ti Nabote.

2 Reyes 10:20

Jech o xal laj scaj'al mantal ti ac'o yich' pasbel sq'uinal smuyubtael ti Baale, ti jech laj yich' pasele.

2 Reyes 16:11

Jech ti Uriase lic ta smeltsanel ti altare. Lec xquechet lic xchapan scotol jech c'u cha'al ta xac' iluc ta svunal ti ta Damasco to laj stac talel ti ajvalil Acaze. Meltsajem xa ox yu'un c'alal sut talel ta Damasco ti ajvalil Acaze.

2 Crónicas 30:5

Nop yu'unic un ti spucbeicuc batel sc'oplal ta sjunul Israele, ti c'otuc to c'alal Beersebae, xchi'uc c'alal to Dan, ti ic'bilic ta Jerusalén ta spasel q'uin Colebal yu'un ti Ajvalil Dios yu'un ti Israele. Vo'ne xa mu sta jech muc'ul tsobolej ta spasic jech c'u cha'al albil sc'oplal avie.

Éxodo 10:9

Ti Moisese xi laj staq'ue: —Tsots sc'oplal ta xibatcutic xchi'uc ti ololetique, ti me'el moletique, ti queremetique, ti tsebetique, xchi'uc ti jchijcutique, ti jvacaxcutique. Yu'un ja' jun muc'ul q'uin ta xca'icutic yu'un ti Diose.

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 17:15

Va'i un, ti Moisese laj smeltsan jun altar ti laj yac'be sbi “Ja' c'ot ta jbandera ti Diose.”

Éxodo 32:4

Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Éxodo 32:6

Sob ta yoc'omal un, lic xchapan sbaic, lic yaq'uic chic'bil matanaletic, xchi'uc milbil matanaletic sventa ti lajesobil o'ntonale. Ts'acal to un, ti israeletique chotiic ta ve'el ta uch'ubajel. C'alal laj yo'ntonique, tey lic spasic ti c'usi xmuyubaj ta xa'iic xchi'uquique.

Oseas 8:11

“Yu'un ti Efraine yac'ojbe yipal ta smeltsanel epal altaretic ti c'alal ja' no'ox ta sta smul xchi'uque.

Oseas 8:14

“Ti Israele ta xlic smeltsan muc'tiquil naetic ti tsots stunele. Ja' no'ox un, ta j'ech'el mu xa sta ta na'el ti Buch'u ac'bun ti xch'ulel yanimae. Ti Judae ta xlic sva'anan epal pojobbail jteclumetic. Ja' no'ox un, ta xc'ot ta pasel ti ta xlic jumbe ti sc'ac'ale, ti ta xtub sc'oplal ti naetic ti tsots stunele.”

Levítico 23:2

“Xi xcholet xavalbe ya'i ti israeletic jech c'u cha'al li'e: Ti tsots sc'oplal yorailtac ti ta xich' pasel ta sventa ti Diose, ja' jech s'elan ti ta xavac'be sbiin ch'ul tsobleje:

Levítico 23:21

“Ti jech c'ac'al taj une, tsots sc'oplal ta xapasic jun ch'ul tsoblej. Mi jtosuc abtel stac' xapasic. Taje, ja' jun mantal ti na'bil ta xcom ti ta x'ech' ta stojol ti totil me'ile, xchi'uc ti alab nich'nab ti buyuc no'ox nacaloxuque.

Levítico 23:37

“Yu'un ti jech c'ac'aletic taje, ja' jun c'ac'al ti tsots sc'oplaltac c'otem ta sventa ti Diose, ti jamal ta xavalic ti ja' jun ch'ul tsobleje. Ta xavich'ic talel ta stojol Dios ti chic'bil matanaletique, ti c'usitic yan chic'bil ta xich'e, ti chic'bil matanal sat ts'unubile, ti c'usi ta xich' svocole, xchi'uc ti matanal vinoe, ja' ti c'u s'elan ta xc'ot ti sc'ac'alil jujutose.

Levítico 23:4

“Xi s'elan yorailtac ti tsots sc'oplal ta xapasic ti ch'ul tsoblej ta sventa yich'el ta muc' ti Diose, ti tsots sc'oplal ti xi s'elan ta xatsob abaique:

1 Corintios 5:8

Tsots sc'oplal, sjunuluc o'ntonal xquich'tic ta muc' ti Cajvaltique, ti ma'uc capal xchi'uc ti mulile, xchi'uc ti c'usi chopol ta q'uelel jech c'u cha'al ti poco' spajubtasobil ti pane. Mi mu jechuc ta jpastique, melel unbi, co'ol j'elantic jech c'u cha'al ti pan ch'abal yich'oj ti spajubtasobile.

1 Samuel 14:35

Ja'uc ti Saule lic smeltsan jun altar ta sventa ti Diose, ti sba to velta jech laj spas ti stuque.