Éxodo 32:1 - Bible in Tzotzil de Chamula

¹ C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Bible in Tzotzil de Chenalhó with Deuterocanon

¹ C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Éxodo 32:1 Iomraidhean Croise

Génesis 19:14

Jech ti Lote bat sq'uel ti sni'obtac ti ja' to no'ox smacojic ti tsebetique, ti xi laj yalbe ya'iique: —¡Batanic, loc'anic batel li'e, yu'un ti Diose ta stubbe sts'unubal ti lum li'e! Ja' no'ox un, ti sni'obtaque mu'yuc laj xch'unic ti va'i s'elan albat yu'un ti Lote.

Génesis 21:26

Ti Abimeleque xi laj staq'ue: —Mi ja'uc jutebuc ca'binoj sc'oplal taje. Yu'un mu'yuc c'usi xavalbun. Yu'un mi ja'uc jutebuc jna' buch'u laj spas ti va'i s'elan taje.

Génesis 39:8

Ti Josee mu lecuc laj ya'i yu'un ti xi laj stac'bee: —A'yio ava'i, ti jech li' oyune, mu'yuc c'usi xal yo'nton ti cajvale. Yu'un jbainoj scotol ti c'usi oy yu'une.

Génesis 44:15

Ja' o xi albatic yu'un ti Josee: —¿C'usi ta xapasic ox ava'iic? ¿Mi mu xana'ic ti jun vinic jech c'u cha'al ti vu'une sna' xt'unvan?

Génesis 44:4

Mu to nomuc loq'uemic batel ta jteclum c'alal ti Josee xi laj yalbe ya'i ti jpas-mantal yu'une: —Ba tao ta be ti viniquetique. Ti mi laj ata ta bee, xi xavalbee: ‘¿C'u cha'al laj apac sutel ta chopol ti c'usi lec lapasbatique? ¿C'u cha'al laj avelc'anic talel ti plata bise?

Salmos 106:19

Ta vits Horeb une, lic sloc'taic ch'iom tot vacax, unijesbil ta oro ti xi s'elan lic yich'ic ta muq'ue:

Éxodo 13:21

Ja' jba'be batel yu'unic ti Diose. Ti ta c'ac'altique, ta xac' sba iluc ta jun voletel toc yo' jech ta xtojobtasvan batel ta be. Ti ta ac'ubaltique, ta xac' sba iluc ta jun muc' ta tilemal c'oc' yo' ta xil sbeic yu'un. Ja' jech cuch yu'unic ti xanvil ta c'ac'al ac'ubale.

Éxodo 14:11

Xi laj yalbeic ti Moisese: —¿Mi yu'un mu'yuc mucobbail ta Egipto ya'yel ti laj aloq'uesuncutic talel tey yo' xtal avac' chamcuncutic li' ta sbajtical banomile? ¿C'u cha'al jech laj apasbuncutic? ¿C'u cha'al laj aloq'uesuncutic talel ta Egipto?

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 24:12

Va'i un, ti Moisese xi albat yu'un ti Diose: —Muyan batel ta vits ti bu oyune. Tey xamalaun, yu'un ta xcac'bot jpech cha'pechuc ton, ti bu laj jts'iba ti oy c'usi tsots sc'oplal albile, xchi'uc ti jmantaltaque yo' jech ta xachanubtas ti israeletique.

Éxodo 24:18

Ti Moisese och batel ti bu ti toque, yu'un muy batel ta vits. Joc'tsaj cha'vinic (40) c'ac'al xchi'uc cha'vinic (40) ac'ubal.

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 32:22

Ti Aarone xi laj staq'ue: —Yojtot, mu xaviltaun, yu'un xana' lec ti jteclum li'e, ja' me'inem xa'iic ta spasel ti c'usi chopole.

Éxodo 32:23

Yu'un ti stuquique xi laj yalbeicune: “Meltsanbun junuc dioscutic yo' jech ta xistojobtasuncutic batel. Yu'un mu jna'tic c'usi laj spas ti Moisés taje, ti c'alal ja' laj sloq'uesuncutic talel ta Egiptoe.”

Éxodo 32:7

Ja' yu'un un, ti Diose xi laj yalbe ti Moisese: —Batan, yalan batel, yu'un ti achi'iltac ti laj aloq'ues talel ta Egiptoe, laj xa soques sbaic.

Éxodo 33:3

Batanic ta banomil ti bu co'ol s'elan vo' ta xbein ti chu' vacaxe, ti ajapome. Ja' no'ox un, mu teyuc ta xajchi'inoxuc batel, naca mi jtub ats'unubalic ta be, yu'un toyobba jteclumoxuc ta xquil.

Ezequiel 20:8

‘Lic scontrainicun. Mi jutebuc laj xchiquintaic ti jc'op une. Mu'yuc laj yictaic ti soquesvanej diosetic yu'unique. Mi ja'uc laj sjip ta yo'ntonic ti loc'obbail diosetic yu'un ti lum Egiptoe. Laj jnop un ta jbusan ti sc'ac'al co'nton ta stojolic ta stsitselic ya'iic ta Egiptoe, ja' to ti c'uxi x'ech' ti sc'ac'al co'ntone.

Oseas 12:13

Ta sventa ti jun j'alc'ope, ti Diose laj sloq'ues talel ta Egipto ti jteclum Israele. Ta sventa ti jun j'alc'ope, chabiatic yu'un ti Diose.

Miqueas 6:4

Laj jloq'uesot talel ta jteclum Egipto; laj jpojot ti jech ochemot ta mosovile. Laj jtac talel ta atojolal ti Moisese, ti Aarone, ti Mariae yo' jech ta xastojobtasoxuc batel.

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

San Mateo 24:43

A'yio ava'iic li'e, ti sna'uc ti jun yajval na c'usi ora ta x'och talel ti j'elec' ta ac'ubaltique, julavem o yo' mu x'och ti j'elec' ta snae.

San Mateo 24:48

Mi ja' jun chopol j'abtele, ta snop ti jal to sc'an xtal ti yajvale.

Hechos 17:29

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.

Hechos 19:26

Ava'yiojic avilojic ti vo'oxuque, ti ma'uc la diosetic ti c'usitic meltsanbil ta c'abal ta xalolan ti Pabloe. Ep xa c'ot ta sjol yu'un ti jnaclejetique, ti ma'uc no'ox li' ta Efesoe, yu'un buyuc no'ox li' ta Asia banomile.

Hechos 7:40

Xi albat ti Aarón yu'un ti jmolmuc'totique: ‘Ta jc'ancutic ta xameltsan jayibuc diosetic yo' ta xistojobtasuncutic batel, yu'un mu jna'cutic c'usi laj spas ti Moisese ti c'alal ja' laj sloq'uesotic talel ta yosilal Egiptoe.’

Deuteronomio 31:8

Ja' stuc jba'be ech'el ti Dios avu'une, ta xaschi'inot. Mi ja'uc xayictaot comel. Mi ja'uc ta stenot comel. Ja' yu'un un cha'e, mu xavicta aba, mi ja'uc xaxi'.”

Deuteronomio 9:1

“A'yio ava'iic, israeletic, ti xi ac'oplale: Yu'un sta xa yorail ta x'ech' atuch'ic ti uc'um Jordán ti ta xatic' abaic ochel ta yu'ninel ti muc'tiquil lumetic ti jelavem xu' yu'unique, ti ja' mu sta ti vo'oxuque. Muc'tic no'ox ta j'ech'el ti lume. Mu albajuc staylej ti smocal yich'oj ta sjoyleje.

Deuteronomio 9:9

Ja'uc ti vu'une limuy ech'el ta jol vits yo' jech ta xquich' talel ti pech-pech tonetique, ti ja' pech-pech ton yu'un ti trate ti laj spas ti Dios ta atojolique. Va'i un, licom cha'vinic (40) c'ac'al, cha'vinic (40) ac'ubal, ti mi ja'uc live' li'uch'umaje.

Josué 7:13

Lican, va'lan, tsobo ta sc'oponel ti jteclume. Albo ya'iic ti ac'o xchapan sbaic ti taluc sva'an sbaic ta jtojol ti oc'ome. Yu'un xichi ta xcalbe ya'iic ti vu'un Ajvalil Diosun yu'un ti israeletique: ‘Ti vo'ote, Israel, laj atam ti c'usi albil sc'oplal ti ta xich' lilinel ta j'ech'ele. Ti mi jech mu xaten loq'uel ta atojole, mi mu xaliline, mu xu' avu'unic xatsac ta c'op ti avajcontrae.’

2 Pedro 3:4

“¿C'usi laj spas ti Cristo ti yaloj ta xcha'sut talele? Yu'un chamic xa ti jmolmuc'totique, mu'yuc c'usi xc'ot ta pasel yilel. Yu'un ti osil banomile, staoj yav jech c'u cha'al lic meltsajuc talele.”