Éxodo 32:2 - Bible in Tzotzil de Chamula

² Xi laj stac' ti Aarone: —Lec oy un cha'e, loq'uesic ti taq'uinal chiquinaletic ti naca ta oro ti joc'ajtic ta xchiquinic ti avantsilelique, xchi'uc ti aquerem atsebique. Va'i un, ich'beicun talel li'e.

Bible in Tzotzil de Chenalhó with Deuterocanon

² Itac'ov li Aarone: —Loq'uesbeic tal staq'uinal xchiquin avajnilic xchi'uc staq'uinal xchiquin aqueremic atsebic ti pasbilic ta c'anal taq'uine. Ich'bicun tal li'i —xi.

Éxodo 32:2 Iomraidhean Croise

Génesis 24:22

C'alal laj yuch'ic vo' ti camelloetique, jech ti jtunele laj sloq'ues talel jun xot-xot oro ti yich'oje, vaquib (6) gramo ti yalale. Laj sjoc'anbe ta sni' ti tsebe. Ja' jech xtoc laj yac'be chib xoj nuc' c'obal ti ja' oroe, ti yich'oj vo'vinic (100) gramo ti yalele.

Génesis 24:47

Laj taj une, xichi lic jac'bee: ‘¿Buch'u yantsil nich'onot?’ Xi laj stac'bune: ‘Yantsil nich'onun ti Betuele, squeremic ti Nacore xchi'uc ti Milcae.’ Va'i un, laj joc'anbe ta sni' ti xot-xot taq'uine, xchi'uc laj jxojbe ti xoj nuc' c'obale.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 32:3

Ja' yu'un un, scotolic laj sloq'uesic ti taq'uinal chiquinal ti naca ta oro ti joc'ajtic ta xchiquinique. Laj yich'ic batel ta stojol ti Aarone.

Éxodo 35:22

Viniquetic, antsetic, talic scotolic taje, ti loc' ayan ta yutsil yo'ntonic ti yich'ojic talel ti c'usitic uinbile, ti yixtol c'obile, ti xoj nuc' c'obale, ti taq'uinal chiquinal meltsanbil ta oroe, xchi'uc scotol ti c'usitic yan nichimtic no'ox ti ja' meltsanbil ta oroe. Ta jujun tal laj yich'ic talel matanal oro ti tsots sc'oplal ti ja' ta xc'ot ta yu'un ti Diose.

Proverbios 25:12

Co'ol s'elan ixtolal c'obal, mi co'ol s'elan nats'il meltsanbil ta lequil oro, jech yutsil ti buch'u xtojob ta lequil tuq'uibtasvaneje.

Isaías 3:19

ti staq'uinal xchiquinique, ti xoj sc'obique, ti chajal poc' smac satique,

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

Ezequiel 16:17

Ti c'usitic laj jq'uelanbot ti meltsanbil ta oroe, ta platae, lic aloc'taan loc'obbailetic xchi'uc yo' ta xabolomalin aba yu'un.

Oseas 2:8

“Ja' no'ox un, ti stuque mu'yuc laj stuc'ulan lec ti vu'un ta xcac'be ti trigoe, ti vinoe, ti aceitee, ti vu'un ta jbolesbe ti platae, ti oro ti ja' lic smeltsan o ti sloc'tabil sdiostaque.