Éxodo 32:10 - Bible in Tzotzil de Chamula

¹⁰ Avi tana un, ts'ijlan xa no'ox me ta jtojol, yu'un mu me xa sts'icbaj ta xca'i yu'un ti sc'ac'al co'ntone. Ta jtsutsesic ya'iic ta j'ech'el. Ja'uc ti vo'ote, ta jliques jun muc' ta lum ta aventa.

Bible in Tzotzil de Chenalhó with Deuterocanon

¹⁰ ¡Ja' yu'un li' ta orae tsots chi'ilin ta stojolic! ¡Mu me c'usi xal avo'nton, yu'un ta xcules scotolic! Vo'ot xa no'ox ta aventa xu' ta jliques jun muc'ta lum —x'utat.

Éxodo 32:10 Iomraidhean Croise

Génesis 12:2

Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Salmos 106:23

Laj yal ti Diose ti j'ech'el ta stsutsesbe ti sc'oplale. Ti Moisés ti t'ujbil yu'une, laj to spac sutel ti c'ope, lamaj sc'ac'al yo'nton ti Diose, laj spajes sba, mu'yuc stsutses.

Éxodo 22:24

Va'i un, ta sc'ac'al co'nton ta xcac'oxuc ta milel ta espada. Jech ta xachamic. Ja' yu'un un, ta xcomic ta me'unal ants ti avajnilique. Ta xcomic ta me'un ti anich'nabique.

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 32:19

Va'i un, c'alal nopaj batel ti Moisés ti bu lamalic ta nacleje, jech ti cha'pech tone, laj sjip ta lum ta sc'ac'al yo'nton, stuc slilijemal busul com yu'un ta yoc vits ta scoj ti laj yil sloc'obbail ti ch'in tot vacaxe, xchi'uc ti xnic no'ox ti ac'ote.

Éxodo 33:3

Batanic ta banomil ti bu co'ol s'elan vo' ta xbein ti chu' vacaxe, ti ajapome. Ja' no'ox un, mu teyuc ta xajchi'inoxuc batel, naca mi jtub ats'unubalic ta be, yu'un toyobba jteclumoxuc ta xquil.

Jeremías 11:14

Ja' yu'un un, Jeremías, mu xatic' aba ta c'opojel ta ti'inel ta sventa ti jteclumetic li'e. Ma'uc me ti utsuc xa xava'an aba ta c'opojel ti'inel ti xavocolet ta sc'anel ti spojelique. Yu'un mu'yuc ta jtac'beic sc'opic ti c'alal ta sc'anic coltael ti ta xvul ta loq'uel ti cuxul j'ilbajinvanej j'ac'-vocole.

Jeremías 14:11

Ti Dios une xi laj yalbune: “Mu xac'anbun vocol ta sventa slequilal ti jteclum li'e.

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Jeremías 7:16

“Ti vo'ote, Jeremías, mu xac'opoj xati'in yu'un ti jteclum li'e. Mi ja'uc xavocolet xa xaquejelet xa yu'un ta sventaic. Mu xasuj aba, yu'un mi ja'uc ta jtac'bot ti ac'ope.

Ezequiel 20:13

Ti oyic ta sbajtical banomil une, lic scontrainicun, mu xa xaq'uic ta venta ti oy c'usi jbel tsots albil sc'oplale. J'ech'el laj svalopatinic comel ti jmantaltac ti c'ot ta sventaic ti ta xch'i xc'opojic yu'un mi ta xc'ot ta pasel yu'unique. Laj soquesbeic sc'oplal ta j'ech'el sc'ac'alil ti cuxob o'ntonal cu'une. Laj jnop un ta jbusanbe ta sbaic ti sti'emal jol ti j'ech'el ch'ayuc sts'unubalic ta sbajtical banomile.

Números 14:12

Ta xcac' taluc jtsutsesvanej chamel ta stojolic yo' jech ta xmacatic ta be ta yu'ninel ti banomil taje. Yan ti vo'ote ta xa'epajic cu'un yo' jech ta xac'otic ta jun muc' ta jteclum ti x'ech' to xu' avu'unique, ti ja' mu sta ti stuquique.

Números 16:21

—¡Q'uejo abaic loq'uel ta stojol ti jteclum li'e, yu'un ta jliquel no'ox ta jtsutsesbeic sc'oplalic!

Números 16:22

Ja'uc ti stuquic une snupilanic xa banomil laj spatan sbaic ta lumtic ti xi laj yalique: —Ti vo'ote avac'ojbe xcuxlejal scotol ti jnaclejetique, Ch'ul Dios, ¿mi ta xavilta scotol ti jteclum ta scoj no'ox smul ti jun vinique?

Deuteronomio 9:14

Mu xamacun ta be. Yu'un ta jtsutsesic ya'iic ta j'ech'el. Ch'ayuc ti sc'oplalic ta banomile. Ja'uc ti vo'ote, ta xac'otic cu'un ta jun muc' ta lum ti tsots xu' yu'une, ti mu albajuc yepalique, ti ja' mu sta ti stuquique.’

Deuteronomio 9:19

Ja'uc ti vu'une, batem xa jch'ulel ta xi'el ti c'alal laj yac' iluc ta atojolic ti ilinem xchi'uc sc'ac'al yo'nton ti Diose, ti jbel xa yo'nton ta xastsutsesoxuque. Ja'uc le' une, laj to ya'ibun yan velta jc'op ti Diose.

Santiago 5:16

Jech o xal un, jamal albo abaic ti amulic ta jujun tale. C'oponbo abaic Dios ta jujun tal yo' jech ta xacolic. Sc'opojel sti'inel ti lequil tuq'uil vinique, oy yip stsatsal ti sc'opojele.