Éxodo 32:3 - Bible in Tzotzil de Chamula

³ Ja' yu'un un, scotolic laj sloq'uesic ti taq'uinal chiquinal ti naca ta oro ti joc'ajtic ta xchiquinique. Laj yich'ic batel ta stojol ti Aarone.

Bible in Tzotzil de Chenalhó with Deuterocanon

³ Ja' yu'un scotol israeletic la sloq'uesic tal li taq'uinal chiquiniletic pasbilic ta c'anal taq'uin ti xojajtic ta xchiquinique; laj yac'beic li Aarone.

Éxodo 32:3 Iomraidhean Croise

Génesis 24:22

C'alal laj yuch'ic vo' ti camelloetique, jech ti jtunele laj sloq'ues talel jun xot-xot oro ti yich'oje, vaquib (6) gramo ti yalale. Laj sjoc'anbe ta sni' ti tsebe. Ja' jech xtoc laj yac'be chib xoj nuc' c'obal ti ja' oroe, ti yich'oj vo'vinic (100) gramo ti yalele.

Génesis 35:4

Jech ti stuquique laj yac'beic ta sc'ob Jacob scotol ti jnabel diosetique xchi'uc ti taq'uinal chiquinaletic ti joc'ajtic ta xchiquinique. Jech ti Jacobe laj smuc ta yoc jpets tulan ta nopol Siquem.

Éxodo 32:2

Xi laj stac' ti Aarone: —Lec oy un cha'e, loq'uesic ti taq'uinal chiquinaletic ti naca ta oro ti joc'ajtic ta xchiquinic ti avantsilelique, xchi'uc ti aquerem atsebique. Va'i un, ich'beicun talel li'e.

Éxodo 32:4

Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Éxodo 33:6

Va'i un, ta Horeb no'ox, lic yicta sbaic ta slapel ti c'usitic jun yutsiquil oy yu'unic ti israeletique.

Isaías 3:19

ti staq'uinal xchiquinique, ti xoj sc'obique, ti chajal poc' smac satique,

Isaías 46:6

Oy buch'u naca sloq'ues no'ox epal oro ta yavil, ti sbiseluc xa ta xchechel ti plata ta sbisobile. Ta jech yepal un ta spas trate xchi'uc jun jten-taq'uin yo' jech ta smeltsanbat junuc sdios ti ta xlic snijan xchiman sba ta stojol ta yich'el ta muq'ue.

Jeremías 10:9

Ti yajdiosique, plata no'ox ti ich'bil talel ta jteclum Tarsise, xchi'uc oro ti liquem talel ta jteclum Ufaze. Naca c'usitic no'ox ti ja' pasbil yu'unic ti buch'utic sna'ic sloc'taele, xchi'uc ti buch'utic oy c'usi sna'ic yunijesele, ti yax-yax'elantic xa stsajal ti sc'u'tac yu'unique. Taje, scotolic pasbil yu'unic ti buch'utic xtojobic lec ta sloc'taele.