Éxodo 3:7 - Bible in Tzotzil de Chamula

⁷ Jech ti Diose xi to laj yalolan batele: —Laj xa quil lec ti yan sba ta xich' svocol ti calab jnich'nab ta Egiptoe. Laj xa ca'i ti x'ijetic yu'un svocolic ta scoj ti tsots ilbaj x'utatic yu'un ti jq'uel-abteletique. Jna'oj lec ti oyic ta vocole.

Bible in Tzotzil de Chenalhó with Deuterocanon

⁷ pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Éxodo 3:7 Iomraidhean Croise

Génesis 16:11

Achi'uc xa avol, ta xavilbe sat jun aquerem, Ismael ta xavac'be sbi, yu'un ti Diose c'ot ta sni' ta xchiquin ti mu ech'baj avocole.

Génesis 18:21

Ja' yu'un avie, ta xibat yo' jech chbat jq'uel mi melel tsots ti smulic jech c'u cha'al li'albate, ja' to jech ta jch'un.

Génesis 21:17

Ti Diose laj ya'i ta x'oc' ti quereme. Jech ti yaj'ánjel Diose, ta vinajel to, laj yavta ti Agar ti xi laj yalbee: “¿C'u cha'alot, Agar? Mu xaxi'. Yu'un ti Diose laj ya'i ta x'oc' ti aquerem bu oye.

Génesis 29:32

Ja'uc ti Leae lic xchi'in yol. Ayan jun squerem, Rubén laj yac'be sbi, yu'un xi laj yale: “Ti Diose laj yil ti oyun ta vul-o'ntone. Jech o xal avi tana li' une, yal to jc'uxubinel yu'un ti jmalale.”

Génesis 31:12

Va'i un, ti ánjele xi laj yalbune: ‘Tuc'ulano avil lec. Ti tot tentsunetic ta xcuchumta ti me' tentsunetique, ja' pintotic xchi'uc basastic spintoale. Yu'un laj xa quil scotol ti c'usi ta spasbot ti Labane.

Génesis 31:42

Ti manchucuc xchi'inojun ti Dios yu'un ti Abrahame, ti Dios ti yich'oj ta muc' ti jtot Isaaque, ta melel, jmeyoj coc jc'ob laj atacun loq'uel. Ja' no'ox le' une, ti Diose laj yilbun ti jme'inale, ti c'u s'elan li'abtej ta atojole. Ja' yu'un un, ti ta ac'ubaltique, tsots laj svulot.

2 Samuel 22:28

Ti buch'u biq'uit ta xac' sbae, ta xacolta; ja'uc ti buch'u cajal toyobba xa'i sbae, avac'oj asat ta stojol ti ta xapec'tsanbe ti sc'oplale.

2 Reyes 13:4

Va'i un, ti Joacaze lic c'opojuc ti'inuc ta stojol ti Diose, ti tsacbil ich'bil ti sc'opojel yu'un ti Diose, ti yiloj ta sba ta sat ti c'u s'elan ta x'ilbajinatic ti israeletic yu'un ti ajvalil ta Siriae.

2 Reyes 20:5

“Cha'sutan batel, xi bat albo ya'i ti Ezequías jtsobvanej yu'un ti calab jnich'nabe: ‘Xi ta xal ti Ajvalil Dios yu'un ti amolmuc'tot David ta vo'nee: Laj xa ca'i ti xavocolete. Laj quil ta jba ta jsat ti laj amal ti ya'lel asate. Ta jtic' jba ta apoxtael. Ti li' ta yoxibal (3) c'ac'ale, xu' avu'un ta xac'ot ta xch'ulna ti Diose.

Nehemías 9:9

Laj avil c'u s'elan oyic ta vocol ta Egipto ti jtot jme'cutic laj ech'uc ta vo'nee. Laj ava'ibe ti xvochetic ta oq'uel c'alal oyic ta sti'il ti Tsajal Nabe.

Salmos 106:44

Manchuc mi jech ti oy xa svocol ileique, ti a'yibatic ti x'oc' x'avanic xae,

Salmos 12:6

Ti oy c'usi yaloj ti Dios ta xaq'ue, naca lec ta j'ech'el, co'ol s'elan jech c'u cha'al junuc plata ti vuc-coj (7) loq'uesbil yic'obal ta c'oq'ue.

Salmos 142:3

ti mu xa jtam jba yu'un ti jvocole. Xavojtiquin, Cajval, xi s'elan ti be jtamoj batele: ta jbe ti bu ta xi'ech'e, yac'ojic pets'.

Salmos 145:19

Ta xc'ot ta pasel yu'un ti c'usitic ta sc'anic ti buch'utic ta xich'ic ta muq'ue; c'alal ta sc'anic coltaele, ta x'a'yibat sc'opic, ta xpojatic yu'un.

Salmos 22:24

Ti stuque mu sbaj, mu sq'uelojuc ti oy ta vocol ti buch'u biq'uit yac'oj sbae, mi ja'uc ta snac' sba ta stojolic. Ta xa'i ti c'alal ta xc'anbat ti coltaele.

Salmos 34:4

Laj jsa'ilan ta sc'oponel ti Dios une, laj stac'bun talel, ta jech yepal un, ch'ay ech'el ti xi'el ta xca'i une.

Salmos 34:6

Lic avanuc ti abol sba vinic li'e, a'yibat sc'op yu'un ti Dios une, pojbil c'ot yu'un ti lamal ta sba ti svocole.

Salmos 35:22

Chajal ta aba ta asat un, Cajval. Ma'ucuc ti tsij xachi une. Mu xanamaj ta jtojol un.

Salmos 9:14

Ti jech une, ti ta ochebaletic yu'un ti Jerusalene, ta xcalbe ya'i scotol ti jteclume, ti ac'otebal o avich'uc lequil-c'optaele, xchi'uc ximuyubaj no'ox ec un, yu'un laj atic' aba ta spojelun.

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 1:8

Ta ts'acal to un, och jun ach' ajvalil ta Egipto, mu'yuc laj yojtiquin ti Josee. Ja' yu'un un, xi laj yalbe ti svinquilel sbaique:

Éxodo 22:23

Mi yu'un ta xavilbajinique, mi ta sc'an spojelic ta jtojole, ta jtic' jba ta spojelic.

Éxodo 33:13

Ti mi jech ta melel taje, ac'bun jna' ti c'usi anopoje yo' jech xu' ta jpat co'nton ta atojolal, yo' jech staoj yav ta xca'i ti lec xavilune. Mu xach'ay ta avo'nton ti israeletic li'e, ja' anich'nab.

Éxodo 5:10

Jech ti jq'uel-abteletique xchi'uc ti banquilaletic yu'un jujuvoq'ue, loq'uic batel ti xi laj yalbeic ya'iic ti jnaclejetique: —Ti faraone laj yal mantal ti mu'yuc xa ta xasa'bat talel ajobelique.

Éxodo 5:6

Ti jech c'ac'al taje, ja' o ti faraone xi laj yalbe mantal ti jq'uel-abteletic yu'une, xchi'uc ti banquilal yu'un ti jujuvoc' j'abteletique:

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Números 20:16

Va'i un, laj jc'anbecutic coltael yu'un ti Diose. Laj ya'i ti jc'opojel jti'inelcutique. Yu'un laj stac talel yaj'ánjel ti laj sloq'uesuncutic talel ta Egiptoe. Avi tana li' une, li' xa oyuncutic ta sbanomil Cades ti sts'aquinoj sbaic xchi'uc ti avosilale.

Hechos 7:34

Yu'un laj xa quil ti oyic ta vocol ti calab jnich'nab ta Egiptoe. Laj xa ca'i ti x'ajlajetic yu'un ti svocolique. Liyal talel yo' tal jcolta loq'uel ta mosovil. La' me un cha'e, yu'un ta jtacot batel ta Egipto.’

Hebreos 4:15

Yu'un ti Banquilal Pale cu'untique ta xc'uxubaj yo'nton yu'un ti jvocoltic ta scoj ch'abal ti yipal cu'untique. Yu'un ti stuque laj ya'i c'u s'elan ti vocol jech c'u cha'al ta xca'itique. Ja' no'ox un, ti stuque mu'yuc x'ech' xjelav ta stael ti smule.

1 Samuel 9:16

“Jech ora oc'om li'e, ta jtacbot talel jun vinic ta atojol ti liquem talel ta yosilal ti Benjamine, ti ta xava'an ta yac'bel yich' yabtel ta ajvalil ta sventa ti calab jnich'nabe. Yu'un ja' ta stic' sba ta spoj loq'uel ti ilbajinbilic yu'un ti filisteoetique, ti c'uxubaj xa co'nton yu'un ti calab jnich'nab ti c'ot xa ta jtojol ti sc'opique.”