Éxodo 3:6 - Bible in Tzotzil de Chamula

⁶ Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Bible in Tzotzil de Chenalhó with Deuterocanon

⁶ Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 3:6 Iomraidhean Croise

Génesis 12:1

Oy jun c'ac'al, xi albat yu'un Dios ti Abrame: “Ictao comel ti avosil abanomile, ti avuts' avalaltaque, xchi'uc sna ti atote yo' jech ta xabat ta banomil ti bu ta xcac'bot avile.

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 17:3

Jech ti Abrame snupilan xa banomil laj spatan sba ta lum c'alal yacal xi xvulvun ta c'opojel ti Diose:

Génesis 24:12

Xi laj yal ti lic c'opoj ti'inuque: “Cajval, Diosot yu'un ti cajval Abrahame, coltaun yo' lec ta xbat ti jech li' talemune. Ac'o ta ilel ti xc'uxul avo'nton ta stojol ti cajvale.

Génesis 26:24

Ta yac'ubalil taje, laj yac' sba iluc ti Dios ta stojolale, ti xi albate: “Diosun yu'un ti atot Abrahame. Mu xaxi', yu'un li' jchi'inojote. Ta sventa ti cajtunel Abrahame, ta jva'an jba ta atojolal, yu'un ta xcac' epajuc ti anitilultaque.”

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 28:17

Ep xi' ta jmec ti xi laj snope: “Ti li'e, ja' jun ch'ul banomil. Li' oy sna ti Diose. ¡Li'e, ja' ti' vinajele!”

Génesis 31:42

Ti manchucuc xchi'inojun ti Dios yu'un ti Abrahame, ti Dios ti yich'oj ta muc' ti jtot Isaaque, ta melel, jmeyoj coc jc'ob laj atacun loq'uel. Ja' no'ox le' une, ti Diose laj yilbun ti jme'inale, ti c'u s'elan li'abtej ta atojole. Ja' yu'un un, ti ta ac'ubaltique, tsots laj svulot.

Génesis 32:9

Ts'acal to un, xi lic c'opoj ti'inuque: “Cajval, Diosot yu'un ti jmuc'tot Abrahame, yu'un ti jtot Isaaque, laj avalbun ta xisut batel ta cosilal bu oyic ti cuts' calale. Laj avalbun ti xi to s'elan lec ta xc'ot ta pasel ta jtojole:

1 Reyes 18:36

Ti yorail xa ta xac' chic'bil matanal ti j'alc'op Eliase, nopaj ech'el ti xi tsots lic avanuque: “Ch'ul Ajvalil, Diosot yu'un ti Abrahame, ti Isaaque, ti Israele, ti xi'uc s'elan c'otuc ta pasel avu'un avi tana li'e: Vinajeso ti vo'ot Diosot yu'un ti Israele, xchi'uc ti vu'un avajtunelune, ti ta amantal atuc ti jech ta jpas scotol avi tana li'e.

1 Reyes 19:13

C'alal jech laj ya'i ti Eliase, laj smuc ta sc'u' ti sate. Loc' batel, bat svelan sba ta sti' ti nail ch'ene. Ja' o vul ta stojol jun c'opojel ti xi albate: “¿C'usi ta xapas ti bu oyote, Elías?”

Nehemías 9:9

Laj avil c'u s'elan oyic ta vocol ta Egipto ti jtot jme'cutic laj ech'uc ta vo'nee. Laj ava'ibe ti xvochetic ta oq'uel c'alal oyic ta sti'il ti Tsajal Nabe.

Ester 3:4

Jun sc'opic xjac'lajetic xchi'uquic jujun c'ac'al. Co'ol s'elan ma'uc no'ox ta x'albate. Va'i un, bat xchapbeic ya'i ti Amane yo' jech ta xvinaj mi staoj yav jech ta staq'uilan ti Mardoqueoe, yu'un yaloj xa ti ja' jun judio vinique.

Éxodo 15:2

Ti jq'uejimole, ja' sq'uejintael ti Diose, yu'un ja' yip co'nton, ja' jpojobbail. Ta xcalbe slequilal, yu'un ja' Dios cu'un; ja' Dios yu'un ti jtote, jech ta sc'an ta xcac' ta toyesel ti sc'oplale.

Éxodo 29:45

Ta jchi'in ta naclej ti israeletique, Vu'un Diosun yu'unic.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 33:20

Jamal ta xcalbot ava'i, ti mu xu' ta xaq'uelbun ti jsate. Yu'un mu'yuc buch'u cuxul ta xcom junuc vinic ti buch'u ta xilbun ti jsate.

Éxodo 4:5

Laj xtoc un, xi albat yu'un ti Diose: —Le'e, ja' to jech ta xch'unic ti laj yac' sba iluc ti Dios ta atojolale, ja' ti Dios yu'un ti amolmuc'totaque, Dios yu'un ti Abrahame, ti Isaaque, ti Jacobe.

Jeremías 24:7

Ta xcac'be lec snopbenal yu'unic yo' jech ta xiyojtiquinic ti vu'un Ajvalilune. Ti stuquique ta xc'otic ta jteclumal, ta xic'ot ta Dios yu'unic un, ja' ti sjunul xa yo'ntonic ta sutic talel ta jtojole.

Jeremías 31:33

C'alal mi sta yoraile, xi s'elan ti jtrate ta jpas ta stojolic ti Israele: Ta jbejanbe ta yo'nton, xchi'uc ti jts'ibabe ta sjol ti c'usi jbel tsots albil cu'une. Ta xic'ot ta Dios yu'unic. Calab jnich'nab ta xc'otic ti stuquique. Ti vu'un Diosune, mu lo'iluc no'ox ta xcal.

Jeremías 32:38

Ta xc'otic ta jteclumal, ta xic'ot ta Dios yu'unic un.

Ezequiel 11:20

Ja' yu'un unbi, ja' to jech jun yo'ntonic ta xcuxiic ta spasel ti jmantaltaque, xchi'uc ti c'usitic nopbil cu'une. Jech ti stuquique, ja' xa bats'i calab jnich'nab. Jech ti vu'une, ja' xa Diosun yu'unic.

Zacarías 8:8

Ta xquiq'uic talel ta jteclum Jerusalén yo' jech ta xnaquiic tey. Jech ti stuquic une ta xc'otic ta jteclumal. Ja' jech xtoc ta slequilal yutsilal co'nton ta xic'ot ta Dios yu'unic.”

San Mateo 17:6

C'alal jech laj ya'iic ti oxib yajchanc'optaque, ta xi'el snupilan xa banomil laj spatan sbaic ta lumtic.

San Mateo 22:32

‘Diosun yu'un ti Abrahame, ti Isaaque, xchi'uc ti Jacobe.’ Ta stojol ti Diose, mu'yuc buch'u chamem, scotolic cuxulic ta sventa.

Marcos 12:26

Sc'oplal ti ta xcha'cuxi ti animaetique, ¿mi yu'un mu'yuc aq'uelojic c'u s'elan laj ts'iba comel ta jpoc svunal ti Moisese, ti c'alal c'opoj talel ta jpets te' ti co'ol s'elan ta xc'aq'ue? Xi laj yal ti Dios ta stojol ti Moisese: ‘Diosun yu'un ti Abrahame, yu'un ti Isaaque, yu'un ti Jacobe.’

San Lucas 20:37

Ti ta xcha'cuxi ti animaetique, laj yac' ta na'el ti Moisés ti bu ta xtil ta c'oc' ti jpets te'e. Yu'un xi laj yal ti Ajvalile: ‘Ja' Diosun yu'un ti Abrahame, ti Isaaque, ti Jacobe.’

San Lucas 5:8

C'alal jech laj yil ti Simón Pedroe, laj squejan sba ta stojol ti Jesuse, ti xi laj yalbee: —Cajval, ch'aco aba ta jtojol yu'un ti vu'une jsa'mulilun.

Hechos 7:32

‘Vu'un Dios yu'un ti amolmuc'totaque. Diosun yu'un ti Abrahame, yu'un ti Isaaque, yu'un ti Jacobe.’ C'alal jech laj ya'i ti Moisese, lic nicuc ta xi'el. Mi ja'uc xa sc'an sq'uel batel ti c'oq'ue.

Hechos 7:34

Yu'un laj xa quil ti oyic ta vocol ti calab jnich'nab ta Egiptoe. Laj xa ca'i ti x'ajlajetic yu'un ti svocolique. Liyal talel yo' tal jcolta loq'uel ta mosovil. La' me un cha'e, yu'un ta jtacot batel ta Egipto.’

Deuteronomio 6:3

Ja' yu'un un cha'e, israeletic, lic abtelanic ta spasel. Ja' to jech lec ta xc'ot ta atojolic. Jech ta xac'otic ta jun muc' ta lum ta banomil ti bu co'ol s'elan vo' ta xbein ti chu' vacaxe xchi'uc ti ajapome jech c'u cha'al laj ono'ox yal ti Ajvalil Dios ta stojol ti amolmuc'totic ti laj ech'icuc ta vo'nee.

Hebreos 11:16

Ja'uc ti stuquique ta sc'an ta sta ya'iic ti slequil-lumalique, ja' sc'oplal ti vinajele. Jech o xal ti Diose mu q'uexlaluc ta xa'i ti jech bisbil ta Dios yu'unique, ja' ti meltsanbat xa ti steclumalique.

Hebreos 12:21

Muc'ul xi'el ta j'ech'el laj yac' ti c'usitic laj c'otuc ta pasel ti laj yilique, ti xi laj yal ec ti Moisese: “Xinicnun xa ta xi'el ta xca'i ec.”

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Jueces 13:22

Xi laj yalbe ti yajnile: —Ta jbel sc'oplal ta xijchamotic ma' li' une, yu'un laj quiltic ti Diose.