Éxodo 3:2 - Bible in Tzotzil de Chamula

² Ti bu taje, laj yac' sba iluc jun yaj'ánjel ti Dios ta jpets ch'ix te' ti volol ta o'lol leb c'oc' yilele. Jech ti Moisese laj stuc'ulan lec. Laj yil ti natic no'ox sleb c'oc' ta xtil ta ch'ix te'e. Ja' no'ox un, mu'yuc ta xc'ac'.

Bible in Tzotzil de Chenalhó with Deuterocanon

² Te laj yac' sba ta ilel yaj'almantal Muc'ul Dios ta o'lol yat c'oc' te ta jpets ch'ix. Li Moisese la sq'uel lec; ja' to laj yil ti yu'un tsanem li jpets ch'ixe, pero mu'yuc chc'ac'.

Éxodo 3:2 Iomraidhean Croise

Génesis 21:17

Ti Diose laj ya'i ta x'oc' ti quereme. Jech ti yaj'ánjel Diose, ta vinajel to, laj yavta ti Agar ti xi laj yalbee: “¿C'u cha'alot, Agar? Mu xaxi'. Yu'un ti Diose laj ya'i ta x'oc' ti aquerem bu oye.

Génesis 22:11

ti yaj'ánjel Diose xi biiltasvan talel ta vinajele: —¡Abraham! ¡Abraham! —¿C'usi ta xaval? Li' oyune —xi itac'av ti Abrahame.

Génesis 48:16

ti Ánjel buch'u laj spojun ta scotol ti c'usi chopole, ac'o sva'an sba ta stojol ti queremetic li'e. Ta sventa ti stuquique, c'otuc ta pasel ti na'bil ta xic'ote, ti na'bil c'otuc ti jmuc'totcutic Abrahame, xchi'uc ti jtot Isaaque. C'otuc ta pasel epajuc ti xnich'nabique, ti yepaluc voleticuc ta banomile.”

Salmos 66:12

Aq'ueloj xa no'ox ti buch'uuc xispujuncutic ta teq'uele; laj jtacutic sibtasel ti li'ech'cutic ta vo' ta c'oq'ue, le' une, c'ot ta pasel avu'un un, siquet to ti banomil tana une.

Éxodo 19:18

Va'i un, sjunul vits Sinaí xtomet no'ox liquel ta xloc' xch'ailal ta sventa ti yal talel ti Dios ta c'oq'ue. Ti xch'ailale, co'ol s'elan xch'ailal jorno ti xtomet ta xmuy batele. Ja' jech xtoc xnicnun sbejel ti vits ta j'ech'ele.

Éxodo 23:20

“A'yio ava'iic, ta jtac jelavel caj'ánjel ta atojol yo' jech ta xchabiot ta be. Ta xic'ot batel ti bu chapal cu'un ti ta xac'ote.

Éxodo 24:17

Ti yutsilal slequilal ti Diose, laj yac' sba iluc ta sba ta sat ti israeletique jech c'u cha'al junuc c'oc' ti ta xchic'van ti c'ot ta toyol vitse.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Isaías 43:2

C'alal ta x'ech' atuch' ti nabe, chi'inbilot cu'un. C'alal ta x'ech' atuch' ti uc'umetique, mu xa squilot ech'el. Mi oy bu ta x'ech' atuch' ti c'alal yacal ta tilel ti c'oq'ue, mu xac'ac', mu stsacot ti slebe.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Daniel 3:27

Scotol ti buch'utic oy yabtelic ta sjunul ti muc' ta lum ti bu tey oyique, nopajic batel ta sts'el ti viniquetique. Laj yilic ti mu'yuc c'aq'uem jutebuc sbec'talic yu'un ti c'oq'ue. Laj stuc'ulanic lec ti mu'yuc jutebuc muruchtajem ti stsotsil sjolique. Mi ja'uc jutebuc c'an-muxtajem ti sc'u'ique. Mi ja'uc jutebuc ti yic' xa c'aq'uet ta a'yiele.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

Marcos 12:26

Sc'oplal ti ta xcha'cuxi ti animaetique, ¿mi yu'un mu'yuc aq'uelojic c'u s'elan laj ts'iba comel ta jpoc svunal ti Moisese, ti c'alal c'opoj talel ta jpets te' ti co'ol s'elan ta xc'aq'ue? Xi laj yal ti Dios ta stojol ti Moisese: ‘Diosun yu'un ti Abrahame, yu'un ti Isaaque, yu'un ti Jacobe.’

San Lucas 20:37

Ti ta xcha'cuxi ti animaetique, laj yac' ta na'el ti Moisés ti bu ta xtil ta c'oc' ti jpets te'e. Yu'un xi laj yal ti Ajvalile: ‘Ja' Diosun yu'un ti Abrahame, ti Isaaque, ti Jacobe.’

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

Deuteronomio 33:16

xchi'uc ti sat ts'unubil ti busul no'ox ta xac' lec ta banomile. Ac'o stabe yutsil slequil ti Buch'u laj yac' sba iluc ta jtec' ch'ixe, c'otuc ta stojol José scotol ti va'i s'elan taje, ti laj yich' t'ujel loq'uel ta stojol ti sbanquiltaque.

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

2 Tesalonicenses 1:7

Ti yacaloxuc ta vocol avi tana li'e, oy bu ta xc'ot sc'ac'alil ta xac' acux avo'ntonic xchi'uc ti vu'uncutique. Taje, ja' to mi sta sc'ac'alil ta xcha'sut talel ti Cajvaltique, xchi'uc ti yaj'ánjeltac ti jelavem xu' yu'unic ti ta xvinaj ta vinajel ti volibil ta leb c'oc' ta xyal talele.

Jueces 13:13

Ti yaj'ánjel Diose xi laj staq'ue: —C'otuc ta pasel yu'un scotol ti avajnile jech c'u cha'al laj calbe ya'i ti xichie: