Éxodo 30:12 - Bible in Tzotzil de Chamula

¹² “C'alal ta xabejanbe ta vun sbiic ti israeletique, ti jujunique, tsots sc'oplal, ac'o yaq' uic ta stojol Dios ta sventa xq'uexolic yo' ta xilic lec ti xch'iel sc'opojelique. Taje, ja' smelol yo' jech mu xvocolajic yu'un ti chamel lajel c'alal mi x'ech' xa ox ti tsacob-biile.

Bible in Tzotzil de Chenalhó with Deuterocanon

¹² “C'alal chapas tsactsacvun ta stojol li israeletique, jujunic ac'o yac'bicun taq'uin ti c'u cha'al mu xchamic c'alal yorail chtal tsatsal chamel ta stojolique yu'un tsacbil xa ta vun li sbiique.

Éxodo 30:12 Iomraidhean Croise

1 Crónicas 21:1

Ti jtic'-mulil ánjele lic scontrain ti israeletic ti laj sliquesbe sjol ti David ti sliquesuc tsacob-biil ta stojol ti Israele.

1 Crónicas 21:12

Mi ja' ti ta xtal oxib jabil vi'nale. Mi ja' ti oxib u nutsbilot ta espada yu'un ti avajcontrae. Mi ja' ti oxib c'ac'al ta xlajic ta yespada Dios ti jteclume, ti mu albajuc ta xlajic scotol slumal Israel ta sventa ti yaj'ánjel Diose. Nopo ca'itic tana un c'usi jtosucal ta xat'uj yo' jech ta xcalbe ya'i ti Buch'u laj stacun talele.

1 Crónicas 21:14

Va'i un, ti Dios une laj stac talel jun jmilvanej chamel ta stojol ti Israele, ti cham lajic yu'un lajuneb xchanvinic ta mil (70,000) israeletique.

1 Crónicas 21:3

Ti Joabe xi laj staq'ue: —Ti Diose, ac'o sva'an sba ta yepajesel steclumal vo'vinic (100) velta jech c'u cha'al oy avi tanae. ¿Mi oy bu ta xc'ot ta pasel ti ma'uc avajtuneltac scotol, Jcuch abtel? ¿C'u cha'al jech ta xapasbe, Jcuch abtel? ¿C'u cha'al ta xasa'be smul scolo' ti Israele?

1 Crónicas 27:24

Laj ox sliques stsaquel biil ti Joabe. Ja'uc le' une, mu'yuc tsuts yu'un. Vul ta loq'uel chopol ta stojol ti israeletic ta scoj taje. Jech o xal mu xvinaj c'u yepal sbiic ti oy ta jpoc svunal slo'il ya'yejal yabtel ti ajvalil Davide.

2 Crónicas 24:6

Va'i ti ajvalil une xi laj yalbe c'alal laj sta ta iq'uel ti pale Joiadae: —¿C'u cha'al ti mu'yuc laj atijbe yo'nton ta yac'bel yipal ti levitaetic ta stsobbel talel staq'uinic ti Judae, ti Jerusalene, yu'un ti laj yal mantal Moisés ti yajtunel Diose, ti scotol israeletic ta stsobbeic ta sventa ti Axibalna yu'un ti tratee?

2 Crónicas 24:9

Ta jech yepal un, lic scaj'albeic ya'i scotol Judá xchi'uc Jerusalén ti tsotsuc sc'oplal yich'icuc talel ti patan ta stojol Dios jech c'u cha'al yaloj ono'ox ti Moisés yajtunel Dios ta stojol ti Israel ti c'alal oyic ta sbajtical banomile.

Job 33:24

ti yich'uc to c'uxubinele, ti xi ta xalbe ya'i ti Diose: “Mu to xavac' chamuc, laj jta ta q'uelel ti tojbil manbile”,

Job 36:18

Bijan ti mu xavac' aba ta lo'laele, ti xpich' avo'nton yu'un stsaquel ti epal taq'uine.

Salmos 49:7

Mi junuc oy buch'u stac' ta spoj sba ta stuc no'oxe, mi jutebuc stac' stojbe Dios ti tselbujuc ti stsutsesele.

Éxodo 30:11

Ti Moisese xi albat yu'un Dios ti c'alal c'opoj talel ta stojole:

Números 31:49

ti xi bat yalbeique: “Ti avajtuneluncutique laj xa jchapcutic lec ti ts'acal vul cu'uncutic ti cajsoldadocutic ti c'u yepal jbainojcutic ta jujun tale.

Números 31:50

Yu'un li' quich'ojcutic talel scotol ti xi s'elan ti c'usitic pasbil ta oro ti laj staic talel ti jujune: ti xoj-c'obile, ti chuc-c'obile, ti yixtolal ni'-c'obile, ti staq'uinal chiquinale, ti c'usitic c'upil sba pasbile. Scotol taje, ta xcac'becutic ti Diose, ja' ta xc'ot ta jpatancutic ta sventa ti jpojobbailcutique.”

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

Marcos 10:45

Ti vu'un co'ol j'elantique, ma'uc tal mosovinvancun, tal cac' jba ta tunel, tal cac' jba ta milel ta sventa stojol scolel ti epal jnaclejetique.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.