Éxodo 3:9 - Bible in Tzotzil de Chamula

⁹ A'yio ava'i lec, yu'un laj xa ca'i ti x'ijetic ta vocol ti israeletique. Yu'un laj xa quil ti ep ta x'ac'batic svocolic yu'un ti egipcioetique.

Bible in Tzotzil de Chenalhó with Deuterocanon

⁹ A'yo ava'ay, li vu'une c'otem xa ta jtojol c'u x'elan xvocoletic ta sventa svocolic li israeletique, xchi'uc quiloj noxtoc c'u x'elan li uts'intael ch-ac'batic yu'un li egipto cristianoetique.

Éxodo 3:9 Iomraidhean Croise

Génesis 16:11

Achi'uc xa avol, ta xavilbe sat jun aquerem, Ismael ta xavac'be sbi, yu'un ti Diose c'ot ta sni' ta xchiquin ti mu ech'baj avocole.

Génesis 31:12

Va'i un, ti ánjele xi laj yalbune: ‘Tuc'ulano avil lec. Ti tot tentsunetic ta xcuchumta ti me' tentsunetique, ja' pintotic xchi'uc basastic spintoale. Yu'un laj xa quil scotol ti c'usi ta spasbot ti Labane.

2 Reyes 13:4

Va'i un, ti Joacaze lic c'opojuc ti'inuc ta stojol ti Diose, ti tsacbil ich'bil ti sc'opojel yu'un ti Diose, ti yiloj ta sba ta sat ti c'u s'elan ta x'ilbajinatic ti israeletic yu'un ti ajvalil ta Siriae.

2 Reyes 20:5

“Cha'sutan batel, xi bat albo ya'i ti Ezequías jtsobvanej yu'un ti calab jnich'nabe: ‘Xi ta xal ti Ajvalil Dios yu'un ti amolmuc'tot David ta vo'nee: Laj xa ca'i ti xavocolete. Laj quil ta jba ta jsat ti laj amal ti ya'lel asate. Ta jtic' jba ta apoxtael. Ti li' ta yoxibal (3) c'ac'ale, xu' avu'un ta xac'ot ta xch'ulna ti Diose.

Nehemías 9:9

Laj avil c'u s'elan oyic ta vocol ta Egipto ti jtot jme'cutic laj ech'uc ta vo'nee. Laj ava'ibe ti xvochetic ta oq'uel c'alal oyic ta sti'il ti Tsajal Nabe.

Salmos 12:5

Xi s'elan laj yal ma' ti Dios une: “Ti me'un mu'natetique, xchi'uc ti buch'utic mu'yuc xa yipique, ilbajinbilic, ac'bil svocolic. Jech o xal avi tana li' une, ta xlic jva'an jba ta scoltaelic ti juteb ta yo'ntonic c'otuc ta pasel une.”

Salmos 9:14

Ti jech une, ti ta ochebaletic yu'un ti Jerusalene, ta xcalbe ya'i scotol ti jteclume, ti ac'otebal o avich'uc lequil-c'optaele, xchi'uc ximuyubaj no'ox ec un, yu'un laj atic' aba ta spojelun.

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 1:22

Yan ti faraone xi laj yalbe ya'i mantal ti steclumale: “Jipic batel ta uc'um ti jvoq'uel hebreo queremetique. Yan ti mi ja' tsebetique, ch'an utic.”

Éxodo 1:8

Ta ts'acal to un, och jun ach' ajvalil ta Egipto, mu'yuc laj yojtiquin ti Josee. Ja' yu'un un, xi laj yalbe ti svinquilel sbaique:

Éxodo 2:23

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Éxodo 2:25

Laj sq'uel, laj yil Dios ti c'u s'elan oyique.

Éxodo 3:7

Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Eclesiastés 4:1

Ts'ijil licom yu'un c'alal laj quil ti ilbajinel ta xc'ot ta pasel li' ta banomile. Laj quil ti x'oc' x'avanic no'ox ti buch'utic ta x'ilbajinatique, ti mu'yuc buch'u ta xpatbun yo'ntonic ti ilbajinbilic yu'un ti buch'u cajal ye sti' xa'i sbaique. Laj to c'op ma' ti oy buch'u ta xpatbun yo'ntonic une.

Eclesiastés 5:8

Mu ch'ayaluc xc'ot avo'nton yu'un mi ta xavil jun muc' ta lum ilbajinbilic ti me'un mu'nate, ti mu xa xich'ic ta muc' ti lequil tuq'uil chapanele, xchi'uc ti oy c'usi tsots sc'oplal sc'an xich' pasele. Yu'un ti buch'u cajal yabtel yich'oje, ta xmucbat smul yu'un ti xjelav to cajal yabtel yich'oje. Xchibalic un ta xmucbat smul yu'un ti buch'u spajeb xa tsots yabtel yich'oje.

Amós 4:1

A'yio ava'iic lec li'e, antsetic, ti caj tsacal xava'i abaique, ti spajebal xa no'ox jun avutsilic ta q'uelel ti acuxojic lec ti oyoxuc ta jteclum Samariae, ti avac'ojbeic yipal ta yilbajinel ti me'un mu'nate, ti abol sba avu'un ta yilbel svocol ti buch'utic mu sta ti c'usitic ta xtun yu'une, ti apasojic ta mantal ti amalalic ta yich'el talel ti vino yo' ta xavuch'ique.

Deuteronomio 26:7

Va'i un, laj jc'ancutic pojel coltael yu'un ti Ajvalile, ti ja' Dios yu'unic ti jmolmuc'totcutic ta vo'nee. Laj ya'i ti jech xivocoletcutic ta stojole. Laj yil ti jme'inal jmu'natilcutique, ti quilbajinelcutic ta abtele, ti spajebal xa o ti utilanel ta xquich'cutic ta j'ech'ele.

1 Samuel 9:16

“Jech ora oc'om li'e, ta jtacbot talel jun vinic ta atojol ti liquem talel ta yosilal ti Benjamine, ti ta xava'an ta yac'bel yich' yabtel ta ajvalil ta sventa ti calab jnich'nabe. Yu'un ja' ta stic' sba ta spoj loq'uel ti ilbajinbilic yu'un ti filisteoetique, ti c'uxubaj xa co'nton yu'un ti calab jnich'nab ti c'ot xa ta jtojol ti sc'opique.”