Éxodo 3:22 - Bible in Tzotzil de Chamula

²² Ti jujun antsetique, ac'o sc'anbeic ti c'usi x'ayan yu'unic ti slac'naique, ti buch'uuc no'ox antsil nacal ta snaique. Ac'o yac'boxuc ti c'usi stac' tunesele jech c'u cha'al ti pasbil ta plata taq'uine, ti pasbil ta oroe, xchi'uc ti ac'o yac'boxuc ti c'u'iletique, yo' jech oy c'usi ta slapic ti avalab anich'nabique. Ja' jech ta xapojbeic batel scotol ti c'usi oy yu'unic ti egipcioetique.

Bible in Tzotzil de Chenalhó with Deuterocanon

²² Li jujun antsetique ac'o sc'anbeic tal c'usi oy yu'unic li boch'o nopol nacal xchi'uquique, boch'ouc no'ox antsil ti te nacal xchi'uquique. Ac'o sc'anic tal li c'usitic pasbil ta saquil taq'uin, ta c'anal taq'uin, xchi'uc c'u'il pac'aletic, yu'un jech oy sc'u'ic li aquerem atsebique. Ja' jech chapojbeic o tal scotol sc'ulejalic li egiptoetique —x'utat.

Éxodo 3:22 Iomraidhean Croise

Génesis 15:14

Jech ti vu'un eque ta xcac'be stojic ti muc' ta lum ta xmosovinvanique. Ts'acal to un, ti anitilultaque ta xcolic loq'uel talel. Ta xc'otic ta c'ulej ta j'ech'el.

Génesis 24:53

Ts'acal to un, laj sloq'uesan talel ep ta tos c'usitic meltsanbil ta oro, ta plata, xchi'uc c'u'iletic xtoc. Laj yac'be jelavel ti Rebecae. Jech xtoc ti xchi'il ta voq'uele, ti sme'e, laj yich'ic smotonic ec.

Salmos 105:37

Ta ts'acal to un, ti Diose laj sloq'ues batel ti steclumal ti xcuchojic loq'uel ti oroe, xchi'uc ti platae, ti mu'yuc c'usi laj snuptanic ti jujuvoc' nitiluletique.

Éxodo 11:2

Avi tana une, albo ya'i ti israel viniquetique xchi'uc ti antsetique, ti ac'o sc'anbeic ti c'usi x'ayan yu'unic ti slac'naic ti c'usitic meltsanbil ta oroe, ti ta platae.

Proverbios 13:22

Ti vinic oy yutsil slequile oy xrexto ta xictabe comel ti smamobtaque; ti c'u yepal sbusanoj sc'ulejal ti jsa'mulile, ta xc'ot ta yu'un ti buch'u oy stuq'uil yo'ntone.

Isaías 33:1

Mu xa ono'ox cha'bel un, ti mu'yuc to avich'oj ilbajinel ti j'ilbajinvanejote, ti mu'yuc to paybil ac'oplal ti jpayc'opote. C'alal mi lajelav xa ta ilbajinvaneje, malao xa ono'ox ava'i ti ta stsuts ac'oplal ec une. Mi lajelav xa xchi'uc ti uni pay c'op une, pay xi no'ox avuni c'oplal ec.

Ezequiel 39:10

Laj to c'op ma' ti ta xbat sa'ic talel si' ta osiltique, ti ta xbat sbasic talel si' ta te'tique, yu'un ta xtun ta si' yu'unic scotol ti abtejebaletic taje. Ti x'uninbat ta elc'anel ec un ti c'usi ba'yel laj yu'ninic ta yelc'anele. Ti vu'un Ajvalilune, mu lo'iluc no'ox ta xcal.