Éxodo 3:8 - Bible in Tzotzil de Chamula

⁸ Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Bible in Tzotzil de Chenalhó with Deuterocanon

⁸ Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 3:8 Iomraidhean Croise

Génesis 11:5

Jech ti Diose yal talel sq'uel ti jteclume xchi'uc ti natil luchlebal yacal ta smeltsanic ti jnaclejetique.

Génesis 11:7

Ja' lec, yalcutic batel ta syanijesbel ti sbats'i c'opique yo' jech mu xa'ianbe sbaic.”

Génesis 15:13

Va'i un, xi albat yu'un ti Diose: —Sc'an xana', ti anitilultaque ta xbat nacliicuc ta yan muc' ta lum. Ta xich'ic mosovinel xtoc. Ta xich'ic svocolic ta ilbajinel chanib ciento (400) jabil.

Génesis 15:14

Jech ti vu'un eque ta xcac'be stojic ti muc' ta lum ta xmosovinvanique. Ts'acal to un, ti anitilultaque ta xcolic loq'uel talel. Ta xc'otic ta c'ulej ta j'ech'el.

Génesis 18:21

Ja' yu'un avie, ta xibat yo' jech chbat jq'uel mi melel tsots ti smulic jech c'u cha'al li'albate, ja' to jech ta jch'un.

Génesis 43:11

Jech o xal xi tac'batic yu'un ti stotique: —Jechuc un cha'e, yu'un mu'yuc yan c'usi stac' jpastic yilel. Ja' no'ox un, pasic jech c'u cha'al li'e: Tiq'uic batel ta acoxtalic smoton ti vinic taje. Ja' ich'beic batel ti c'usi lec xi s'elan ta xloc' li' ta jlumaltique: jutebuc muil xuch'al te'etic, jutebuc ajapom, jutebuc muil poxil, jutebuc muil momol, jutebuc sat nuez, xchi'uc jutebuc almendra.

Génesis 46:4

Ta jchi'inot batel ti jech ta xabat ta Egiptoe. Ja' jech xtoc ti anitilultaque, ta xquic' loq'uel. C'alal mi lachame, nabal ta atojol ti Josee.

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

Nehemías 9:8

Laj avil ti ja' jun vinic spatoj yo'nton ta atojole, ti xi s'elan laj apas jun trate ta stojole: ti snitilultaque, ta xavac'be steclumalinic slumal ti cananeoetique, ti hititaetique, ti amorreoetique, ti ferezeoetique, ti jebuseoetique, xchi'uc ti gergeseoetique, ¡C'ot xa ta pasel avu'un ti jech laj aval une, ti xc'ot ono'ox ta pasel avu'un ti ac'ope!

Salmos 12:5

Xi s'elan laj yal ma' ti Dios une: “Ti me'un mu'natetique, xchi'uc ti buch'utic mu'yuc xa yipique, ilbajinbilic, ac'bil svocolic. Jech o xal avi tana li' une, ta xlic jva'an jba ta scoltaelic ti juteb ta yo'ntonic c'otuc ta pasel une.”

Salmos 12:6

Ti oy c'usi yaloj ti Dios ta xaq'ue, naca lec ta j'ech'el, co'ol s'elan jech c'u cha'al junuc plata ti vuc-coj (7) loq'uesbil yic'obal ta c'oq'ue.

Salmos 34:8

Q'uelo avil lec, chiquintao ava'i lec ti oy yutsil slequil yo'nton ti Diose. Xmuyubaj no'ox ta j'ech'el ti buch'u spatoj yo'nton ta stojole.

Salmos 91:15

C'alal ta xiyavtaune, ta jtac'be, ta jva'an jba ta stojol. Ta jpoj ta jcolta ti oy ta vocole, ta xcac' ta ich'el ta muc'.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 34:11

“C'otuc me ta pasel avu'unic ti va'i s'elan laj calboxuc ava'iic li'e. Ja' yu'un un, ta aba ta asatic ta jten loq'uel ti amorreoetique, ti cananeoetique, ti hititaetique, ti ferezeoetique, xchi'uc ti jebuseoetique.

Éxodo 5:23

C'alal tal jc'opon ti faraón ta aventae, ti stuque x'ech' to lic yac'be svocol ti anich'nabe. Ti vo'ot une mu'yuc c'usi ta xapas yo' ta xatic' aba ta spojel.

Isaías 36:17

Ts'acal to un, ta xayic'oxuc batel ta jun lum ti mu yanuc jech c'u cha'al ti ateclumalique, ta jun lum ti bu yavil ti trigoe, ti uvae, yo' jech ta xapasic ti pane xchi'uc ta xapits'ic ti ya'lel uvae.

Isaías 64:1

Oyuc la ta alel xach'ac ta jamel ti vinajel ti ta xayal talele, ti nicnunuc no'ox avu'un ti vitsetic ta atojole,

Jeremías 11:5

Mi ta xavac'beicun ta ventae, ta xc'ot ta pasel cu'un ec ti jtrate ti laj jva'an jba ta yalel ti ta xcac'beic banomil ti atot ame'ic ta vo'nee, banomil ti bu avich'ojic tana le'e, ti bu co'ol s'elan vo' xbein no'ox ti chu' vacaxe xchi'uc ti ajapome.” Xichi laj jtac' ec une: “Jechuc, Cajval.”

Jeremías 2:7

Laj quiq'uic talel ta ve'ebal banomil li'e, yo' ta stun ta slajesic ti sat te'etic yu'une, xchi'uc ti c'usitic lec ta xloc' x'ayane. Latalic ec un, c'ajomal no'ox laj asoquesic ti jlum jbanomile. Ta acojic, lic ibuc co'nton ta stojol ti muc' ta lum li'e, ti c'otem ta cu'une.

Jeremías 32:22

Laj avac'be yich' banomil ti israeletic ti bu co'ol s'elan vo' ta xbein ti chu' vacaxe, xchi'uc ti ajapome jech c'u cha'al laj ono'ox avalbe ya'iic ti stot sme'ic ta vo'nee.

Ezequiel 20:6

Ti jech c'ac'al taje, laj jva'an jba ta yalbel ya'iic ti ta jloq'uesic balel ta Egiptoe, ta yiq'uelic ech'el ta jun muc' ta lum ti laj jsa'ilan bu co'ol s'elan vo' ta xbein ti chu' vacaxe, ti ajapome, ¡ti stuc xa no'ox muc' ta lum c'upil sba ta scotole!

Levítico 20:24

Ta xcac' que jti' ti vo'oxuc ta xac'otic ta yajval ti slumalique. Yu'un ta jva'an jba jtuc ti ta xcac'boxuc ti jteclum taje, ti bu co'ol s'elan vo' ta xbein ti chu' vacaxe, ti ajapome. “Yu'un vu'un ti Ajvalil Diosun avu'unique, ti ch'acbiloxuc cu'un xchi'uc ti yan lumetique.

Amós 2:10

Ti vo'oxuque, laj jloq'uesoxuc talel ta jteclum Egipto. Cha'vinic (40) jabil laj quic'oxuc batel ta sbajtical banomil yo' jech ta xacac'beic ti sbanomilique.

Números 13:18

Q'uelic lec c'u s'elan ti jteclume, mi tsatsaquil viniquetic ti jnaclejetic yu'une, mi ma'uc, mi epic, mi mo'oj.

Números 13:19

Q'uelic lec xtoc mi ta axibal na no'ox nacalic ti yajval jteclume, mi oy smocal, mi lec ti banomil ti bu nacalique, mi jutuc no'ox,

Números 13:27

Xi laj yalbeic ti Moisese: —Li'aycutic ta banomil ti bu laj atacuncutic batele. Ta melel, ja' jun banomil ti bu co'ol s'elan vo' ta xbein ti chu' vacaxe, ti ajapome. Q'uelo avil ti sat te'etic ti ta xac' ti banomil li'e.

San Juan 3:13

“Mi junuc oy buch'u muyem batel sq'uel ti c'usi oy ta vinajele. Ja' no'ox yiloj ti Buch'u liquem talel ti bu taje. Ti xcaltique, ja' ti vu'un co'ol j'elantique.

San Juan 6:38

Ti liyal talel ta vinajele, ma'uc tal jpas ti c'usi ta sc'an ti co'ntone. Ti litale, ja' tal jpas ti c'usi ta sc'an yo'nton ti Buch'u laj stacun talele.

Deuteronomio 1:25

C'alal jech laj spasic une, ti c'usitic xch'i ta banomil taj une, laj xtuch'ic talel ti xi vul yalique: ‘Ti banomil ti bu ta xijyac'botic ti Ajvalil Dios cu'untique, spajebal xa no'ox yutsil ta j'ech'el.’

Deuteronomio 1:7

Tsobic ti c'usitic x'ayan avu'unique. Batanic xtoc ta muc'tic vitstic yu'un ti amorreoetique, xchi'uc ti c'u yepal ti joyol ta spat xocon ti xi s'elan oye: ti Arabae, ti muc' ta vitstique, ti stenleje, ti Négueve, ti sti'il Nabe, ti steclumal ti cananeoetique, ti Líbanoe, c'alal to ti muc' ta uc'um Eufratese.

Deuteronomio 27:3

Va'i un, ta xlic ats'ibaic scotol ti va'i s'elan laj calboxuc ava'iic li'e. Ja' no'ox me ta xa'ochic ta sts'ibael c'alal mi la'ochic xa ech'el ta banomil ti bu co'ol s'elan vo' ta xbein ti chu' vacaxe, ti ajapome, ti ja' ta xayac'boxuc ti Ajvalil Dios avu'unique, jech c'u cha'al laj ono'ox yalbe ya'iic ti amolmuc'totic laj ech'icuc ta vo'nee.

Deuteronomio 28:11

Yu'un ti Ajvalil Diose ta xac' avil ti yutsil slequil yo'nton ti naca xac'bot no'ox ti anich'one, ti naca xvoc' no'ox yoltac ti achije, ti avacaxtaque, ti yepal no'ox ta j'ech'el ti ts'unubaletic ti c'usitic ta xloc' ta banomil ti bu yalojbe ono'ox ti amolmuc'totac ti laj sva'an sba ta rextico ti ta xac'bote.

Deuteronomio 6:3

Ja' yu'un un cha'e, israeletic, lic abtelanic ta spasel. Ja' to jech lec ta xc'ot ta atojolic. Jech ta xac'otic ta jun muc' ta lum ta banomil ti bu co'ol s'elan vo' ta xbein ti chu' vacaxe xchi'uc ti ajapome jech c'u cha'al laj ono'ox yal ti Ajvalil Dios ta stojol ti amolmuc'totic ti laj ech'icuc ta vo'nee.

Deuteronomio 7:1

“Ti Ajvalile, ti ja' Dios avu'unique, ta xac' ochanic batel ta lum ti bu ta xavu'ninique, ti xi s'elan ta xavilic ta aba ta asatic ta sjip loq'uel ti vucub muc'tiquil lume ti jelavem xu' yu'unique, ti ja' mu sta ti vo'oxuque: ti hititaetique, ti gergeseoetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique.

Josué 5:6

C'alal xanav cha'vinic (40) jabil ti israeletic ta sbajtical banomile, cham xa ox scotol ti viniquetic ti xu' xa x'ochic ta soldadoil ti c'alal loq'uic talel ta Egiptoe. Yu'un ti viniquetic taje mu'yuc laj snijan sbaic ta stojol ti Diose, ti laj sva'an sba ta yalel ti mu ja'uc junuc xu' ta xbat sq'uelic ti banomil ti albilic ti ta x'ac'batic ti smolmuc'totique, ta banomil ti bu co'ol s'elan vo' ta xbein ti chu' vacaxe, ti ajapome.

Josué 9:1

Ti ajvaliletic yu'un ti hititaetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique, laj ya'iic ti c'usitic c'ot ta pasele. (Ti ajvaliletic taje nacalic ta yeloval smaleb c'ac'al yu'un ti uc'um Jordane, ti ta vitstique, ti ta sjunul stenlejale, ti ta sti'il ti muc' ta nab yu'un ti Mediterráneo sbie, c'alal to sjunlej ti Líbanoe.)

Josué 9:7

Ti israeletique xi laj stac'beic ti heveoetique: —Ati mi li' no'ox nacaloxuc une, ti mi nopol xquil jbatic une, ¿mi yu'un xavac'touc ta stac' ta jpascutic trate xchi'uc ti vo'oxuque?