Éxodo 32:4 - Bible in Tzotzil de Chamula

⁴ Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Bible in Tzotzil de Chenalhó with Deuterocanon

⁴ Li Aarone laj yich' li c'anal taq'uine; laj yunijes ta c'oc'. La stunes jun cincel ja' to ti c'alal imeltsaj yu'un jcot ch'ium tot vacaxe. Jech lic yal scotolic: —Li'i ja' dios cu'untic vu'utic li israelutique, ja' ti la sloq'uesutic tal ta Egiptoe —xiic.

Éxodo 32:4 Iomraidhean Croise

1 Reyes 12:28

C'alal laj yo'nton ta snopilanel ti va'i s'elan taje, ts'acal to un, ti ajvalile lic yac' ta meltsanel cha'cot sloc'obbail ch'in vacax ti loc'tabil ta oroe, ti xi laj yalbe ti lume: “Ti vo'oxuque, Israel, ep xa ta velta xacujlajetic ta Jerusalén. Li' oy ti adiosic ti laj sloq'uesoxuc talel ta Egiptoe.”

1 Reyes 12:32

Ma'uc no'ox taje, ta yo'lajunebal (15) sc'ac'alil yu'un ti xvaxaquibal (8) ue, lic sliques jun q'uin sventa sq'uinal ti loc'obbail diose jech c'u cha'al ta xich' pasel q'uin ta jteclum Judae. Ja' stuc ti ajvalile laj yac' chic'bil matanal ta altar. Taje, jech laj spas ta Betel ti laj yac'be matanal ti loc'obbail dios ti laj yac' ta meltsanele. Xchi'uc xtoc laj sva'anan ti paleetic ta sventa xch'ul natac ti loc'obbail diosetique.

2 Reyes 10:20

Jech o xal laj scaj'al mantal ti ac'o yich' pasbel sq'uinal smuyubtael ti Baale, ti jech laj yich' pasele.

2 Reyes 10:29

Manchuc mi jech un, mu'yuc laj yicta sba ta spasel chopol jech c'u cha'al laj spas chopol ti Jeroboam xnich'on ti Nabote, ti laj sta smul yu'un ti israeletique, ti staoj yav ta spasbel stoyel xi'el ti loc'obbail vacax oro ti oy ta Dane, xchi'uc ti ta Betele.

2 Crónicas 11:15

Lic sva'anan yajpaletac stuc ti Jeroboam ti ta x'abtejic ta ch'ulna ti ma'uc sventa ti Diose, ta sventa stoyel xi'el ti pucujetique, xchi'uc ti loc'tabil vacaxetic ti laj yac' ta meltsanele.

2 Crónicas 13:8

Avi tana ti vo'oxuc une, cajal xa ave ati'ic ta scontrainel ti ajvalil yu'un Dios ti c'alal ac'bil ta sba snitilultac ti Davide. Tsots xa xava'i abaic ta sventa ti epoxuque, xchi'uc ti oy ta avoc ta ac'obic yepal sloc'tabil ti ch'inic vacax meltsanbil ta oro ti laj yac' ta meltsanel ti Jeroboam yo' ta xc'ot ta avajdiosique.

Nehemías 9:18

Ti le' une, c'alal laj smeltsanic ti jcot sloc'obbail vacax ti unijesbil ta taq'uine, ti laj yalic ta stojol ti dios taje ti ja' la loq'uesatic talel ta Egipto yu'une, spajebal xa no'ox laj sta ti smulique.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 20:4

“Mu xava'an jtosuc loc'obbail, mi ja'uc sloc'obbailtac ti c'usitic oy ta ac'ol ti ta vinajele, mi ja'uc sloc'obbailtac ti c'usitic oy ta banomil ti oy ta peq'uele, mi ja'uc ti c'usitic oy ta nab ti ts'anal ta banomile.

Éxodo 28:11

Ti biiletic ti bejel ta xcom ta tone, sc'an ti ja' ta spas ti buch'u yabtelinoj ta spaq'uel ti alac' sba tonetique. Ta xich' paq'uel co'ol jech c'u cha'al ti seyoe. Ts'acal to un, ac'bo stsacleb ta oro ti cha'bej tone.

Éxodo 28:9

“Va'i un, sa'o chibuc baxton ti ic'-ic'tic sba stsajale. Lucho ta ts'ibtabel tey sbiic ti xnich'nabtac ti Israele.

Éxodo 32:1

C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Éxodo 32:24

Xichi laj jtac'beique: “Ti buch'u oy oro yu'une, ac'o xch'ac loq'uel.” Laj yac'beicun ti oroe. Laj jtic' ochel ta c'oc'. Ja' tey lic joybijuc talel sloc'obbail ti ch'in tot vacaxe.

Éxodo 32:3

Ja' yu'un un, scotolic laj sloq'uesic ti taq'uinal chiquinal ti naca ta oro ti joc'ajtic ta xchiquinique. Laj yich'ic batel ta stojol ti Aarone.

Éxodo 32:35

Ja' yu'un un, ti Diose laj stacbe talel chamel lajel ta stojol ti jteclum ta scoj ti laj squejan sbaic ta yich'el ta muc' ti sloc'obbail ch'in tot vacax ti meltsanbatic yu'un ti Aarone.

Éxodo 32:5

C'alal jech laj yil ti Aarón taje, tey laj smeltsan jun altar ta yeloval ti loc'tabil ch'in tot vacaxe. Va'i un, xi lic avanuque: —Oc'om ta jpastic q'uin sventa yich'el ta muc' ti Diose.

Éxodo 32:7

Ja' yu'un un, ti Diose xi laj yalbe ti Moisese: —Batan, yalan batel, yu'un ti achi'iltac ti laj aloq'ues talel ta Egiptoe, laj xa soques sbaic.

Éxodo 32:8

Ta ora no'ox laj xch'ac sbaic ta be ti bu laj calbeic ti ta stamic batele. Laj xa smeltsanic ta ulesbil oro jcot sloc'obbail ch'in tot vacax. Avi tana une, yacalic xa ta xich'ic ta muc', ta xac'beic matanaletic xtoc ti xi ta xalique: ‘Israel, ti li'e, ja' dios ti laj sloq'uesot talel ta Egiptoe.’

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

Isaías 46:6

Oy buch'u naca sloq'ues no'ox epal oro ta yavil, ti sbiseluc xa ta xchechel ti plata ta sbisobile. Ta jech yepal un ta spas trate xchi'uc jun jten-taq'uin yo' jech ta smeltsanbat junuc sdios ti ta xlic snijan xchiman sba ta stojol ta yich'el ta muq'ue.

Ezequiel 23:8

C'alal oy ta Egiptoe, lic sjoy ti yepal no'ox vay xchi'uc ta sbolomalinel sbae, ti mu jutebuc laj yicta sbae. Tey laj sc'oplal ti tojol tseb to une.

Oseas 10:5

Ti jnaclejetic ta jteclum Samariae, ta xniquic ta xi'el. X'oq'uic xa ti jech tub sc'oplal ti sloc'obbail ch'in vacax ti oy ta Bet-avene. Ta scoj ti va'i s'elan ch'ay ti yutsilal slequilale, jech o xal ti jteclume xchi'uc ti paleetique, oyic ta me'inal ta xa'iic.

Oseas 13:2

Staoj yav ochem yipal yu'unic ta sa'el ti smulique. Ta s'unijesic ti plata yu'unique yo' jech ta smeltsanic ti loc'tabil diosetique, ja' ti c'usi xtal ta sjolic ta smeltsanel ti c'upil sba ta xilic ti yabtelinojic ta sloc'taele. Ta jech yepal un, xi ta xlic yalique: “Ac'beic milbil matanaletic.” Jech ti jnaclejetique sts'uts'ic xa ti sloc'obbail ch'in tot vacax ti ja' sdiosique.

Hechos 17:29

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.

Hechos 7:41

Va'i un, lic smeltsanic dios yu'unic jun sloc'obbail uni nene' vacax. Laj smilbeic chon bolometic ta sventa smoton. Xmuyubajic xa lic spasbeic sq'uinal ti dios ti laj smeltsan ta sc'obique.

1 Corintios 10:7

Jech o xal un, mu xarioxinic ti c'usi meltsanbil ta c'abale jech c'u cha'al laj spasic jlom ta vo'nee. Yu'un ti ch'ul c'ope xi ta xale: “Chotiic ta ve'el ta uch' vo'. Ts'acal to un, lic smuyubtaic ti sdiosique.”

Deuteronomio 9:16

Ja'uc ti c'alal laj quil ti laj xa ata amulic ta stojol ti Diose, ti laj xa ameltsanic sloc'obbail ti ch'in tot vacax ti unijesbil ta c'anal taq'uine, ti ta jech to yepal, laj avictaic ta sts'acliel ti Dios ti c'alal laj yalboxuc mantal ti mu xavictaique,

Jueces 8:24

Ti c'usi no'ox ta jc'anboxuque, ac'beicun talel ti xotajtic oro ti c'u yepal laj ataic talele. Ti xotajtic oroe, toj c'upil sba xa'iic ta stunesel ti jcontrainvanej soldadoetic ti liquemic talel ta sbajtical banomile.

Jueces 8:27

Ta sventa ti oro taje, ti Gedeone laj yac'be o ta xnichimal ti jayal saquil c'u'il ti laj yac' ta meltsanele, ti lic yac' ta Ofra ta slumal stuque. Lic yanijuc yo'ntonic scotol israeletic ta stojol Dios ta scoj ti laj yich' nichimtasel ti jayal saquil c'u'ile. Lic joybijuc ta spets'al ti Gedeón xchi'uc ti yalab xnich'nabe.